Өлең өлкесінде, ән әлемінде айшықталып, республикалық «Өнерлі елдің өресі биік» атты ата-апалар арасындағы байқауда әжелеріміз жарады. Төрт номинация бойынша біріншіліктің биігінен көрінді.
Нақтыласақ, жуырда ғана Алматы қаласында өткен республикалық өнер байқауында «Алтын адам» әжелер ансамблі «Хормен ән салу» номинациясы бойынша бірінші орынға лайық деп танылды. Абзал аналарымыз халық әндерінен поппури орындап, әділ-қазылар мен көрермен ықыласына бөленді. Сол секілді ансамбль мүшесі Күлән Мадиярова «Ән салу» және «Ақындық өнер» номинацияларының жеңімпазы атанды. Ал ансам-бльдің музыкалық көркемдік жетекшісі Нұржамал Шакибаева «Дәстүрлі ән» номинациясы бойынша бірінші орынға ие болды.
Жеңімпаздарды жеңістерімен шын жүректен құттықтаймыз!
Роза ИСАТАЕВА,
аудандық «Әйелдер одағы»
қоғамдық қорының төрайымы.
