МЕМЛЕКЕТ БАСШЫСЫ ҚАСЫМ-ЖОМАРТ КЕМЕЛҰЛЫ ТОҚАЕВ 2024 ЖЫЛДЫҢ 2 ҚЫРКҮЙЕКТЕГІ ДӘСТҮРЛІ ТҮРДЕ ПАРЛАМЕНТ ПАЛАТАЛАРЫНЫҢ БІРЛЕСКЕН
ОТЫРЫСЫНДА «ӘДІЛЕТТІ ҚАЗАҚСТАН: ЗАҢ МЕН ТӘРТІП, ЭКОНОМИКАЛЫҚ ӨСІМ, ҚОҒАМДЫҚ ОПТИМИЗМ» АТТЫ ҚАЗАҚСТАН ХАЛҚЫНА АРНАҒАН ЖОЛДАУЫН ЖАРИЯЛАДЫ.
Аталған саяси құжат осыған дейін жарияланған Жолдаулардың заңды жалғасы десек қателеспейміз. Себебі, Президентіміздің алдыңғы Жолдаулары еліміз үшін тарихи маңызы зор бастамаларға түрткі болғандығын жақсы білесіздер.
– Қазақстан халқы қазір мүлде жаңа саяси жағдайда өмір сүруде. Соңғы 5 жылда ауқымды реформалар жасалды. Еліміздің саяси жүйесі түбегейлі өзгерді. Жұрттың сана-сезімінде бетбұрыс болып жатыр. Халықтың құқықтық мәдениеті артып келеді. Азаматтардың бойында жаңа әдеттер, дағдылар қалыптасып, жаңа құндылықтар орнығуда. Саяси және қоғамдық болмысымыз, менталитетіміз және мәдени кодымыз өзгере бастады. Бір сөзбен айтсақ, Әділетті Қазақстан құрылып жатыр. Мұның бәрі, ең алдымен, халықтың қалауымен жасалуда. Сондықтан біз алған бетімізден қайтпаймыз, бағытымыздан таймаймыз, – деген Президент, халықтың әл-ауқатын жақсартуға септігі тиетін басқа да көптеген шара қолға алынғанына назар аударып, арқаны кеңге салуға болмайтынын, алдымызда әлі талай ауқымды жұмыс тұрғанын айтты.
Мемлекет басшысы Қазақстан хал-қына Жолдауында елімізді әлеуметтік-экономикалық тұрғыдан одан әрі дамыту үшін қажет төмендегідей:
– ақша-несие саясаты мен фискалды саясаттың арасындағы үйлесімсіздікті жою;
– инвестициялық ахуалды және биз-нес жүргізуге қажетті жағдайды жақ-сарту;
– еліміздің өнеркәсіп әлеуетін толық пайдалану үшін жан-жақты шаралар қабылдау;
– инфрақұрылымға қатысты өзекті мәселелерді шешу;
– еліміздің кадрлық әлеуетін бір-тіндеп арттыру;
– ұлт саулығын нығайту үшін кешенді шараларды қолға алып, халықты әлеу-меттік қолдау жүйесін жаңғырту;
– экологиялық ахуалды жақсарту, қоғамда қоршаған ортаны қорғаудың мән-маңызын кеңінен дәріптеу;
– мемлекеттік басқару ісінің тиім-ділігін барынша арттыру;
– заң мен тәртіп идеологиясын терең орнықтырудыкөздейтін 9 бағдардан тұ-ратын бірқатар бастаманы ортаға салды.
Сондай-ақ, алдымызда ауқымды жұмыс тұрғандығын және тұрақты әлеуметтік-экономикалық өрлеуді қам-тамасыз ету, азаматтардың жасампаз-дық әлеуетін толық ашу және халықтың әл-ауқатын арттыру – мемлекеттің маңызды міндеті екендігін атап өтті.
Байқасаңыздар, алдымызға қойы-лып отырған міндеттер жылдан-жылға артып келеді. Мың құбылған қазіргі заманда алдағы жолдың қиындығы көп. Сол себепті, Жолдаудың бағыты мен міндетін жіті түсіне білуіміз ғана емес, маңыздылығын әр азаматқа жеткізе білуіміз, әрі бәріміз бір ел болып, әді-летті және дамыған Қазақстанды бірге құру жолында табанды еңбек етуіміз маңызды.
Қорыта келгенде, еліміздің дамуы мен халқымыздың амандығы – бағытты, жүйелі әрі табанды шараларға және біздің тұрақтылығымыздың тұғыры бір-лігімізге байланысты екендігін атап айту керек.
Сондықтан, баршаңызды саяси құжаттың ұтымды идеялары аясына бірігіп, алдымызға қойған тарихи міндеттерді жұмыла жүзеге асыруға, ел мүддесі үшін ұйысуға шақырамын.
Тәуелсіз Қазақстанның таңы нұрлы, егемен еліміздің ұрпағының еңсесі биік болып, көк аспанда қасиетті көк туымыз мәңгі желбірей берсін!
Бекет АХМЕТОВ,
Еңбекшіқазақ аудандық мәслихаттың VІII шақырылым
депутаты, мәслихат төрағасы.
