Жақында М.Бейсебаев атындағы Талғар агробизнес және менеджмент колледжінің мәдениет үйінде Алматы облысы ішкі саясат басқармасының ұйымдастыруымен «Ақпараттық майдан және терроризм: қауіптің алдын алу» тақырыбында облыстық семинар өтті.
Іле, Еңбекшіқазақ, Талғар ауданының басын қосқан бұл жиынға сала мамандары, дін өкілдері, қоғамдық қор жетекшілері және белсенділердің басын қосқан ауданымыздан арнайы делегация қатысты. Аталмыш семинардың басты мақсаты – халықаралық деңгейде үлкен дертке айналған терроризм, экстремизм көріністері туралы халықты хабардар етіп, түсіндіру жұмыстарын жүргізу. Жиынды Алматы облысының ішкі саясат басқармасының басшысының орынбасары Жаныс Сапаргалиев жүргізді. Ал «Білім» мәдени-танымдылық орталығының директоры Руслан Иржанов, Талғар ауданы әкімінің орынбасары Дәрменияр Қыдырбекұлы, ҰҚК Академиясының психология кафедрасының аға оқытушысы Лола Шакимова сәләфизм, терроризм және оның өкілдері туралы бұрын-соңды айтылмаған мәліметтер мен деректерді жұрт назарына ұсынды.
Қамажай ЕРКЕБАЕВА.
