Мектеп – қашан да жақсылық пен ізгіліктің, парасаттылық пен руханиятқа толы ойдың, таным мен тәрбиелі істердің ордасы. Үлкен өмірге қанат қағып, қанша биікке көтерілсең де алтын ұя санаңда жаңғырып тұрары сөзсіз.

Ы.Алтынсарин атындағы орта мектеп түлектері мектеп ордасында өткізген оқушылық өмірде осындай ұлағатты істердің ұшқынын бойына сіңіріп, тәлімімен жүректерін суарып, байыпты  бағдарын  бағыт етіп ұстанып, білім көкжиегін бойына дарыта алды. Оның дәлелі, мектебіміздің аяулы ұстаздары Ұлмекен Егинбаева, Женилхан Идинова, Гульбаршын Дильдабекова, Улбике Абдукалыкованың шәкірттері, 2004 жылғы түлектер биыл түлеп ұшқан алтын ұясына 20 шақты шырша көшетін сыйға тартып, мектеп бақшасын көгалдандыруға, «Таза Қазақстан» республикалық экологиялық акцияны ұйымдастыруға атсалысты. Сонымен қатар, Қазақстан Республикасының мемлекеттік рәміздері бұрышын жасап, ұлағатты іске ұйытқы болды. Түлектердің игі істеріне ұстаздар мен ата-аналар, оқушылар ризашылығын білдіріп, алғыстарын жаудырды.

Н.АЖМОЛДАЕВА,

Ы.Алтынсарин атындағы

орта мектеп директорының тәрбие ісі жөніндегі орынбасары.