Қайырымдылық – қанға сіңген қасиет. Қоғамда мұқтаж жандарға қол ұшын созып, қуаныш сыйлайтын жандардың қарасы қалың. Оған дәлел «AMANAT» партиясының Еңбекшіқазақ аудандық филиалында өткен қайырымдылық акциясы.
Бүгін Еңбекшіқазақ аудандық партия филиалында «Бақытты отбасы» жобасы аясында «Баланы мектепке даярлайық!» республикалық акциясы өтті. Жыл сайын партияның бастамасымен дәстүрлі түрде өткізіліп келе жатқан акцияның мақсаты – әлеуметтік жағынан аз қамтылған отбасы балаларын мектепке даярлауға қолдау білдіру.
Шара барысында партия филиалының төрағасы Бағдат Рахимов және аудандық мәслихат депутаттары аз қамтылған және көпбалалы отбасында тәрбиеленетін 100-ге жуық балаға мектепке қажетті құрал-жабдықтарды табыстады.
Балдырған балалардың алаңсыз сапалы білім алуына бағытталған акция алдағы уақытта да жалғасын таппақ.
