Бүгін «Nur Otan» партиясының кадрлық резерв мүшелері әлеуметтік сала қызметкерлерімен кездесу ұйымдастырды.
Мемлекет басшысының «Жаңа жағдайдағы Қазақстан: іс-қимыл кезеңі» атты Қазақстан халқына Жолдауы талқыланған жиында аудандық партия филиалының төрағасы Қуат Байғоджаев іс-қимыл кезеңінің төртінші бағытына тоқталды:
– Ел Президенті маңызды құжатта азаматтардың әлеуметтік әл-ауқаты алдымен баспана мәселесіне байланысты екенін айтып, тұрғын үйге қолжетімділікті арттыруды тапсырды. Оған қоса, Бірыңғай жинақтаушы зейнетақы қорынан 700 мыңға жуық салымшыға өз қаржысының бір бөлігін белгілі мақсаттарға алуға мүмкіндік берілді. Бұл реформа келер жылы жүзеге асады. Сонымен қатар, «Нұрлы жер» бағдарламасы аясында тұрғын үй инфрақұрылымын жасауды жеделдетуді тапсырды – деді Қуат Сұлтанұлы. Шара барысында қатысушылар әлеуметтік мәселелерді шешуге бағытталған бағдарламаларды талқылады.
С.НҰРАДИН
