Аудан әкімі Алтай Досумбаев жаңа сайланған Жаңашар ауылдық округінің әкімін округ активіне таныстырып, жұмысына сәттілік тіледі.

9  қазанда  Жаңашар  ауылдық округінде әкім сайлауы өткен болатын. Жергілікті тұрғындар саяси науқанға белсене қатысып, өз таңдауларын жасады. Нәтижесінде 50.89 пайыз дауыс жинаған Сырым Жакежанов саяси аламанда қарсыластарынан оза шауып, Жаңашар ауылдық округінің әкімі болды. Жаңашар  ауылдық округі әкімдігінде өткен жиынға аудан әкімі Алтай Досумбаев, аудандық мәслихат хатшысы Бекет Ахметов пен сайлау комиссиясының төрағасы Бақыт Жексембиев және ауыл ақсақалдары қатысты. Ең әуелі округ активіне сайлаудың қорытындысын жариялаған аудандық сайлау комиссиясының төрағасы Бақыт Жексембиев жаңа әкімге қызметтік куәлік табыстады.

Е.АСЫЛ.