Бейсенбі, 25 Тамыз 2022 10:54

Тілсіз жауды ауыздықтаған подполковник

Өткен аптада қаншама әулеттің салтанатты той-қуаныштарының куәсі болған Көктөбе ауылында орналасқан «Алатау Холл» мейрамханасының өрт шалған видеосы әлеуметтік желіде желдей есті. Бұл оқиғадан жерлестеріміздің барлығы дерлік хабардар болар. Күтпеген жерден ғимаратты шарпыған тілсіз жауды ауыздықтауға барын салып, азаматтардың қауіпсіздігі үшін өз басын қауіпке тіккен Бақыт Ташкенбаевты бейбіт күннің батыры десек, артық айтпаспыз.

Бақыт Ташкенбаев болмағанда салтанат сарайы түгелдей отқа орануы мүмкін еді. Ерен ердің ерлігі де жан-жақты насихатталып жатқаны мәлім. Дегенмен, редакция тілшілері де бейбіт күннің батырымен арнайы барып тілдесіп қайтты. Бүгінгі таңда 6654 әскери бөлімінде құрама офицері болып қызмет атқаратын подполковник Бақыт Жүнісұлынан оқыс оқиғаны баяндап беруін сұрадық.

– Сенбі күні жұмыс уақытынан кейін жұбайым мен балаларымды алып автокөлігіммен аудан орталығына кеткен болатынмын. Жолдың бойында мейрамханадан шыққан түтін көрінді. Ойланбастан мейрамхананың жанына бардым, сол жерде қызмет істейтін әйелдер шұғыл көмек сұрады. Газ баллондарды ажыратып, сыртқа шығару үшін бірден ғимараттың ас үйіне бет алдым.

Газ баллондарды қауіпсіз жерге шығарған соң, өрттің көзі өршіп бара жатқан негізгі залдағы екінші қабатқа көтерілдім. Төбесін жауып тұрған пластикалық материалдар еріп, төменге от тамып тұрды. Қауіпті азайту үшін, екінші қабаттағы үстелдер мен орындықтарды 1-ші қабатқа тастауға кірістім. Мейрамхана қызметкерлері де барын салып көмектесіп жүрді. Жиһаздардың бәрін түсіріп болған соң, мейрамхананың оң жақ бұрышынан бастап перделерді жылдам жұлып төменгі қабатқа тастадым. Қажет кезінде су да болған жоқ, 3 бірдей өрт сөндіру құралын (огнетушитель) қолданғаныммен көмегі болмады. Сол мезетте ас үйге жүгіріп, ас пісіретін қазандардағы суды шелекпен тасып қолдан келгенше өртті түгелдей сөндіріп үлгердік. Сыртта жұбайым көшедегі көліктерді тоқтатып, адамдарды көмекке шақырған екен. Бірнеше азамат келіп, олар да қауіптің бетін қайтаруға жәрдем берді. Төменде шашылған жиһаздарды екі жаққа жинап, өрт сөндірушілердің жолын ашып, дайындап қойдық. Өрт сөндірушілер келген бойда қарап тұрмай олардың да жұмысына көмектестім. Қызыл жалын ауыздықталып, қауіптің беті қайтқанына көзім жеткен соң, оқиға орнынан кетіп қалдым, – дейді подполковник.

Қаһарманымыз сыртта жан-жары мен балалары алаңдап қалғанын айтады. Өртке оранып жатқан бөлмеде газ баллондарын ажырату қатты қиынға соғары белгілі, жарылып кете ме деген үрей де болғанын жасырмайды. Тәуекелге бел буғанның арқасында ғимаратты да, талай адамның өмірін де құтқарып қалды деуге толықтай негіз бар. Себебі Бақыт Ташкенбаев болмағанда мейрамхана маңындағы үйлерге де қауіптің төнері анық еді.

20 жылдан астам уақыт әскери салада абыроймен қызмет атқарып жүрген 4 баланың әкесі Бақыт Жүнісұлының ерлігіне тәнтіміз. Аса қауіпті, өте қорқынышты сәтте қара басын қатерге тіккен азамат еңбегіне өтеу күту түгілі, ол туралы ойламайтынын айтуда.

– Бұл кез-келген адам үшін қалыпты жағдай, менің орнымда басқа адам дәл сондай қадамға барар еді, – деп ойын жеткізді. Сауабы орасан іс атқарған Бақыттай азаматқа Алла батпандай бақыт сыйласын, елдің алғысы мен батасы көсегесін көгертсін деп тілек білдіреміз.

Ринат НАРХАНОВ.

Оқылды 1030 рет

Соңғы жаңалықтар

Қырқ 30, 2022

Тәрбие мен білім — тағылымға бастар…

Ұстаздық – ұлағатты іс. Өмірде өскелең ұрпақ үшін тер төккен ұстаздар қауымының қашанда…
Қырқ 30, 2022

Их любят и ждут…

Международный день пожилых людей был провозглашен на 45-й сессии Генассамблеи ООН в…
Қырқ 29, 2022

Бөлім басшысы бекітілді

16 қыркүйек күні аудан әкімі Алтай Досымбаевтың өкімімен «Ішкі саясат, мәдениет, тілдерді…
Қырқ 26, 2022

Газификация – социальная программа

Газификация сельских округов района началась в 2017 году в рамках государственной…
Қырқ 26, 2022

Ұлылар үндестігі

Аумалы-төкпелі дәуірде туып, ұлт үшін топтаса білген кешегі зиялылар шоғырының шыңында,…
Қырқ 26, 2022

Экстремизм – ең қауіпті бүлік

Барлық мақтау мен мадақ күллі әлемнің Раббысы болған Аллаға тән. Оның салауаты мен сәлемі…
Қырқ 22, 2022

ҚАЗАҚСТАН РЕСПУБЛИКАСЫНЫҢ…

Қазақстан Республикасы Президентінің кезектен тыс сайлауын тағайындау туралы Қазақстан…
Қырқ 21, 2022

ҚАЗАҚСТАН РЕСПУБЛИКАСЫНЫҢ…

Қазақстан Республикасының елордасы – Нұр-Сұлтан қаласының атауын Қазақстан…
Қырқ 20, 2022

Президент 2023 жылы өтетін…

Қасым-Жомарт Тоқаев Дүниежүзілік экономикалық форумның негізін қалаушы әрі атқарушы…

Күнтiзбе

« Қазан 2022 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет