Бейсенбі, 18 Қараша 2021 14:09

Қаланың сәні мен сәулеті артуда

Бүгінде аудан орталығын абаттандырумен бірге бірқатар инфрақұрылымдық жобаларды жүргізу қолға алынған болатын. Бұл игі шаралар Есік қаласының сәні мен сәулетін арттырып, аудан орталығының тыныс-тіршілігіне өзгеше өң бермек. Жақында аудан әкімінің орынбасарлары Алтай Досымбаев пен Асыл Ваисов қала басшысы Айдар Бошкуловпен жаңа  құрылыс нысандарын аралады.

Алтын адамның атамекені саналатын Есік қаласындағы бірқатар нысандар ел Тәуелсіздігінің 30 жылдығына орай бой көтермек. Айталық Т.Молдағалиев атындағы  аудандық мәдениет үйінің жанында биіктігі 33 метр болатын Тудың тұғыры салынуда. Көк аспанда желбіреген көк Тудың жас ұрпақтың жүрегіне патриоттық сезім ұялататыны сөзсіз. Тәуелсіздіктің сыйы ретінде қолға алынған бұл жоба желтоқсан айының басында толығымен аяқталмақ.

Есік қаласындағы орталық стадионды заман талабына сай күрделі  жөндеуден  өткізу үшін 30 млн теңге  бөлініп, жобалық-сметалық  құжаттары   әзірленген болатын. Бүгінде бюджеттен 90 миллион теңге қаржы бөлінген  стадионның күрделі жөндеу жұмыстарын «Жан-Ерке и К» ЖШС қолға  алған. Мердігер мекеме өкілдерінің сөзінше алдағы уақытта стадионға газон  төселіп, арнайы жарық шамдары орнатылады. Жаңғырған стадион жыл соңында тұрғындар игілігіне табысталмақ.

Арнайы топ аудандық өрт сөндіру бөлімінің маңындағы 8 метрлік көше сағатының құрылысын да назардан тыс қалдырмады. Бюджеттен 8 миллион теңге бөлінген жобаның айтарлықтай бөлігі еңсерілген. Жоспарға сай көше сағатының маңы абаттандырылады. Ол аумаққа демалу мен шынығуға арналған  құрылғылар  орынатылады. Мердігер мекеме өкілдерінің сөзіне қарағанда жоспарға сай қарашаның соңында жұмыс толығымен аяқталады.

Аудан әкімінің орынбасарлары үшінші ықшам ауданды абаттандыру жұмысымен танысты. Бюджеттен 100 миллион теңге қаржы қарастырылған  бұл жобаның мердігерлері «SMK SHEBER» ЖШС мен  «Hadid» ЖШС. Аталған ықшам ауданды абаттандыру жұмысы аясында М.Ысқақ көшесіне асфальт төселіп, жаяу жүргіншілерге арнайы жол салынбақ. Жол жиегіндегі үйлердің маңына шағын ойын алаңдары бой көтеріп, автотұрақтар да назардан тыс қалмайды. Сонымен қоса, аталған көшеге шамдар орнатылады.

Тарихы терең құт мекенде өткенімізден сыр шертіп, Тәуелсіздігімізді тәу ететін еңселі  ескерткіштердің бой көтеруі көп көңілін шаттандырса керек. Ел Тәуелсіздігінің 30 жылдығына орай қазақ мемлекетінің іргетасын қалаған Керей мен Жәнібек хандарға арналған  тұғыры биік ескерткіш қала орталығынан бой көтермек.Бюджеттен 69 миллион теңгеге қаржы  жұмсалған ескерткіш пен саябақ құрылысына жауапты «А.С. Sapa Kurylys» ЖШС өкілдері жыл соңына дейін жобаны тас-түйін  дайын етеміз дейді. Жоспар бойынша ескерткіш маңындағы саябаққа гранит төселіп, көшеттер отырғызылады. Айнала толық түрлі-түсті шамдармен безендіріліп, субұрқақ орнатылып, аумақ абаттандырылады.

Әкім орынбасарлары жаңадан салынған және күрделі жөндеуден өтіп жатқан нысан-дарды аралау барысында атқарылған құрылыс жұмыстарын саралап, жұмыстың сапалы әрі дер кезінде атқарылуын ескертіп, мердігерлерге  тиісті тапсырмалар берді.

 

Е.АСЫЛ

Оқылды 364 рет
Осы категориядағы басқа материалдар: « COVID-19: Аудандағы ахуал COVID-19: Аудандағы ахуал »

Соңғы жаңалықтар

Желт 08, 2021

Бас құндылығымыз – Тәуелсіздік

ҚР Тұңғыш Президенті Нұрсұлтан Әбішұлы Назарбаев «Тәуелсіздік тағылымы» атты мақаласын…
Желт 08, 2021

Алтын адамның атамекені

Қазақ қоғамында ықылым заманнан бабалар мұрасын, салт-санасын, әдеби туындылары мен…
Желт 08, 2021

Көрме өтті

А.Байтұрсынов атындағы орта мектептің мәжіліс залында «Мәңгілік Ел» ассоциациясының…
Желт 08, 2021

Арман АБИЛЬДАЕВ: Собачья жизнь – в…

«Собака бывает кусачей только от жизни собачьей» – эта трогательная песенка вполне…
Желт 08, 2021

Бақытын тапқан еңбектен

ҰСТАЗДАР КҮНІ ЖАҚЫНДАҒАН САЙЫН ТҰЛА БОЙЫН ШАТТЫҚ КЕРНЕП, ҚУАНЫШТЫ СЕЗІМГЕ БӨЛЕНІП, НЕГЕ…
Желт 07, 2021

Книга вместо интернета!

Сегодня интернет заполнил и заменил собой все интеллектуальное поле. Но книга всегда была…
Желт 07, 2021

Жас ақындар мүшайрасы

Көктөбе орта мектебінде «Алаштану, тәуелсіздік және поэзия» атты аймақтық жас ақындар…
Желт 07, 2021

Ғалымдар бас қосты

Жақында «Есік» мемлекеттік тарихи-мәдени музей-қорығында Қазақстан Республикасы…
Желт 07, 2021

Еске алу турнирі өтті

Ақши ауылдық округіндегі Бөлек батыр атындығы орта мектепте волейболдан спорт ардагері…

Күнтiзбе

« Желтоқсан 2021 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет