Орталық коммуникациялар қызметінде Қазақстан Республикасы Бас прокуратурасының өкілдері мәлімдеме жасады. Шараға Бас прокуратураның ресми өкілі Оксана Лоскутова, Бас прокуратураның Қылмыстық қудалау қызметінің бастығы Ерлан Абаев және Бас прокуратураның Қоғамдық мүддені қорғау қызметі бастығының орынбасары Анна Жданова қатысты.
Жиын барысында Бас прокуратураның рес миөкілі Оксана Лоскутова мәлімдеме жасап, Бас прокуратура «Қазақстанның демократиялық таңдауы» атты тіркелмеген қозғалыстың заңсыз қызметін анықтағанын атап өтті.
«Оны Қазақстанда 20 жылға бас бостандығынан айыруға сотталған Мұхтар Әбіләзов құрған. Әбіләзов сотпен қыл-мыстық ұйым құрғаны, 7,5 млрд АҚШ долларын ұрлап, шетелге шығарғаны үшін кінәлі болып танылған. Қылмыстық табыстарды заңдастыру фактілері бойынша бірқатар еуропалық елдерде Әбіләзовқа қатысты тергеу жүргізілуде. Ұлыбрита-нияда Лондон қаласының Жо-ғарғы сотының шешімімен Әбіләзов пен оның сыбайластарынан 4 млрд АҚШ доллары өндірілген. Әбіләзов шетелде сот жазасынан жасырынып, Қазақстан Республикасы Конституциясының талаптарын бұзып, конституциялық құрылысты күштеп өзгертуді насихаттау мен үгіттеу бойынша заңсыз әрекетін жалғастыруда. Интернет желілері, мессенджерлер, сондай-ақ әртүрлі әлеумет-тік топтарға парақшалар тарату арқылы Әбіләзов белсенді түрде Қазақстанның азаматтарын қозғалысқа қосылуға шақырады, қазіргі биліктің жағымсыз бейнесін құрып, қоғам-да наразылық көңіл-күйлер қалыптастыруда. Осылайша, жоспарлы түрде әлеуметтік араздық пен алауыздықты қоздыруда. Наразылық акциялардың бейбіт өтетіні туралы айтса да қозғалыс басшысы М.Әбіләзов пен оның белсенділерінің қылмыстық мақ-саты – билікті құлатып, басып алу болып табылады. Бұл әрекеттер «Экстремизмге қарсы іс-қимыл туралы» Заң бойынша саяси экстремизм болып саналады және мемлекеттің қауіпсіздігіне қарсы қылмыс ретінде қудаланады. Осыған байланысты Бас прокуратура «Прокуратура туралы» заң мен көзделген өкілеттіктерін іске асырып, сотқа қозғалысты экстремистік ұйым деп тану туралы арызбен жүгінді. 2018 жылғы 13 наурызда Астана қаласының Есіл аудандық сотының шешімі-мен аталған арыз толық көлемде қанағаттандырылды. Сот арқылы қозғалыстың әрекеті экстремис-тік деп танылып, оған Қазақстан Республикасының барлық аума-ғында тыйым салынды», деп атап өтті О.Лоскутова.
Сонымен қатар ол бұл ұйым-ның әрекетін бейне-хостингтер арқылы таратуға тыйым салын-ғанын жеткізді.
«Бұдан басқа, әлеуметтік алауыздықты қоздыру, билікті басып алуды насихаттау және оған жария түрде шақыру фактілері бойынша ұлттық қауіпсіздік және ішкі істер органдары сотқа дейінгі тергеп-тексерулер жүргізуде. Құрметті азаматтар, Бас прокуратура сот шешімінен кейін «Қазақстанның демократиялық таңдауы» экстремистік ұйымының кез келген әрекетіне қатысқаны және қаржыландырғаны үшін Қылмыстық кодекстің 182, 258 және 405-баптарына сәйкес қылмыстық жауапкершілік көз-делгенін түсіндіреді. «Қатысу» әрекетіне қозғалыстың идеясын үгіттеу және насихаттау, оның жарияланымдарын, парақша-ларын, постарын, пікірлерін және басқа да ақпараттық материалдарын дайындау, шығару, көбейту және тарату жатады. Сонымен қатар «қатысу» болып қозғалысты және оның басшысы Әбіләзовті қолдауда митингілерді, шерулерді, жария акцияларын және басқа жаппай іс-шараларды ұйымдастыру және өткізу саналады. «Қар-жыландыру» ұғымына Әбіләзов пен қозғалысқа ақшаны, өзге де мүлікті беру немесе жинау, сыйға тарту, айырбастау, қайырмалдық жасау, демеушілік және қайырымдылық көмек, ақпараттық және өзге де қызмет түрлерін көрсету жатады. Сонымен қатар істегі заңнамаға сәйкес, экстремистік топтың әрекетіне қатысуды өз еркімен тоқтатқан адам, қылмыстық жауаптылықтан босатылады», деді ресми өкіл.
Рауан ҚАЙДАР,
«Егемен Қазақстан».
