Қазақстан Республикасының Президенті Қасым-Жомарт Кемелұлының тікелей бастамасымен барлық өңірлерде «Таза Қазақстан» республикалық экологиялық акциясы өтуде. Игі бастамаға біздің аудан жастары да белсенді атсалысуда. Акцияның мақсаты – экологиялық мәдениетті қалыптастыру, қоршаған ортаға деген жанашырлық құндылықтарын дәріптеу болып табылады.

Акция барысында барлық мекеме, және «AMANAT» партиясы Еңбекшіқазақ аудандық филиалының қызметкерлері,партияластар, рухтас белсенділер аумақта жиналған қоқыстарды тазалап, ағаш отырғызу жұмыстарына өз үлестерін қосты. Аудан жұртымен бірге аудан әкімі Байеділов Талғат Ескендірұлы да сенбілік жұмыстарына қатысып, жауапты сала басшыларына бірқатар тапсырмалар берді. Яғни бөлінген аймақтар бойынша тазалық жұмыстарын жүргізу және туған жерді көркейту үшін тұрғындарды да белсенділікке шақыру керектігін айтып, әрбір үйдің ауласы және сыртқы келбеті әрленіп, көгалдандыру жұмыстарымен айналысу аудан тазалығына қосқан үлкен үлес болатынын жеткізді.

«AMANAT» партиясы жанындағы «Жастар рухы» жастар қанатының аудандық филиал төрағасы Данагүл Нурсаханқызы