Қайырлы таң,Қазақ елі!

Бүгін 27-науырыз Ақиық Ақын
Мұқағалидың өмірден озған күні.
Желіні ашсам таңғы алтыда Бақытжан Атагелдиев ағамыз дүрілдетіп Ақын өлеңін оқып жатыр екен.
Сондағы туған ой.

Жақсыларды өлді дейтін кім екен?
Жақсылар мен өмір Мәңгі бір екен.
Қайран ақын қалың ойда отырып,
Дәл осы күн қалғып кеткен күн екен.
Алатаңнан жыры оқылды жарқылдап,
Өлмепті Ақын,өлмейді Ақын тірі екен
Өлең болып қайта оралып өмірге,
Жанымызда арамызда жүр екен.

Тірлігіңде қол жеткізбей арманың,
Талай түнде тарықтың ау тарланым.
Жырың үшін бозторғайдай шырылдап ,
Жамандардан жараланған арланым .
Тек пейіште шалқысыншы рухың,
Қалғып барып қайта тұрған ардағым.

Даубай Әдисай, айтыскер ақын.