«Nur Otan» партиясы аудандық филиалы жанындағы партиялық бақылау комиссиясының мүшелері «Қазақстанның әлеуметтік жаңаруындағы ҮЕҰ рөлі» тақырыбында үкіметтік емес ұйымдардың өкілдерімен кездесу өткізді.
Жиын барысында аудандық пария филиалы төрағасының бірінші орынбасары Қуат Байғоджаев еліміздің дамуы жолында азаматтық қоғам институттарын дамытудың маңыздылығына тоқталды.
– Билік пен халық арасындағы алтын көпірді орнатуда қоғамдық қорлардың орны ерекше. Сондықтан, үкіметтік емес ұйымдарға қолдау көрсетілуі керек. Мемлекет басшысы Қ.Тоқаевтың «Жаңа жағдайдағы Қазақстан: іс-қимыл кезеңі» атты Жолдауында да бұл жайлы айтылған – деді "Алматы облыстық жергілікті агроөнеркәсіп кешені және мемлекеттік мекемелер қызметкерлерінің кәсіподақтар одағы" қоғамдық бірлестігінің Еңбекшіқазақ филиалының төрайымы Гүлсара Егенбаева.
Кездесуде қатысушылар өздерінің пікірлерін жеткізіп, ұсыныстарын ортаға салды.
С.НҰРАДИН
