Тұңғыш Президент күні қарсаңында «Nur Otan» партиясы аудандық филиалында партия қатарына жаңадан қабылданған ауданымыздың белсенді азаматтарына партиялық билеттер табысталды.

Партия филиалы төрағасының бірінші орынбасары Қуат Байғоджаев салтанатты шарада қатысушыларды мерекемен құттықтады:

– Егемен еліміздің іргетасын қалап, тәуелсіздік тұғырының берік еткен Тұңғыш Президентіміз-Елбасы Н.Назарбаевтың әлем елдері санасатын Қазақстанды құрудағы еңбегі ұшан-теңіз. Тәуелсіздіктің 30 жылға жуық уақытында Қазақ елі талай кезеңдерді бастан өткерді. Тұңғыш Президенттің бастамаларына қолдау жасай отырып, еліміз көп биіктерді бағындырды. Мемлекетіміздің әлем елдері арасындағы абыройы уақыт санап артып келеді. Мұның барлығы да бүгінгі тәуелсіздігімізді тұғырлы ету жолындағы Елбасының еселі еңбегінің, көреген саясатының жемісі. Осынау халқымыздың бірлігі мен берекесін ұлықтап, мемлекеттің мерейін асыратын мерекеде отбасыларыңызға амандық, жұмыстарыңызға табыс тілеймін – деді Қуат Сұлтанұлы. Сондай-ақ, партияның саясатын насихаттауда белсенділік танытып, табысты еңбек етіп жүрген партия мүшелерін алғыс хаттармен марапаттап, партия қатарына енген азаматтарға билеттерін табыстады.

С.НҰРАДИН