Ұстаз болу – жүректің батырлығы,
Ұстаз болу – сезімнің ақылдығы.
Ұстаз болу – мінездің күн шуағы,
Ұстаз болу – адамның асылдығы.
Иә, жан дүниесін нұрландырып, жүрегіне шапағат нұрын төккен ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де ұстазға қарыздар. Ұрпаққа айтар ақылы, көрсетер өнегесі бар, аналық, әкелік сезімнің, дана ойдың иелері – ұстаздар. Биыл жаңа оқу жылымен қатарлас келетін ұстаздар мерекесі Т.Молдағалиев атындағы мәдениет үйінде өтті. Шараға Алматы облысы білім саласында сапаны қамтамасыз ету департаментінің басшысы Ержан Сапарұлы мен аудан әкімі Талғат Байеділов және ауданымыздағы барша ұстаздар қауымы қатысты.
Аудан әкімі ұстаздарды құттықтап, ауданымыздағы жетістіктерге тоқталды.
– Ұстаздық – ұлы құрмет. Өмірге ұрпақ берген аналарды қалай ардақтасақ, ұрпақты тәрбиелейтін ұстаздарды да солай қадірлеуге міндеттіміз. Шәкірттерін білім нәрімен сусындатып, жақсы қасиеттерді бойына дарытатын ұстазға деген халқымыздың құрметі қашан да ерекше. Себебі, қо-ғамның басты байлығы адам болса, «Адамның адамшы-лығы жақсы ұстаздан» дейді дана Абай. Ұстаздың әр адамның жүрегінен алатын орны айрықша, қолына қалам ұстатып, алғаш әліппені үй-реткен мұғалімін еске алмайтын жандар кемде-кем болар.
Қазіргі таңда, мемлекет тарапынан сапалы біліммен қамтамасыз етуге жан жақты жағдайлар жасалуда. Мемлекет басшысы Қасым-Жомарт Кемелұлы Тоқаев «Әділетті мемлекет. Біртұтас ұлт. Бе-рекелі қоғам» атты Қазақстан халқына Жолдауында: «Мұ-ғалімдердің біліктілігін арт-тыруға және әлеуметтік мәртебесін көтеруге көңіл бөлген абзал», – деп ілім мен ізгілікті алға қоятын аяулы ұстаздардың еңбегі қашан да бағалы екенін айтып өтті. Сонымен қатар, Үкіметке үш ауысымдағы және апатты жағдайдағы мектептердің мәселесін түбегейлі шешу мақсатында «Жайлы мектеп» білім беру саласындағы пи-лоттық ұлттық жобаны іске асыруды тапсырған болатын.
Осы ұлттық жоба аясын-да биылғы жылдың өзінде ауданымызда Ащысай, Алмалы ауылында 600 орындық, Қаражота ауылында 300 орындық, Сатай ауылында 900 орындық 4 жайлы мектеп-тің құрылыстары жүргізіліп жатыр.
