Жұма, 20 Мамыр 2022 11:05

Күрделі мәселенің де күрмеуін шешуге болады

Аудан әкімі Қуат Сұлтанғазиев пен әкім орынбасары Бауыржан Бименов, аудандық мәслихат хатшысы Бекет Ахметов пен бөлім басшылары бастаған топ ауылдық округтердегі тұрғындармен кездесіп, олардың тыныс-тіршілігіне қастысты өзекті мәселелермен танысты. Ақши ауылдық округінен басталған жұмыс сапары одан әрі қарай Қырбалтабай ауылында  жалғасты.

Ақиш ауылындағы Бөлек батыр атындағы орта мектепте әкіммен кездескен жергілікті тұрғындар бірінші кезекте жайлымдық жер жетіспейтіндігін көлденең тартса, одан кейінгі кезекте ауыз су мен суармалы су, ауылдың ішкі жолдарын жасау мен көшелерді жарықтандыру және абаттандыру мәселелерін көтерді. Әрбір тұрғынды мұқият тыңдап, олардың айтқан талап-тілектері бойынша Қуат Елеусізұлы бұл шаруалардың оң шешілуі үшін тиісті жұмыстар жүргізілетінін атап өтті.

Ақши тұрғындары жер мен ауыл шаруашылығына байланысты көкейдегі көп сауалды ортаға салды. Ал ауыл шаруашылығы саласындағы мемлекеттік бағдарламаларға енгізілген түзетулер мен толықтырулар жайлы аудан әкімінің орынбасары Бауыржан Бименов түсіндірді.

– Ауыл тұрғындарымен кездесудегі басты мақсат – мұндағы жұртышылықтың  жай-күйімен танысып, туындаған мәселелердің оңтайлы шешу жолдарын табу. Сондықтан да тұрғындарды толғандырып жүрген проблемаларды шешуге және аяқсыз қалдырмауға тырысамыз, – деді аудан әкімі.

Келесі кезекте аудан басшысы Қырбалтабай ауылдық округіне ат басын тіреп, ондағы жұртшылықты толғандыратын мәселелерді талқыға салды. Жүздесуде ауыл ақсақалдары тарапынан жайылымдық жер, суармалы су, мәдениет үйін салу, қарасаусыз қалған әлеуметтік нысандарды игілікке жарату сынды тұщымды ойлар айтылды. Ал ауыл жұртшылығы интернет желісін жақсарту секілді өздерін толғандырған мәселелер бойынша ұсыныс-пікірлерін жеткізді. Айталық, зейнеткер С.Атикеев Қырбалтабай ауылындағы ауыз су құбырларының салынғанына 70 жылға таяп қалғанын, барлық су құбырлары тозып кеткендіктен жаз мезгілінде ауыл тұрғындарына тіршілік нәрі жетіспейтінін жеткізді. Ал ардагер ұстаз Д.Абдыкалыков Екпінді ауылына жаңа мектеп салу қажеттігін айтты.

Бірқатар ауыл тұрғындары әлеуметтік және басқа да қажеттіліктер бойынша талап-тілектерін аудан әкімінің жеке қабылдауында айтып, тұщымды жауаптар алды. Аудан әкімі ауыл тұрғындарын жеке сұрақтары бойынша қабылдады. Кездесу соңында Қуат Сұлтанғазиев көтерілген мәселелер бойынша жауапты мекемелерге нақты тапсырмалар берді.

 

Е.АСЫЛ.

Оқылды 4266 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет