Еңбекшіқазақ ауданының әкімі Талғат Байеділов азаматтарды жеке мәселелері бойынша қабылдап, өзекті мәселелерін тыңдады. Қабылдауға аудан әкімінің орынбасарлары, бөлім басшылары және ауылдық округ әкімдерінің орынбасарлары қатысты.

Қабылдауға келген тұрғындар тұрғын үймен қамтамасыз ету, жайылымдық жер, материалдық көмек, әлеуметтік мәселелер жөнінде сауалдар көтерді.

Аудан әкімі өтініштерді мұқият тыңдап, заң аясында түсініктеме берді. Тұрғындардың сұрақтарына тиісті сала басшылары да нақты жауап беріп, кейбір мәселелер сол жерде шешімін тапты. Қосымша зерттеуді қажет ететін өтініштер бақылауға алынды.