Құрметті ақжаулықты аналар, аяулы арулар!

Сіздерді 8 наурыз – Халықаралық әйелдер күнімен шын жүректен құттықтаймын!

Қашан да елге тұтқа, ұрпаққа пана болған әйел затынсыз жарық дүниені, төрткүл әлемді елестету мүмкін емес. Шуақты көктемнің алғашқы күндері осындай салтанатпен басталуының өзіндік ерекшелігі бар. Себебі, табиғат тіршілігінің бастауын көктемнен алса, адамзат өз өмірінің бастауын анадан алады. Ана бір қолымен бесік тербетсе, екінші қолымен әлемді тербетеді. Әйел отбасының ұйытқысы.

Сіздер мемлекеттiк қызмет пен қоғамдық істе де, кәсіпкерлік пен тәлімгерлікте де тамаша табыстарға қол жеткiзiп келесіздер. Біз әрқашан да қоғамның дамуын, өмірде нәзік,  ал істе мығым әйелдер қауымымен тығыз байланыстырамыз.  Әйелдер қауымы табысты, іскер адам болуымен қатар отбасы, ошақ қасының ұйытқысы, ырыс-берекесі. Әйелдің мейірімі, махаббаты мен жан шуағы әр уақытта кез келген қиындықты жеңуге көмектеседі.Қоғамда биік адамгершілік құндылықтардың сақталуына, әр этнос өкілдерінің арасындағы келісім мен бірліктің нығаюына ықпал етеді.

Сіздерге баянды бақыт, отбасында береке-бірлік, шаңырақ-тарыңызға шаттық және барлық арман-мұраттарыңыздың

орындалуын тілеймін.Мерекелеріңіз құтты болсын!