Жемқорлық – қоғам дерті. Қазіргі таңда аталған дертпен күрес кешенді жүргізілуде. Осы орайда, «Nur Otan» партиясы жанындағы сыбайлас жемқорлыққа қарсы күрес жөніндегі қоғамдық кеңес мүшелері онлайн форматта жиын өткізді.
Шараға бастауыш партия ұйымының төрағалары қатысты. Қоғамдық кеңес төрағасы Айдарбек Дауытқұлов ел болашағына балта шабатын жемқорлықтың алдын алу бойынша жұмыс жүргізіліп жатқандығын айтты.
– Жең ұшынан жалғасқан жемқорлықпен күресу үшін барымызды салуымыз керек. Қазіргі жасалып жатқан реформалар, салалардың басым бөлігі және көрсетілетін мемлекеттік қызметті цифрландыру жұмыстары – жемқорлықты жоюға бағытталған. Біз де тұрғындардың жемқорлық жөніндегі сауаттылығын арттырып, түсіндіру жұмыстарын жүргізуіміз керек – деген кеңес төрағасы парақорлықтың алдын алу мақсатындағы шаралар алдағы уақытта да жалғасатындығын жеткізді.
С.НҰРАДИН
