Жүгірген аңның тұяғы, ұшқан құстың қанаты талатын қасиетті қазақ жері талай ұлт пен ұлысты бауырына басқан құтты мекен екені анық. Жаратқан иеміз көңілі даласындай дархан халқымызға – тәуелсіздік пен ұланғайыр даланы осы бір қасиеті үшін бере салғандай көрінеді. Ал, Тәуелсіздік теңдесі жоқ байлық. Бұл байлықты сақтаудың негізгі шарты – бірлік екені белгілі. Осы орайда жуырда Есік медициналық колледжінде «Достық заңынан асқан заң жоқ» тақырыбында кездесу өтті. Аталған жиынға «Ахыска» түрік этномәдени орталығының төрағасы Ибрагим Алиев, ұйғыр этномәдени орталығының төрағасы Ялкунжан Садыков және этномәдени орталықтардың мүшелері, ұстаздар мен колледж студенттері қатысты.

Өз кезектерінде сөз алған Ибрагим Алиев, Ялкунжан Садыков Қазақстан халықтарының Ассамблеясы туралы мәлімет беріп, мемлекеттік тіл мәртебесін көтеру, этностар арасындағы ынтымақты нығайту сынды өзге де өзекті тақырыптарды кеңінен баяндады.

«Адамзаттың бәрін сүй бауырым деп» деген Абай атамыздың сөзі ешқашан мәнін жоймайтыны анық. Аталған шарада татулықтың туын тік ұстау керек заманда, тұрақтылықты бұзғысы келетін сыртқы және ішкі күштерден сақ болу қажеттігі жөнінде келелі әңгімелер қозғалып, колледждің өнерлі тәлім-герлері ән шашуларын жолдады.

Ринат НАРХАНОВ.