Аудандық мәслихат жанындағы тұрақты комиссиялардың біріккен отырысының күн тәртібінде аудандық емхананың бас дәрігерінің орынбасары Гүлмира Отынбекованың, аудандық жұмыспен қамту орталығының директоры Берік Иманбаевтың және аудандық тұрғын үй-коммуналдық шаруашылық және тұрғын үй инспекциясы бөлімінің басшысы Дәурен Мәлібековтың есебі тыңдалды.

Алғаш боп мінберге көтерілген Гүлмира Отынбекова ауылдық жерлерде алғашқы медициналық-санитарлық көмектің қолжетімділігін, емха-налардағы құжат айналымын цифрландыру мәселесі бойынша сөз сөйледі. – Бүгінгі таңда ауылдардағы тұрғындарға сапалы медициналық көмек көрсету мақсатында респуб-ликалық деңгейдегі емханалармен келіссөздер жүргізілді. Қазір ондағы білікті кадрлар ауданымызға келіп, ашық есік күндерін өткізуде. Аудан тұр-ғындары ол күндері тегін тексеруден өтуге құқылы. Екіншіден, әр ауылдық округтерде осы үрдісті жүргізіп келеміз. Қазіргі заман талабына сай әрбір тұрғын денсаулық паспортын жасатуы тиіс. Осы мақсатта ауылдарда амбулаториялар мен ФАП-тарда интернет желісі 100 пайыз істеп тұр. 100 пайыз компьютерлермен қам-тылған. Желілердің кедергісіз жұмыс істеу-ін 11 ІТ мамандар ба-қылауда ұстайды, – дейді Гүлмира Байділдәқызы. Алайда, халық қалаулылары ауданымыздағы 20-ға жуық ФАП-тар мен амбулаториялар құлаудың аз-ақ алдында тұрғанда заманауи технологиялар жайлы айтудың өзі артық екенін алға тартты.

Аудандық жұмыспен қамту орталығының директоры  Берік Иманбаевтың сөзінше, атаулы әлеуметтік көмекке 1 сәуір мен 1 мамыр аралығында 2323 отбасы өтінім берген.  Оның 2004-іне  әлеуметтік көмек тағайындалған. Сол секілді кәсіпкерлік негізінде оқуға 99 азамат жіберілген. Оның 39-ы оқуын тәмамдаған.  Ауқымды атқарылған жұмыстар-ды жан-жақты баяндаған Берік Әділжанұлы түйткілді мәселенің де тігісін ағытты: – Құрметті депутаттар, қазір ақылы қоғамдық жұмысқа небәрі 400 адамға қаражат берілді. оның 343-і еңбек етуде. Қалғаны небәрі 57 орын. Көктемгі тазалық жұмыстары жақындаған сайын жұмыскерлер саны жетіспеуде. Екіншіден, мүгедек, ата-анасының қамқор-лығынсыз қалған, пробация есебінде тұрған азаматтарды жұмысқа орналастыру өте күрделі болып отыр. Осынау түйткілдерді шешуге өз тараптарыңыздан ықпал етулеріңізді сұраймын, – деді.

Депутаттар тарапынан да сұрақтар толассыз қойылды. Әсіресе, «Жылы-на мектеп бітіретін тү-лектердің үш-тен бірі ғана жоғарғы, арнау-лы оқу орында-рына түседі. Қалғанының тағдыры не болды? Бұған бас қатырып жатқан бөлім-дер жоқ» – деді аудандық мәсли-хат хатшысы Бекет Ахметов.

Күн тәртібіндегі үшінші мәсе-ле бойынша Дәурен Мәлібеков көктемгі санитарлық тазалық    айлығының өту барысын баяндады.

Комиссия отырысының қоры-тындысы қаулыға түсіріліп, тиісті азаматтарға бақылау жүктелді.

Қайнар ЖҰМАҒОЖА,

аудандық мәслихат

депутаты.