Бүгін «Nur Otan» партиясы аудандық филиал төрағасы Қуат Байғоджаев, партияның белсенді мүшелері Асыл Байтулақов пен Тілеулес Ұзақов жастармен кездесу өткізді.

Мемлекет басшысы Қ.Тоқаевтың Қазақстан халқына арнаған биылғы Жолдауын түсіндіру мақсатында өткен жиында жастар мәселесі де талқыланды.

– Президентіміз Жолдауда бүгінгі ұрпақтың білімді болуы керектігін айтты. Сонымен қатар жас буынды ерінбей еңбек етуге баулу қажеттігін алға тартты. Сонда ғана еліміз жарқын болашаққа нық қадам баса алады. Саналы, тәрбиелі әрі еңбекқор жастар ғана Мәңгілік елдің іргетасын бекем етеді – деген Қуат Сұлтанұлы Жолдауда көрсетілген жаңа Қазақстанның іс-қимыл кезеңдеріне тоқталып өтті.

Шараға қатысушылар да өздерінің пікірлерін білдіріп, ұсныстарын ортаға салды.

С.НҰРАДИН