Еңбекшіқазақ ауданы Бас мемлекеттік санитарлық дәрігерінің № 30 Қаулысы бүгіннен бастап (30.11.2020) күшіне енді. Онда аудан аумағында карантин жалғастырылатыны және кейбір шектеу шаралары енгізілетіні айтылған.
Ол шектеу шаралары төмендегідей:
- 30-дан артық адам отыратын залдары бар қоғамдық тамақтану объектілері;
- ойын-сауық объектілері, оның ішінде түнгі клубтар, көрмелер, букмерлік кеңселер, бильярд, караоке, PS клубтар, квесттер, антикафе, боулинг орталықтары, лото-клубтар, компьютерлік клубтар, сауда объектілеріндегі ойын алаңдары, батуттар, жабық үй-жайларындағы аттракциондардың жұмыс істеуіне;
- 65 жастан асқан азаматтардың көшеге шығуына;
- ойын-сауық, спорттық іс-шараларды, көрмелерді, форумдарды, конференцияларды, семинарларды, тренингтерді, отбасылық салтанатты, естелік іс-шараларын үйде де өткізуге;
- бір отбасы мүшелерін қоспағанда, 3 адамнан асатын топтармен жүріп-тұруға тыйым салынады.
Күшейтілген санитарлық-дезинфекциялық және бетперде режимін, әлеуметтік қашықтықты сақтай отырып, келесі қызмет түрлеріне рұқсат:
– қоғамдық тамақтану объектілерінде (мейрамханалар, дәмханалар, барлар, асханалар) ашық ауада және залда 30-дан аспайтын қонақ қабылдауға болады. Бірақ ұжымдық, салтанатты, отбасылық және басқа да бұқаралық іс-шараларды өткізуге қатаң тыйым салынады. Әрі қоғамдық тамақтану орындарында көрші үстелдердің шеткі орындары арасында кемінде 2 метр әлеуметтік қашықтықты сақталуы керек және бір үстелде 4 адамнан артық отыруға болмайды.
– азық-түлік және азық-түлік емес базарлардың толтырылуы 30% - дан аспайды, үй-жайлардың ауданы 1 келушіге 4 м2 есебінен, жұмыс кестесі сағат 10:00-ден 17:00-ге дейін;
– косметологиялық қызметтер, маникюр және педикюр қызметтерін көрсететін сұлулық салондары, шаштараздар (алдын ала жазылу бойынша, 1 келушіге 4 ш. м. есебінен, ауысым бойынша жұмыс) жұмыс кестесін сағат
10 :00 ден 18:00 ге дейін;
– алдын ала жазылу бойынша моншалар, сауналар, СПА орталықтары толымдылығы 50% - дан аспайтын, сондай-ақ 1 келушіге 4 шаршы метрден кем емес жағдайда, жұмыс кестесі сағат 10:00-ден 20:00-ге дейін.
Қаулының толық нұсқасы
mezet.kz
