Тазалық – саулық кепілі. Иә, тәнімізді һәм жанымызды таза ұстаумен қатар, өзіміз өмір сүріп жатқан өлкенің, бізді қоршаған ортаның тазалығын қаматамасыз ету – барлығымыздың азаматтық борышымыз. Президент Қасым-Жомарт Тоқаев «...Айтпақшы, су тасқынына ұшырамаған өңірлерде менің тапсырмаммен «Таза Қазақстан» науқаны басталды. Мен әкімдердің бәріне бұл бір реттік науқан емес екенін ескерттім. Басқаша айтқанда, сенбілікке шығып, жұмыс істеген сыңай танытып, көзбояушылық жасауға болмайды. Көршілес елдердегі секілді бізге де Қазақстанды көгалдандыру, өңірлер мен қалалардың аумақтарын тазарту жұмыстарын үнемі жүргізу керек», – деген еді. Осы орайда аудан аумағында «Таза Қазақстан» экологиялық акциясы қарқынды ұйымдастырылып, тазалық науқанына азаматтар белсене кірісті.

Сенбі күні «Таза өлке» акиясы аясында аудан аумағында сенбіліктер ұйымдастырылып, мемлекеттік қызметкерлер, бюджеттік сала өкілдері мен кәсіпкерлік субъектілерінің жұмысшылары, аудан тұрғындары қоршаған ортаны күл-қоқыстан тазартып, ағаш көшеттерін отырғызды.

Ауқымды науқан аясында «Киелі мекен» акциясы жүзеге асырылып, тарихы тереңге бойлаған киелі мекеніміздегі тарихи-мәдени ескерткіштерді қалыпқа келтіріп, аумағын абаттандыру жұмыстары жүргізілуде.

Тазалықты сақтауға жұртшылықтың назарын аудара отырып, жастар арасында экологиялық мәдениетті қалыптастыруға арналған игі шара жалғаса бермек.

С.НҰРАДИН.