Қыз бала бой жетіп, ақ босағадан

 аттап, бір үйдің, бір әулеттің келіні атануы – өмірдің заңы. Ұлттық тәрбиені өн бойына дарыта алған қыз бала сол әулеттің түтінін түтетіп, шаңырағын биіктетіп, ауызбіршілікті отбасын сақтайды. Қазақ әуелден «Келіні жақсының керегесі алтын» деп босағадан аттаған жас жанның тәрбиесіне мән берген. Ғасырлардан келе жатқан осы үрдіс бүгінде өз күшін жойған жоқ.

Жақында Қайназар ауылының мәдениет үйінде «Өнегелі келін – өрісің» атты келіндер сайысы өтті. Шараның басты мақсаты қазіргі жастар арасына ежелден ұмыт болған ата-дәстүр салтымызды қайта жаңғыртып, қазақ қыздарына тән әдемілік, әдептілік, ізеттілік және ісмерлік пен тапқырлықты дәріптеу болды. Байқауға Азат, Қайназар, Рахат, Өрікті ауылдарының келіндері қатысты.  Қатысушылар «Мен қазақтың келінімін», «Әлдилеп, аялап тербеген бесігін», «Өз өнерін көрсету», «Қазақтың ырым-тыйымдары» кезеңдері бойынша өнер көрсетті. Сымбатына сәні келіскен келіндер сахна мәдениетін сақтап, шынайы қазақы сұлулықты танытатын бірден бір нышан, қазіргі заманға лайықталған ұлттық киімдерді киіп, көпшілікке өнерлерін паш етті. Әр кезең соңында ұпай сандарын жарияланды. 

Байқау соңында қазылар ал-қасы жеңімпаздарды марапаттап, арнайы сыйлықтарын табыстады.  Сондай-ақ, Қайназар ауылдық округі әкімінің орынбасары Дина Әскерқызы осы сайысқа демеушілік көрсеткен азаматтарға алғыс білдірді.

Айерке МЕРЕКЕҚЫЗЫ.