Nur Otan» партиясы аудандық филиал төрағасының бірінші орынбасары Қуат Байғоджаев Есік қаласының тұрғындарымен тікелей эфирде кездесу өткізді.

Шара барысында «2021-2025 жылдарға арналған ауданның әлеуметтік-экономикалық даму жоспарын» талқылаған Қуат Сұлтанұлы бүгінгі таңда аудан орталығының көркейіп жатқандығын айтты:

– Өздеріңіз көріп жүргендей Есік қаласы өркендеп келеді. Көшелерге жөндеу жұмыстары жүргізілуде, жаяу жүргінші жолдары жасалуда, жарық шамдары орнатылуда. Сонымен қатар, мәдениет үйі күрделі жөндеуден өтіп жатыр. Бір айдың көлемінде құрылыс жұмыстары аяқталуға тиіс. Оған қоса, көпқабатты үйлер бой көтеріп, пайдалануға берілді. Жаңа 1500 балаға арналған мектептің құрылысы басталып та кетті. Ауыз су құбырының екінші кезеңі жүзеге асып жатыр – деп, аудан орталығындағы игі шараларға тоқталып өтті.

Тікелей эфир барысында тұрғындар өздерінің сұрақтарын қойып, ұсыныстарын жеткізді.

С.НҰРАДИН