Бүгін «Nur Otan» партиясы аудандық филиалының саяси кеңес мүшелері Қорам ауылының тұрғындарымен кездесіп, «Әлеуметтік қамқорлық» атты Елбасының жаңа әлеуметтік шараларын іске асыру жобасын түсіндірді.
Жиынға видебайланыс арқылы қосылған аудандық партия филиалы төрағасының бірінші орынбасары Қуат Байғоджаев тұрғындардың табысын, әлеуметтік жағдайын арттыруға бағытталған бағдарламаға кеңінен тоқталды. Атап айтқанда, жәрдемақы мен жалақының өсімі, тұрғын үймен қамту, медицина мен білім саласын одан әрі жетілдіру мәселелерін талқылады.
Шара соңында ауыл тұрғындары саяси кеңес мүшелеріне әлеуметтік, жұмыспен қамту мәселелері бойынша сауалдарын қойып, кеңес алды.
С.НҰРАДИН
