Бүгін «Nur Otan» партиясы аудандық филиалының партиялық кадрлық резерв мүшелері Қаражота ауылында болып, тұрғындармен «Халыққа көмек» жобасы аясында елді мекеннің түйінді мәселелерін талқылады.

– Еліміздің жетекші партиясы халықтың әлеуметтік мәселелерін шешу мақсатында бірнеше жобаларды қабылдады. «Халыққа көмек» те тұрғындардың қабырғасына батқан әлеуметтік түйіндерді тарқату жолын қарастыруда үлкен рөл атқарады – деген аудандық мәслихат депутаты Жұлдыз Әбдіқадырова партиялық жобаның мақсат-міндеттеріне тоқталды.

Өз кезегінде тұрғындар ауыл мәселелерін көтеріп, шешімін тауып беруді сұрады. Соның бірі Халық қаһарманы Б.Момышұлы атындағы орта мектептің күрделі жөндеуі. 1978 жылы іргетасы қаланған білім ошағына осы күнге дейін жөндеу жұмыстары жүргізілмеген.

Шара соңында Жұлдыз Әбдіқадырова айтылған мәселелер бойынша тиісті мекемелерге ұсыныстар енгізіліп, депутаттық сауал жолданатындығын айтты.

С.НҰРАДИН