Ауданымыздың жас спортшысы Алихан Ермекұлы 2024 жылдың 26-27 қазан айы аралығында Италияның Рим қаласында өткен спорттың Мейбукан Годзю-рю каратэ-до түрінен  өткен Әлем чемпионатында екінші орын алып, күміс жүлдегер атанды.

Жалындаған жігерімен, бапкерлерінен түйген шебер-лігімен құрлық жарысында, спорттың жекпе-жек, «ката» түрлерінен қарсыластарынан оқ бойы озық шыққан Алихан байрақты бәсекеде талайдың таңдайын қақтырған. Әлемнің 26 елдерінің кіл мықтылары бақ сынаған бәсекеде Қазақ елінің абыройын асқақтатып, күміс медальдыеншілеп, жас жеткіншегіміз абыроймен елге  оралды.

12 жасар Алихан бала күнінен спортқа құмартып, осы саладағы аға-әпкелеріне елік-теп өскен. Небәрі 4 жасынан жанына жақын каратэмен айналысып, Есік қаласындағы спорт мектебінің бапкері Фархат Мурсалиевтің тәрбиесінде болған. Алматы қаласында бапкер Нұрлан Керімбаевпен жаттығып, спорттық  шеберлі-гін шыңдаған.

Бала күнінен баптаған ұста-зы Фархат Мурсалиев та осы спорт түрінен талай белестерді бағындырған жан, қара белбеу иегері, Алматы облысы бойынша осы  спорт түрінің жетекшісі, спорт шебері.

«Ұстаз талантты болса, шәкірті талапты болады» деген сөз осыдан шықса керек. Міне, осындай шебер бапкерлерден шыңдалып, талаптануының арқасында Алихан 50-ден аса алтын-күміс жүлделерге, алты дүркін еларалық чемпиондық атақтарға ие болған, қызыл белбеу, спорт шеберінің үміткері, енді әлемдік деңгейдегі дода-лардың алдына шықты.

– Алихан балам үлкендердің ақ тілек, баталарымен, ата-анасының күш-жігер беріп, ынталандырып, дайындықтан қалдырмай қадағалауының арқасында биік-биік шыңға шығып, асуларды бағындырып отыр. Баламыз осы бағытынан талмай, әлем чемпионы атануына тілектеспіз – дейді атасы Тоғызбай Нұрсейітұлы.

С.НҰРАДИН.