Қарасай ауданы Жандосов ауылының тұрғыны, Ұлттар Достығы көшесі 46 үйде тұратын Кульбаев Зейнелғаби биылғы жылдың тамыз айында «Ауыл аманаты» бағдарламасы арқылы 7 млн теңге несие алды. Бұл қаражат ауылда кәсіпкерлікті дамытуға бағытталған маңызды құрал болды.
Зейнелғаби несие аясында 4 млн теңгені 2024 жылдың тамыз айының басында, ал қалған 3 млн теңгені айдың аяғында алды. Алынған қаржыға ол қажетті құрал-жабдықтарды сатып алды, атап айтқанда:
1. Листо гиб
2. Узор Н-1
3. Кемпинг сварочный аппарат
4. Сверлиный станок
5. Углекислый газ
Кульбаевтың кәсібі терезелерге решетка, аткос, қақпаларға үлгілер, шатырларда қар ұстағыштар жасауға бағытталған. Бұл өнімдер ауыл тұрғындарының қауіпсіздігін қамтамасыз етіп, сұранысқа ие.
«Ауыл аманаты» бағдарламасының арқасында Зейнелгаби кәсібін кеңейтуге, заманауи жабдықтармен қамтамасыз етуге және жұмыс күшін тартуға мүмкіндік алды. Ол жастарды жұмыспен қамтып, жаңа кәсіби дағдыларды үйретуде де белсенді.
Зейнелгаби сияқты кәсіпкерлер ауыл шаруашылығы мен кәсіпкерлікті дамытуда маңызды рөл атқарады. Олар ауылдың экономикалық жағдайын жақсартуға, тұрғындардың өмір сүру сапасын арттыруға елеулі үлес қосып жатыр. Кульбаевтың ісі – ауылда тұрақты дамуды қамтамасыз ететін нақты қадамдардың бірі.
