Мен Елубай Еламан Рауанұлы, 1996  жылы 7 қаңтарда Еңбекшіқазақ ауданы Тескенсу ауылында дүниеге келдім. 2015 жылы Алматы құрылыс және менеджмент колледжін «Құрылыс алаңының шебері» мамандығы бойынша тәмамдадым. 2019 жылы Мәскеу экономикалық институтын «Жергілікті мемлекеттік басқару және өзін-өзі басқару» мамандығы бойынша аяқтадым.

Еңбек жолымды  2015 жылдың 1 тамызында Алматы қаласындағы «Казстроиком» мекемесінде құрылыс алаңының шебері болып бастадым.  2017 жылдың наурызынан бастап Еңбекшіқазақ ауданы, Тескенсу ауылдық округі әкімі аппаратына жастар практикасы бойынша жұмысқа орналастым.  2018 жылы 25 мамырда Қаратұрық ауылдық округі әкімі аппаратының жетекші маманы, 2019 жылдың 6 қыркүйегінен бастап Еңбекшіқазақ ауданы, Тескенсу ауылдық округі әкімі аппаратының бас маманы  қызметіне орналастым. 2021 жылдың 25 ақпанынан бастап Тескенсу ауылдық округі әкімінің орынбасары лауазымына тағайындалып, қазіргі уақытта қызметімді абыроймен атқарудамын.

Құрметті Тескенсу ауылдық округінің тұрғындары!

Мемлекет басшысы Қ.Тоқаев ұстанған қоғамдық татулықпен тұрақтылықты көздеген саяси бағыт Тәуелсіз Қазақстанның дамудың даңғыл жолына түсіп, экономикасы қарқынды дамыған елге айналуға өз септігін тигізеді деген ұстанымдамын. Менің сайлауалды бағдарламамның барлық тармақтары Қазақстан Республикасының Конституциясына, мемлекеттік басқару және өзін-өзі басқару органдарының қызметін реттейтін қолданыстағы заңнамаға және де бюджеттің нақты қаржылық мүмкіндіктеріне сәйкес келеді. Осы орайда, маған дауыс берген сайлаушыларымның үмітін ақтап, округіміздің дамуы жолында аянбай еңбек етіп, тұрғындардың әлеуметтік жағдайын арттыруға бар күшімді саламын. Ол үшін маған сіздердің қолдауларыңыз қажет.

Сайлауалды бағдарламамның негізгі бағыттары:

– Тескенсу ауылдық округі әкімі аппаратының ғимаратын күрделі жөндеуден өткізу.

– Тескенсу ауылы, Жамбыл орта мектебіне күрделі жөндеу жұмыстарын жүргізу жұмыстарын үйлестіру.

– Көлді, Тескенсу ауылдарына электр желілерін (ЛЭП) және бағаналарын орнату және трансформатрларды қайта жаңғырту.

– Тескенсу ауылына 50 орындық спорт кешенінің құрылысын жүргізу.

– Тескенсу ауылының шаруа қожалықтарына келетін 3,7 шақырым суармалы арық жүйесін (лоток) жүйесін жүргізу.

– Тескенсу, Толқын, Көлді ауылдарының көшелерін жарықтандыру.

– Көлді ауылына шағын футбол алаңын салғызу.

– Толқын, Көлді, Тескенсу ауылдарының ішкі көшелеріне ағымдағы жөндеу жұмыстарын үйлестіру.