Аудандық мәслихат депутаты, «Nur Otan» партиясының фракция мүшесі Виталий Крылов ауыл шаруашылығы саласында еңбек ететін партия мүшелерімен онлайн кездесу өткізіп, ашық сұхбат алаңын құрды.
Кездесуде алда келе жатқан саяси науқан – сайлаудың маңыздылығы жайлы сөз қозғалып, екі жақ өзара пікір алмасты.
– Сайлау – еліміздің ертеңін айқындайтын қоғамдағы ауқымды шара. Ол – мемлекеттік жүйенің тиімділігін арттырады, үкімет пен басқарушы саяси партияның саясатын бағалайды және мемлекеттің қызметіне қоғамдық бақылау жасауына мүмкіндік береді. Мемлекеттің болашағына бей-жай қарамайтын әрбір азамат оның өтуіне өз үлесін қосып, қатысуы керек – деген мәслихат депутаты саяси науқанның қоғам үшін маңыздылығын түсіндірді. Қатысушылар да өздерінің сауалдарын қойып, пікірлерін ортаға салды.
С.НҰРАДИН
