Асыл қазынамызға айналған қарттарға жағдай жасап, құрмет көрсету – баршамыздың азаматтық парызымыз. Осы мақсатта биыл Есік қаласында Белсенді ұзақ өмір орталығы ашылған болатын. Жуырда аталған орталықта «Егде жас демографиясының өсіміне әлеуметтік-психологиялық әсер ету жолдары» тақырыбында облыстық дөңгелек үстел өтті.

Алдымен орталықтың тұрақты қатысушылары – қарттарымызбен тілдескен қонақтар олардың ұсыныс-пікірлеріне құлақ асты. Өз кезегінде егде жастағы аза-маттардың басын бір арнаға тоғыстырып, саламатты өмір салтын ұстануға мүмкіндік жасаған мемлекетке ризашы-лығын білдірді орталық қатысушылары.

Дөңгелек үстелде алғашқы сөз кезегін алған Алматы облысының жұмыспен қамтуды үйлестіру және әлеуметтік бағдарламалар басқармасының басшысы Айгүл Ахметова Белсенді ұзақ өмір орталықтары оң нәтижесін беріп жатқанын айтты.

– Қоғамның дамуы қоғам-ның қарт адамдарға деген қарым-қатынасымен өлшенеді. Мемлекеттік саясатта өмір сүру ұзақтығын ұлғайту бойынша нақты мақсат қойылды. Нәтижесінде соңғы жылдары халықтың орташа өмір сүру ұзақтығы артқанын көріп отырмыз. Сондықтан тұрғындардың өмір сүру ұзақтығын арттыру үшін облыс аумағындағы әр ауданда Белсенді ұзақ өмір орталықтарын ашуды жоспарлап отырмыз. Осы жылдың басында ҚР Парламент Сенатының төрағасы Мәулен Әшімбаев Қонаев қаласындағы жалғызілікті кісілерге және мүгедек қарттарға арналған орталықтың жұмысымен танысты. Сол жерде Сенат спикеріне осы орталықты слайд арқылы көрсетіп, оң бағасын алдық. «Мүмкіндік болса, еліміздегі әр аудан мен қалаларда осындай орталықтарды ашуымыз қажет» – деген ұсынысын біл-дірді М.Әшімбаев. Қазір барлық аудандарда осындай орталықтарды ашу жоспарланып отыр – деді басқарма басшысы.

Жиын барысында Белсенді ұзақ өмір орталығының директоры Ж.Сакташева баяндама жасап, егде жастағы адамдар арасындағы жас демографиясының мақсаттары мен міндет-терін, сондай-ақ орталықтың 5 жылдық даму жоспарын көпшілік назарына ұсынды.

Орталықтың әдіскер-статисті  Н.Чектибаева статистика-лық мәліметтермен бөлісіп, геронтопсихолог К.Елшибаева орталықтағы қызметтерге барғаннан кейін қарттардың эмоционалды және стресске төзімді жағдайына салыстырмалы талдау жасады. Сонымен қатар, К.Елшибаева мен Ж.Сакташеваның авторлығымен жарыққа шыққан «Геронтопсихология бойынша Практикум» кітабының салтанатты тұсаукесері өтті.

Дөңгелек үстел барысында көрсетілетін қызметті алушылар өз пікірлерімен бөлісіп, денсаулықтарының жақсарғанын растады.

Қазақстан Халқы Ассамблеясы жанындағы Алматы облыстық аналар кеңесінің төрағасы Г.Жошыбаева орталық жұмысының қажеттілігі мен маңыздылығы туралы айтып берді.

Ақын-жазушы Ш.Құсайынов өз сөзінде орталықтың қыз-метіне барғаннан кейін жақсы нәтижеге қол жеткізіп, денсау-лығының түзелгендігін айтты. Сондай-ақ, Есік қаласы ақса-қалдар кеңесінің төрағасы  С.Сыпатаев өз сөзінде қарттар-дың бос уақытын тиімді өткізуге әрі белсенді ұзақ өмір сүруіне жағдай жасап отырған басшылыққа ризашылығын білдірді.

Дөңгелек үстелдің соңында қызмет алушылардың осындай орталықтың қажет немесе қажет еместігін білу мақсатында  «Менің ойым» атты шеберлік сыныбы өткізілді.  Шеберлік сыныбының нәтижесі Белсенді ұзақ өмір орталықтары елімізге қажет екенін көрсетті.

Айта кетейік, Есік қала-сындағы Белсенді ұзақ өмір орталығы Алматы облысының жұмыспен қамтуды үйлес-тіру және әлеуметтік бағдарламалар басқармасының қолдауымен 2023 жылдың ақпан айында өз жұмысын бастады. Ағымдағы жылдың 16 маусымында салтанатты ашылуы өтті. Орталықтың негізгі мақсаты – зейнет жасындағы азаматтарды әлеуметтендіру, білім беру, психологиялық сауықтыру, спорттық және бос уақытты тиімді өткізу арқылы өзіне-өзі қызмет көрсету және белсенді жүріп-тұру қабілетін сақтаған егде жастағы адам-дардың белсенді өмір салтын қолдау. Орталықта 18 қызмет түрі көрсетіледі. Атап айтсақ, йога, сауықтыру және ұзақ өмір сүру психологиясы, би, жадты нығайту техникасы, цигун, скандинавиялық серуендеу, вокал және хор, емдік дене шынықтыру, қазақ және ағылшын тілдері, психолог пен заңгер кеңесі, еңбек терапиясы және сәндік-қолданбалы өнер, тоғызқұмалақ және шахмат, актерлық шеберлік, аква аэробика, теннис.

Қазіргі таңда орталыққа 332 қызмет алушы тіркелген, оның ішінде 72 ер азамат, 260 нәзік жандылар.

С.НҰРАДИН.