Елбасының «Болашаққа бағдар: рухани жаңғыру» мақаласын жүзеге  асыру мақсатында қазақтың алтын ұрпағы драматург, көрнекті жазушы, қазақ әдебиетін қалыптастырушылардың бірі Б.Майлиннің туғанына 125 жыл толуына орай ауқымды шара ұйымдастырылды. Өрікті ауылындағы Б.Майлин атындағы орта мектебінде «Қанатты қаламгер» тақырыбында облыстық семинар өтті.

Семинарға Б.Майлиннің шөбересі Салтанат Мустафи-на, жазушылар одағы басшы-сының орынбасары Бауыржан Жақып, алаштанушы профессор А.Искакова, «Өр-леу»  порталының директоры және «Медеобілім», «Вундеркинд» республикалық журналының  редакторы Ж.Көшембаев, Халықаралық «Бейбітшілік әлемі» шығарма-шылық бірлестігінің президенті Ә.Нұрманов, таланттар ака-демиясының директоры А.Мылтықбаев, «Бейбітшілік әлемі» шығармашылық бірлестігінің Алматы облысы бойынша директоры Ф.Абыханқызы, Рахат ауылдық округінің әкімі Қ.Ақшабаев, Еңбекшіқазақ аудандық білім бөлімінің әдіскері А.Бухарова  және аудан мектептерінің әдіскерлері қатысты. Шараның салтанатты ашылуы мектеп директоры А.Мукаеваның баяндамасымен басталды. Мектебіміздің мұғалімдері «Б.Майлин көркем сөз шебері», «Б.Майлин – қоғам қайраткері», «Күлпәш әңгімесі – заман көрінісі», «Ұлы дала саңлағы» тақырыптарында  ашық тәрбие сағаттарын көрсетті. Келген қонақтар ашық тәрбие сағаттарына қатысып, оқушылардың Б.Майлин шығармаларынан қойған көріністеріне тәнті болып, жоғары баға берді. Сондай-ақ, оқушылар Б.Майлин шығармаларын жатқа мәнерелеп оқып, көрермендер көзайымына айналды. Мектеп мұғалімдерінен құрылған оркестр өнерінен және концерттік бағдарламадан рухани азық алған қонақтар мен көрермендер өнерпаздарды қошеметке бөледі. Сонымен қата, қонақтар атынан  ұжымға  алғыс хаттар мен естелік сыйлықтар тапсырылды.

Р.Жолдасова,

Б.Майлин атындағы орта мектеп

директорының оқу ісі жөніндегі орынбасары.