Кеше, Президент Қасым-Жомарт Тоқаев «Көпполярлы әлемдегі еуразиялық интеграция» атты ІІ Еуразиялық экономикалық форумның пленарлық отырысына қатысып, аталмыш Одақтың маңызы туралы нақты баяндады.
Өз сөзінде «Енді Одақты дамытудың жаңа басымдықтарын айқындау қажет. Кез келген істі қолға алғанда әрдайым қазіргі проблемаларды ғана шешіп қоймай, келешектегі жұмысты да жоспарлау керек екені сөзсіз. Сондай-ақ айналадағы жағдайдың өзгеруіне байсалды қарау керек», - деді. Осылай деген мемлекет басшысы Одақтың іргетасының мықты болу керектігін баса айтты.
Жалпы Одақтың мақсат-міндеттері 2015 жылы қол қойылған келісім-шартта жазылған. Құжатқа сәйкес Еуразиялық Экономикалық Одақтың қатысушы-мемлекеттерінде болып жатқан саяси не әскери міндеттері қарастырылмайды. Тек экономикалық тұрғыдан ғана делінген.
Олай болса, бәріне тең бәсекелестік, барлық аймақтарға ортақ жоғары сапалы экономиканы құру - басты мақсат болып табылады!
Бағдат РАХИМОВ,
«AMANAT» партиясы Еңбекшіқазақ аудандық филиалының төрағасы.
