«AMANAT» партиясының «Бақытты отбасы» жобасы аясында көпбалалы және аз қамтылған отбасылардың балаларын оқу жылына дайындау мақсатында жыл сайын «Баланы мектепке даярлайық!» акциясы өткізіліп келеді.

Бүгін аталған акция аясында «AMANAT» партиясы Еңбекшіқазақ аудандық филиалының төрағасы Багдат Рахимов,аудандық мәслихат депутаты Есік БПҰ төрағасы Ш.Қасымбаева көпбалалы және аз қамтылған отбасылардың балаларына мектеп формасы, оқу құралдары мен сөмкелер тарту етті.

Биыл «Баланы мектепке даярлайық » акциясы 1 ай көлемінде «AMANAT» партиясы Еңбекшіқазақ аудандық филиалына қарасты бастауыш партия ұйымдары, мәслихат депутаттары, партиялас демеушілердің қолдауымен өткізіліп келеді. «AMANAT» партиясы өзінің сайлауалды бағдарламасын жүзеге асыру аясында балалардың білім алуына лайықты жағдай жасау бағытында ауқымды жұмыстар жобалар іске асырылуда» деді- Б.Рахимов
Акция аясында оқушыларға кеңсе тауарлары мен мектеп формалары салынған сөмкелермен қамтылды
Аталмыш іс-шара барысында Жаңа оқу жылы қарсаңында ең керекті заттарға ие болған балалардың ата-аналары осы игілікті іс үшін партия белсенділеріне алғыстарын жеткізді.

Шара соңында Т.Молдағалиев атындағы аудандық мәдениет үйінің өнерпаздары концерттік бағдарлама ұйымдастырып, өнерлерін көрсетіп, акцияға қатысушы бұлдіршіндерге көтеріңкі көңіл – күй сыйлады.