«АМАNАТ» партиясы Еңбекшіқазақ аудандық филиалы жанындағы 5 қоғамдық кеңесінің арнайы жоспарға сай біріккен бірінші отырысы өтті.
Жиынның күн тәртібінде аудандық партия филиалының Сайлауалды бағдарламасының 2022 жылға жоспарланған Жол картада бекітілген индикаторларының орындалуы бойынша бірқатар мәселелер көтерілді. Отырыс соңында есеп берген бөлім басшыларының баяндамалары назарға алынып, жиынға қатысушылар өз ой-пікірлерімен бөлісіп, ұсыныстарын айтты. Сонымен қатар, ҚР Президенті Қ.Тоқаев партия жұмысын жандандыру бойынша берген нақты тапсырмасына сай, қоғамдық кеңестер жұмысының сапасын арттыру мақсатында аудандық филиал жанынан құрылған 9 қоғамдық кеңес саны 5-ке қысқартылды. Осыған орай қоғамдық кеңестердің ережелері біріктіріліп, жұмыс жоспары мен кеңес құрамы да жаңартылып бекітілді және алдағы уақытта кеңес отырыстары инстаграмм әлеуметтік желісінде тікелей эфирде өтетін болады.
Бағдат РАХИМОВ, аудандық мәслихат депутаты.
