Бүгін, яғни 15 қараша ұлттық валюта – төл теңгеміздің айналымға енгеніне тура 27 жыл. Елдігіміздің айғағы, тәуелсіздігіміздің тірегі болған ұлттық валюта күніне орай, Түрген ауылында аудандық мәслихат депутаты Гүлмира Мұхтарова қаржы саласының қызметкерлерімен кездесті.
Жиынға қатысушыларды мерекемен құттықтаған Гүлмира Райылқызы ұлттық валютаның қаржы саласында, ел экономикасын арттыруда, жалпы қоғамдағы атқаратын маңызды рөліне, әрі теңгенің – тәуелсіздік нышанының бір айғағы екендігіне тоқталып өтті.
Шара барысында сала қызметкерлері арасында қызу пікір-талас орын алып, ұсыныстар талқыланды.
С.НҰРАДИН
