"Нұрлы жер" мемлекеттік бағдарламасының жаңа бағыттарының бірі – "Шаңырақ" пилоттық жобасын Тұрғын үй құрылыс жинақ банкі ("Бәйтерек" холдингінің еншілес ұйымы) жүзеге асырады. Ол Мемлекет басшысының тапсырмасына сәйкес, баспаналы болуды армандаған қазақстандық азаматтарға жеңілдетілген шарттармен несие беру мақсатында әзірленген.
– Биыл "Шаңырақ" пилоттық жобасын жүзеге асыру үшін бюджеттен 210 млрд теңге көлемінде қаражат бөлу жоспарланған. Оның 90 млрд теңге көлеміндегі алғашқы бөлігі Тұрғын үй құрылыс жинақ банкіне түсті. Осы бюджетке сәйкес, біз еліміздің шамамен 7-8 мыңдай отбасын баспанамен қамтамасыз етуді жоспарлар отырмыз. Жылдық мөлшерлемесі 5 пайызға тең (ЖТСМ 5,2%), жеңілдетілген заемды алу үшін, бағдарлама қатысушылары әкімдік кезегінде тұрулары қажет. Сондай-ақ Тұрғын үй құрылыс жинақ банкіндегі шоттарына займ мөлшерінің 10 пайызынан кем түспейтін соманы бастапқы жарна ретінде жинаулары қажет. Несиелендіру мерзімі 20 жылға дейін, – деп атап өтті Тұрғын үй құрылыс жинақ банкінің Басқарма Төрайымы Ләззат Ибрагимова.
"Шаңырақ" жобасының аясында жеңілдетілген несиені бірінші кезеңде, баспанаға мұқтаж жан ретінде 1986 жылдан бастап 2010 жылға дейінгі мерзімді қоса алғанда әкімдік кезегіне тұрған Қазақстан Республикасының азаматтары ала алады. Өтініштерді қабылдау мерзімі аяқталғаннан кейін, банктің "Шаңырақ" жобасын одан әрі несиелендіруге қажетті қаражаты болған жағдайда, бағдарламаның екінші кезеңіне әкімшілік кезегіне кейінгі жылдары тұрған азаматтар да шақырылуы мүмкін. Сондай-ақ, бағдарламаға қатысу үшін соңғы алты ай ішіндегі отбасының әр мүшесіне келетін отбасылық табыстың бір айлық көлемі 3,1 күнкөріс минимумынан аспайтын (2020 жылдың 1 сәуірінен бастап КМ – 32 668 теңгеге тең) еңбек және (немесе) кәсіпкерлік қызметтен түсетін кірістің (зейнетақы аударымдарын, жеке табыс салығы мен басқа да міндетті аударымдарды есептемегенде) болуы талап етіледі. Яғни, 2020 жылы отбасының әр мүшесіне келетін табыс көлемі 101 271 теңгеден аспауы тиіс.
Аталған бағдарлама бойынша тұрғын үйді тек жаңа соғылған үйлерден ғана алуға болады.
Бұл "5-10-20" бағдарламасы бойынша жергілікті әкімдіктер соғып жатқан несиелік тұрғын үйлер мен жеке құрылыс компаниялары соққан үйлер (сондай-ақ, "Тұрғын үй құрылысына кепілдік беру қоры" АҚ кепілдігі бар).
"Шаңырақ" бағдарламасы бойынша пәтер алуға болатын құрылыс компанияларының тізімін hcsbk.kz сайтынан жүктеп алуға болады.
Әкімдіктер салған несиелік тұрғын үйлердің 1 шаршы метрі бойынша келесі баға мөлшерлері белгіленген: 240 мың теңгеге дейін – Алматы қаласында, 220 мың теңгеге дейін – Нұр-Сұлтан қаласында, 200 мың теңгеге дейін – Шымкент қаласы мен Алматы маңындағы аймақтарда, 180 мың теңгеге дейін – Ақтөбе, Атырау, Ақтау, Түркістан, Қарағанды қалалары мен Қарағанды облысында, басқа өңірлерде – 160 мың теңгеге дейін.
Пәтерлер жеке құрылыс компаниялары соққан үйлерден сатып алынған жағдайда ең жоғары заем сомасы: Нұр-Сұлтан мен Алматы қалаларында 18 млн теңге, Атырау, Ақтау, Ақтөбе, Шымкент, Түркістан, Қарағанды қалалары мен Қарағанды облысында 15 млн теңгеге дейін, ал қалған өңірлерде 12 млн теңгеге дейінгі баға ұсынылған.
Әкімдік кезегінде тұрған азаматтар бағдарламаға қатысу туралы және төлем қабілеттілігін бағалау жөніндегі өтініштерін 2020 жылдың 17 тамызынан бастап 16 қыркүйегіне дейінгі аралықта тек hcsbk.kz сайты арқылы электронды түрде бере алады. Бұл Тұрғын үй құрылыс жинақ банкінің клиенттеріне де, әзірше банктен салым ашып, клиенттер қатарына қосылып үлгермеген тұрғындарға да қатысты.
Өтініш беру мерзімі 2020 жылдың 17 тамызы мен 16 қыркүйегі аралығында.
Бағдарламаға қатысу үшін жасалатын 6 қадам:
1-қадам:www.hcsbk.kz банк сайтындағы "Қолжетімді тұрғын үй/ "Шаңырақ" пилоттық жобасы бөлімі арқылы электрондық өтініш беру;
2-қадам: Банк сайтында өтініш берген күннен бастап 3 күн аралығында банк қызметкерінің қоңырауын күтіп, оған жауап беру. Ол несиелендіру шарттары мен бағдарлама талаптарын жіті түсіндіріп, өтініш тапсыру үшін сізді банк бөлімшесіне жазады;
3-қадам: Төлем қабілеттілігіңізді бағалау үшін құжаттарыңызды алып, банк бөлімшесіне белгіленген уақытта келу;
4-қадам: Займды мақұлдау жөнінде банктің оң шешімін алу;
5-қадам: Банк талаптарына сай, жеке құрылысшылардан жаңа тұрғын үй табу (сондай-ақ, "Тұрғын үй құрылысына кепілдік беру қоры" АҚ кепілдігі бар), сату-сатып алу немесе үлестік қатысу келісімдерін жасау;
6-қадам: Банктен заем алу!
Заемды алу үшін өтініш берушінің жинақ шотында несие көлемінің 10%-ынан кем түспейтін тұрғын үй құрылыс жинағы болу керек.
Әкімшілік кезегіне қай уақыттан бастап есепке тұрғаныңызды eGov.kz сайты арқылы немесе жергілікті атқарушы билік органдарынан білуге болады.
Елімізде тамыз айының үшінші жексенбісі Спорт күні ретінде белгіленген. Осы мереке қарсаңында «Азаматтарға арналған үкіметтің» фронт-офистері арқылы қанша спортшы атақ пен санатқа ие болғаны есептеліп, бұл тарапта биылғы жеті ай ішінде 1 544 мемлекеттік қызмет көрсетілгені анықталды.
«ҚР еңбек сіңірген жаттықтырушысы», «ҚР еңбек сіңірген спорт шебері», «ҚР халықаралық дәрежедегі спорт шебері», «Біліктілігі жоғары деңгейдегі жоғары санатты жаттықтырушы», «Жоғары санатты ұлттық спорт төрешісі», «Ұлттық спорт төрешісі» және тағы басқа да бірқатар атақ-санаттарды беру туралы мемлекеттік қызметтерді алу үшін тапсырылатын құжаттардың тізімі атақ-санаттың дәрежесіне қарай әртүрлі. Оның үстіне бұл қызметтер бірнеше кезеңнен тұратындықтан, мерзімі де 24 жұмыс күнін құрайды.
Спорттық атақ пен санаттарға қатысты қызметтер жеке тұлғаларға тегін көрсетіледі. Нәтижесінде қызмет алушының қолына ХҚО-да спорттық атақ беру туралы куәлік немесе біліктілік санатын беру туралы куәлік, тиісті омырауға тағатын белгі немесе спорттық атақтар мен біліктілік санаттарын беру туралы бұйрықтың көшірмесі немесе дәлелді бас тарту туралы жауап ұсынылады.
Айта кету керек, азаматтар спорттық атақ пен санаттарды халыққа қызмет көрсету орталықтарында ғана емес, сондай-ақ спорт және дене шынықтыру саласындағы өкілетті орган мен egov.kz электрондық порталы арқылы да рәсімдей алады.
«Азаматтарға арналған үкімет»
мемлекеттік корпорациясының
баспасөз қызметі
Бүгін ҚР Президенті әкімшілігі және аудандық мәслихаттың келісімімен Алматы облысы әкімі Амандық Баталовтың өкімімен Серікжан Ерекешев Талғар ауданының әкімі болып тағайындалды.
Серікжан Қазиұлы 1973 жылы 30 шілдеде туылған. Алматыдағы индустриалдық техникумды «техник-механик» мамандығы бойынша, Сәтбаев атындағы Қазақ ұлттық техникалық университетін «көлік, көлік техникасы және технологиялары» мамандығы бойынша және Нархоз Университетін «мемлекеттік және жергілікті басқару, экономика және бизнес бакалавры» мамандықтары бойынша бітірген.
Еңбек жолын 1997 жылы Алматы қаласында «Бағалы қағазды тіркеу системасы» жабық акционерлік қоғамының тізімдерді жүргізу қызметінің жетекші маманы ретінде бастаған. Көп жылдар бойы Маңғыстау облысындағы «Бейнеу жолдары» ЖШҚ құрылыс кешенінде механик, бас механик, атқарушы директор болып жұмыс істеген. 2012 жылдан 2016 жылға дейін Іле ауданы Байсерке ауылдық округінің әкімі болған. 2016 жылдан бастап бүгінгі күнге дейін Іле ауданы әкімінің орынбасары лауазымында болған.
—————————————————————
Сегодня первый заместитель акима области Ляззат Турлашов представил активу Талгарского района нового акима. Им стал Серикжан Ерекешев.
Его кандидатуру поддержали и депутаты районного маслихата в ходе внеочередной сессии.
Серикжан Казиевич родился 30 июля 1973 года. Окончил Алматинский индустриальный техникум по специальности «техник-механик», Казахский национальный технический университет им.Сатпаева по специальности «транспорт, транспортная техника и технологии» и Университет Нархоз по специальности «бакалавр государственного и местного управления, экономики и бизнеса».
Трудовую деятельность начал в 1997 году ведущим специалистом службы ведения списков закрытого акционерного общества «система регистрации ценных бумаг» в г. Алматы. На протяжении многих лет работал механиком, главным механиком, исполнительным директором строительного комплекса ООО «Бейнеу жолдары» в Мангистауской области. С 2012 по 2016 годы работал акимом Байсеркенского сельского округа Илийского района. С 2016 года по настоящее время занимал должность заместителя акима Илийского района.
Құрметті Еңбекшіқазақ ауданының тұрғындары!
«Nur Otan» партиясының Еңбекшіқазақ аудандық филиалы бастауыш партия сайлауын - праймериз өткізу туралы хабарлайды!
Праймериздің мақсаты – Парламент мәжілісіндегі және мәслихаттағы тиімді депутаттық корпусты одан әрі қалыптастыру, партиялық желі бойынша ілгерілету, оларды мемлекеттік органдардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтау.
Праймериз кезінде партиялықтармен партия бағдарламаларында өз шешімін табатын өзекті, нақты жергілікті мәселелер анықталатын болады. Егер Сіз біздің Еңбекшіқазақ ауданның тағдырына немқұрайлы болмасаңыз және Сіз оны жақсартқыңыз келсе – праймеризге қатысуға шақырамыз!
Іріктеуге жасы 20-дан асқан, сотталмаған Қазақстан Республикасының азаматтары қатыса алады.
Праймеризге қатысуға тек партия мүшелері ғана емес, сонымен қатар, партиялық емес, бірақ «Nur Otan» партиясына мүше болғысы келетіндер де жіберіледі.
Қалай қатысуға болады:
1 қадам. Егер партия мүшесі болмасаңыз, «Nur Otan» партиясына кіру;
2 қадам. «Праймериз» ақпараттық жүйесіне тіркелу. Тіркеуді primaries.kz сілтемесі арқылы немесе Google Play және App Store-дан жүктеп алуға қолжетімді «Primaries» мобильді қосымшасы арқылы өтуге болады;
3 қадам. Өтініш беру және қажетті құжаттарды сайтқа немесе қосымша арқылы жүктеу;
4 қадам. Өзінің онлайн өтінімін растау үшін үміткер аумақтық ұйымдастыру комитетіне жеке өзі келуі тиіс.
Сондай-ақ, өтінімді Еңбекшіқазақ аудандық партия филиалы (ұйымдастыру комитеті) мекен-жайы бойынша жеке ұсынуға болады:
Байланыс телефондары: 8(72775)4-03-55
Өтінімдер 2020 жылғы 17 тамыздың 9.00-ден 28 тамыздың
18:00-ге дейін қабылданады.
*********
Уважаемые жители Енбекшиказахского района!
Енбекшиказахский районный филиал партии «Nur Otan» объявляет о проведении первичных партийных выборов - праймериз!
Цель праймериз выявить на основе конкурентной борьбы реальных и сильных лидеров для дальнейшего формирования эффективного депутатского корпуса в маслихате и Мажилисе Парламента, продвижения по партийной линии и рекомендации на должности в государственные органы.
Во время праймериз партийцами будут выявляться актуальные, реальные местные проблемы, которые найдут свое решение в программах партии.Если Вам небезразлична судьба нашего Енбекшиказахского района и Вы желаете сделать его лучше - приглашаем для участия в праймериз!
В отборе могут принять участие граждане Республики Казахстан старше 20 лет, не имеющие судимостей.
К участию в праймериз допускаются не только члены партии, но и беспартийные граждане, желающие вступить в партию «Nur Otan».
Как принять участие:
Шаг 1.Вступить в партию «Nur Otan», если вы не партиец;
Шаг 2.Зарегистрироваться в информационной системе «Праймериз». Регистрацию можно пройти по ссылке primaries.kz или через мобильное приложение «Primaries», которое доступно для скачивания в Google Play и AppStore;
Шаг 3.Подать заявление и загрузить на сайт или через приложение необходимые документы;
Шаг 4.Для подтверждения своей онлайн заявки кандидат должен лично подойти в территориальный организационный комитет.
Также заявку можно предоставить лично в Енбекшиказахский районный филиал партии (организационный комитет) по адресу:
Контактные телефоны: 8(72775)4-03-55
Заявки принимаются в период с 9:00 17 августа до 18:00 28 августа 2020 года.
Қазақстан Республикасы Индустрия және инфрақұрылымдық даму министрлігі алдағы уақытта Қарағанды облысынан ашылатын жаңа зауыт жайында хабарлама таратты. "Облыстың Саран қаласында Yutong жолаушылар автобусын шығаратын жаңа зауыт ашылады. Бұрынғы резеңке-техникалық бұйымдар зауытының базасында жұмыс істейтін кәсіпорын өз өндірісін ағымдағы жылдың желтоқсан айында іске қоспақ. Зауытпен бірге Саран қаласы үшін аса маңызды тұтас индустриялық аймақ қайта жандануда.
Инвестициялық жобаны іске асыру үшін жоба операторы "Qaztehna" ЖШС, "Сарыарқа "ӘКК" АҚ және Yutong компаниясының қатысуымен бірлескен кәсіпорын құрылды. Инвестиция көлемі 37,7 млн АҚШ долларын құрады.
Зауыт жылына шамамен 1200 бірлік автобус шығаруды жоспарлап отыр. Бұл бірінші кезеңде тозығы жеткен қоғамдық көлік паркінің жағдайына айтарлықтай әсер етуге мүмкіндік береді.
Сарапшылардың мәліметінше, бүгінгі таңда еліміздегі 12 мыңнан астам автобустардың тозығы жеткен, олардың 50 пайыздан астамы тіптен ескірген.
Yutong- әлемдегі ірі жолаушы техникасын жеткізушілердің бірі, ол әлемдік нарық үлесінің 15% - ын және Қытай нарығы үлесінің 37% - ын құрайды. Yutong автобустарының жылдық сатылымы 70 000 бірлікке тең, ал жаңа энергетикалық автобустардың көрсеткіштері жылына 25 000 бірлікке тең.
Бұдан бөлек, Саран қаласындағы зауыт жол-құрылыс және жүк техникасын шығармақ. Өнім бағыттары Қазақстанның өнеркәсіптік және тау-кен өндіруші компаниялары арасында үлкен сұранысқа жауап береді. Ең жоғарғы жүктеме кезінде зауыттың өндірістік қуаты олардың толық қажеттілігін қанағаттандыра алады. Жалпы, жылына 400 бірлік арнайы техника шығару жоспарланған.
Индустриялық аймақ аумағында жобаларды іске қосу отандық мамандар үшін 600 жаңа жұмыс орнын (аралас салаларды ескере отырып) құруға мүмкіндік береді.
Біздің елімізді қамтумен қатар, Қарағанды зауыты Ресейге, Қырғызстанға, Иранға, Пәкістанға және басқа да елдерге өнім экспорттауды көздеп отыр" делінген хабарламада.
Эпидемиологиялық ахуалдың тұрақталуына байланысты ҚР Үкіметі карантин шараларын кезең-кезеңімен жеңілдету жоспарын бекітті. Сол жоспарға сай 17 тамыздан бастап бірқатар бизнес нысандарынан карантинге байланысты қойылған шектеулер алынады. Дегенмен олар жұмысын бірден бастап кете ала ма?
Жағдай тұрақталғанымен, инфекциядан толықтай арыла алмағанымыз рас. Сондықтан карантин шаралары жеңілдетілгенімен, санитарлық талаптар, әлеуметтік ара қашықтық пен бетперде режимі әлі де жалғасады. Ал бизнес нысандар жұмысын жалғастыру үшін www.infokazakhstan.kz. электрондық порталында тіркеуден өтуі қажет. Мұнда барлық кәсіпкерлік субъектісі ҚР Бас санитарлық дәрігердің биылғы 14 тамыздағы № 47 қаулысына сәйкес, талапқа сәйкестік туралы актіні алуы міндетті.
Санитарлық талаптарға сәйкестік актісін (жұмысты бастауға әзірлік туралы акті) алу 3 қадамнан тұрады: сайтқа кіру, бас санитариялық дәрігердің қаулысын жүктеу, онымен танысқандығы жөнінде электрондық цифрлық қолтаңбамен растау, әзірлік туралы актіні алу. Сондай-ақ бұл тәртіпке объектінің әзірлігін тексеру де кіреді. Кәсіпкер сәйкестік актісін басып шығарып, көрінетін жерге немесе кіреберіске іліп қоюы (мониторингілік топ келген жағдайы үшін) қажет.
«Бизнестің санитарлық қауіпсіздік талаптарына барынша жауапкершілікпен қарауы өте маңызды. Өйткені бұл талаптар Кәсіпкерлер палатасы базасында кеңінен талқылаудан өтіп, қабылданды. Айта кету керек, бизнестің жауапкершілігін арттыруды ескере отырып, біз кәсіпкерлік қызмет түрлерінің 90 пайызына дейін хабарлама жасауға келістік. Мұндай жағдайда бизнес санитарлық талаптарды қатаң сақтауға кепілдік береді. Тікелей тексеруші келмегенімен, қоғамдық қадағалау, кез-келген келуші құқық бұзушылық туралы ақпаратты бақылаушы органдарға жібере алады. Мамыр айында карантин аяқталғаннан кейін болған жағдай бизнестің санитарлық талаптарды сақтауы өте маңызды екенін көрсетті, өйткені мұндай нысандарда халық көп жиналады», - деді ҚР Денсаулық сақтау министрі Алексей Цой.
Кәсіпкерлер арасындағы талап бұзушылықтың алдын алу және анықтау үшін қоғамдық бақылау жұмыс істейтін болады. Сондай-ақ www.infokazakhstan.kz. сайтындағы санитарлық талаптардың бұзылуы туралы ақпаратты СЭС қызметіне жіберу қарастырылған.
«Кәсіпкерлік қызметті www.infokazakhstan.kz порталында тіркемей қайта бастау - бұл заң бұзу екенін ескерткім келеді. Кәсіпкерлерді осы порталдың мүмкіндіктерін пайдалануға шақырамын, ол қосымша құжат толтырудан босатады, 10 минут ішінде өтінім жіберуге мүмкіндік береді. Санитарлық қауіпсіздік талаптарын мүлтіксіз сақтай отырып, біз бірге аурушаңдықты төмендету бойынша оң трендті сақтауға үлес қосамыз», - деді Денсаулық сақтау министрі Алексей Цой.
www.infokazakhstan.kz. электрондық платформа биыл 14 тамыздан бастап жұмыс істейді. Алғашқы тәулікте 5,8 мың кәсіпкерлік субъектіден өтінім қабылданды.
Түркістан облысының полицейлері ауруханадан компьютер ұрлаған күдіктіні анықтады, – деп хабарлайды Polisia.kz. Шардара АПБ-не аудандық орталық ауруханадан ұрлық болғаны жөнінде хабарлама келіп түседі.
Арызда белгісіз адам ауруханаға қабылдау есігі арқылы кіріп, ашық қалған мәжіліс залында тұрған бір дана компьютерді (моноблок), клавиатурасымен қосып, жымқырып кеткені көрсетілген. Келтірілген шығын көлемі 230 мың теңгені құрады. Аталған жайт ҚР ҚК-нің 188-бабы (Ұрлық) бойынша тіркеліп, СДТТБТ-не енгізілді. Ұрлық қылмысын ашу мақсатында ауданның тәжірибелі полицейлерінен жедел–тергеу тобы құрылып, барлық қажетті шаралар іске асырылды. Жедел уәкілдер бейнебақылау камераларын тексеріп, куәгерлерден жауап алды. Нәтижесінде ауруханаға тиесілі техникалық құралдарды жымқырған күдіктінің жеке-басын анықтап, аудан көшелерінің бірінен “ізін суытпай” бір сағат ішінде табады. Ол бұрын бірнеше рет сотты болған жергілікті тұрғын болып шықты. Тергеу барысында анықталғандай, күдікті ұрлаған компьютерді азық–түлік дүкендерінің біріне өзіне қажетті заттар алып, кепілге қойып кеткен. Айғақты заттар тәркіленіп алынып, заңды иесіне қайтарылды. Қазіргі таңда осы іс бойынша сотқа дейінгі тергеу амалдары жүргізілуде. Күдіктінің бас шарасы қолхатпен босатылды. Өз кезегінде Түркістан облысының полицейлері тұрғындарға құнды заттарыңызға барынша сақ болуды ескертеді. Аулаңызға бейнебақылау камераларын орнатып, есіктеріңізге сенімді құлыптар, терезелеріңізге темір торлар жасатуға кеңес береді. Мұндай қауіпсіздік шаралары сіздің бағалы заттарыңызға көзі түскен ұрылардың жолын кесетінін ұмытпаңыз.
Ряд карантинных ограничений снят в Казахстане, передает МИА «Казинформ».
Напомним, Государственная комиссия, рассмотрев предложения акимов регионов, а также позицию Министерства здравоохранения и других ведомств, утвердила план поэтапного снятия карантинных мер с 17 августа.
Так, с сегодняшнего дня возобновят работу во всех регионах ТРЦ, торговые дома (бутики), торговые сети, крытые рынки (заполняемость не более 30%, 4 кв. м на одного посетителя); салоны красоты, парикмахерские, СПА-центры, объекты, оказывающие косметологические услуги (4 кв. м на одного посетителя по предварительной записи); фитнес-центры без бассейнов (50% заполняемость, 5 кв. м на одного посетителя), бани и сауны без бассейнов (50% заполняемость, 4 кв. м на одного посетителя); детские кабинеты коррекции, детские и взрослые образовательные центры (группы – не более 5 человек, по записи); дежурные группы детских дошкольных учреждений (не более 15 человек); аттракционы на открытом воздухе (дистанция, маски, регулирование потока).
При этом не менее 80% сотрудников остаются на дистанционной форме работы (при штатном расписании более 30 сотрудников).
Казахстанцы теперь могут проводить индивидуальные и групповые тренировки на открытом воздухе (не более 5 человек). Спортивные тренировки отныне разрешены и для национальных сборных, клубных команд (не более 30 человек, проживание на спортивных базах, соблюдение противоэпидемических и профилактических мер).
С сегодняшнего дня возобновляется движение общественного транспорта при заполняемости по числу посадочных мест, обеспечении проветривания и дезинфекции на конечных остановках. Казахстанцы могут передвигаться и на личном автотранспорте между регионами.
Разрешена деятельность объектов туризма и организаций в сфере оказания услуг по проживанию населения (гостиницы, отели, дома отдыха, туристические базы и др.) при соблюдении заполняемости не более 80%; объектов по оказанию бесконтактных услуг населению (автомойки, ремонт автомобилей, бытовой техники и другие).
По-прежнему сохраняется запрет на проведение зрелищных, спортивных, семейных, памятных, торжественных и других массовых мероприятий, в том числе на дому.
Не будут открываться бары, ночные и игровые клубы, караоке, боулинг-центры, букмекерские конторы, фудкорты, кинотеатры, музеи, открытые аквапарки и прочие развлекательные заведения для детей и взрослых, городские и общественные пляжи, религиозные объекты.
Также не будут работать детские оздоровительных лагеря, детские дошкольные учреждения, за исключением дежурных групп.
Остается в силе запрет на передвижение пригородных пассажирских поездов/электричек, формирование общих вагонов, за исключением рабочих поездов, междугородних автобусов/микроавтобусов.
Для дальнейшей стабилизации эпидемиологической ситуации на выходные дни в стране будут сохранены ограничительные меры:
- ограничение движения общественного транспорта;
– ограничение выхода на улицу лиц старше 65 лет;
– приостановление работы торговых домов, торговых сетей, торгово-развлекательных центров, за исключением продуктовых супермаркетов и аптек, находящихся в них;
– приостановление работы непродовольственных и продовольственных крытых рынков;
– приостановление работы салонов красоты, парикмахерских, СПА-центров, объектов, оказывающих косметологические услуги;
– приостановление работы фитнес-центров и спортивно-оздоровительных центров;
– приостановление работы общественных бань, саун;
– приостановление работы детских и взрослых образовательных центров, коррекционных кабинетов;
– приостановление работы аттракционов на открытом воздухе.
«Почему в выходные дни мы также хотим сохранить локдаун? Первая задача перед нами - сохранить ту положительную динамику по показателям, которую достигли. Что является главным в передаче инфекции - это контакты людей. Все мы прекрасно понимаем, что в выходные дни контакты возрастают, население начинает передвигаться», - объяснила решение о сохранении жесткого карантина в выходные главный государственный санитарный врач РК Айжан Есмагамбетова.
Алматы облысының полициясы Ащысай ауылындағы адам өлімі бойынша тергеуді бастады, деп хабарлайды Polisia.kz.
Кісі өлімі 15 тамыз сенбіге қараған түні болды. Ер адамды өз үйінде белгісіз біреу пышақтап кеткен.
Жарақат алған азамат Шелек ауылының ауруханасына жеткізілді, бірақ оны құтқару мүмкін болмады. Азамат алған жарақатынан көз жұмды.
Аталған факті бойынша ҚР Қылмыстық кодексінің 99-бабының 1-бөлігі (Адам өлтіру) бойынша сотқа дейінгі тергеу басталды. Күдіктілерді ұстауға бағытталған жедел-тергеу шаралары жүргізілуде. Жағдай жергілікті атқарушы және құқық қорғау органдарының бақылауында.
Алматы облысының полиция департаменті мемлекеттік органдардың ресми мәліметтеріне ғана сену керектігін, сондай-ақ жалған ақпарат таратқаны үшін қылмыстық жауапкершілік барын ескертеді.
Алматы облысына жаңадан тағайындала салысымен басы дауға қалған бас санитарлық дәрігер не себепті халықпен дөрекі сөйлескенін түсіндірді, деп хабарлайды ҚазАқпарат тілшісі.
«Ол жерде шын мәнісінде қарапайым тілмен түсіндіргім келді. Соны басқа жағынан бұрмалап жіберген екен. Егер шын мәнісінде сырттай солай көрініп тұрған болатын болса, мен халқымнан, елімнен кешірім сұраймын. Мойнымен айтқан, істегенді мойныңмен көтеру керек. Бірақ бұл жерде шын мәнісінде балағаттайтындай, біреудің ар-намысына тиетіндей әңгіме болған жоқ».
Халықтың сынына қалған Ерғали Сыдыманов Алматы облысының санитарлық-эпидемиологиялық басқармасын 2005 жылдан 2019 жылға дейін, яғни тура 14 жыл басқарған. Ал былтыр Маңғыстау облысына дәл осы қызмет бойынша ауысып, ол жақта бір жыл басшылық лауазымда болып, кеше ғана Алматы облысына қайта келген. Маңғыстау облысында ол тіпті «Үздік мемлекеттік қызметші» төсбелгісімен де марапатталыпты. Кәсіпкерлерге «басымды қатырмашы» деген Бас санитар дәрігердің тағдыры қалай болатынына енді тиісті органдар бас қатыратын болады.
Естеріңізге сала кетейік, Алматы облысына жаңадан тағайындалған Бас санитарлық дәрігердің кәсіпкерлермен сөйлескен видеосы желіге тарап, халықтың ашуын тудырды. Денсаулық сақтау министрлігінің ресми өкілі Бағдат Қожахметов Ерғали Сыдымановтың халықпен сөйлесу әдебі бойынша тексеру басталғанын мәлімдеді.
Сондай-ақ, кәсіпкерлерге «басымды қатырмаңдар» деген мемлекеттің қызметшісінің үстінен тәртіптік іс қозғалғанын бұған дейін де хабарлаған болатынбыз.
Кеше еліміздің 17 өңірінде ҚР Парламенті Сенаты депутаттарын сайлау өтті. Сайлаудың алдын ала мәліметтеріне сүйене отырып, сенатор ретінде өңірлердің атынан еліміздің жоғарғы заң шығарушы органының жоғары палатасында өкілдік ететін азаматтар жайындағы мәліметтерді оқырман назарына ұсынбақпыз.
Сонымен Нұр-Сұлтан қаласында 21 таңдаушының 20-сы дауыс беру бюллетенін алып, олардың 15-інің таңдауы Күрішбаев Ақылбек Қажығұлұлына түсті.
2011 жылдан бері С.Сейфуллин атындағы Қазақ агротехникалық университетінің ректоры қызметін атқаратын Ақылбек Күрішбаев сонымен қатар Нұр-Сұлтан қалалық мәслихатының депутаты да. Ол еңбек жолын В.Вильямс атындағы Қазақ егіншілік ғылыми-зерттеу институтында бастаған. Аталған мекемеде қатардағы лаборанттан директордың орынбасарына дейінгі лауазымдық қызметтер атқарған. Ал 1997 жылы А.Бараев атындағы Астық шаруашылығы ғылыми-зерттеу институтының директоры болып тағайындалған. 2002-2008 жылдары ҚР Ауыл шаруашылығы вице-министрі, ҚР АШМ Ғылым департаменті директоры, ҚР Ауыл шаруашылығы вице-министрі болған. 2008 жылдан университет ректоры лауазымына тағайындалғанға дейін Ауыл шаруашылығы министрі қызметін атқарған.
Ал Алматы қаласының 30 таңдаушысы бірауыздан Медеу ауданының әкімі қызметіндегі Мәкежанов Сұлтанбек Алмасбекұлының кандидатурасына дауыс берді.
Мемлекеттік басқару органдарында мол тәжірибе жинақтаған Сұлтанбек Алмасбекұлы Маңғыстау облысы әкімі аппаратының басшысы, әкімнің орынбасары қызметтерін атқарған. 2005 жылдан бастап Алматы қаласында еңбек етті. Қала әкімі аппараты басшысының орынбасары, Табиғи ресурстар және табиғатты пайдалануды реттеу басқармасының басшысы болды. 2016 жылдың мамырынан Алматы қаласы әкімінің орынбасары қызметін атқарды. Ал 2019 жылы Медеу ауданының әкімі болып тағайындалған еді.
Шымкент қаласында жалпы таңдаушылар саны - 26. Оның біреуі сайлау процесіне қатыса алмады. Ал қалалық мәслихаттың 25 таңдаушысының 18-і өз дауыстарын Қапбарова Айгүл Жарылқасынқызына берді.
Мамандығы журналист Айгүл Жарылқасынқызы бұған дейін Сенат депутаты ретінде Шымкент қаласынан сайланған еді. Ол «Оңтүстік Қазақстан» газеті саясат бөлімінің меңгерушісі, «Шымкент Медиа» МКК бас редакторының орынбасары, директор - бас редакторы, «Шымкент ақпарат орталығы» ЖШС директоры - бас редакторы болып қызмет атқарған.
Маңғыстау облысының Қарақия, Мұнайлы аудандық мәслихаттары сессияларында ұсынылған Алдашев Сүйіндік Тәсеменұлына дауыс беруге қатысқан 100 таңдаушының 87-сі қолдау көрсетті.
Қазіргі уақытта «Қаражанбасмұнай» АҚ бірінші вице-президенті қызметін атқаратын Сүйіндік Тәсеменұлы И.Губкин атындағы Мәскеу мұнай және газ институтын бітіріп, мамандығы бойынша ұзақ жылдар бойы «ҚазТрансОйл» компаниясының бірқатар филиалында қызмет атқарған. Мемлекеттік қызметте де бағын сынап, 2012-2017 жылдар аралығында Маңғыстау облысы әкімінің бірінші орынбасары болған.
Ақтөбе облысынан Шалқар ауданының әкімі қызметін атқаратын Қаниев Бауыржан Нұралыұлы 179 таңдаушының 143-інің дауысын жинай алды. Оның кандидатурасы Шалқар, Хромтау аудандық мәслихат сессияларында ұсынылған болатын.
Бауыржан Нұралыұлы К.Скрябин атындағы Мәскеу ветеринария академиясын бітірген. Ақтөбе облысы Хромтау ауданы әкімінің орынбасары, әкімі, Теміртау ауданының әкімі қызметтерін атқарған. 2016 жылдан қазіргі уақытқа дейін Шалқар ауданының әкімі болып істейді.
Жамбыл облысының дауыс беруге қатысқан 177 таңдаушысының 163-і қазіргі уақытта Жамбыл облысы әкімінің бірінші орынбасары қызметін атқаратын Орынбеков Бекболат Серікбекұлына қолдау көрсетті. Оны сенаторлыққа кандидат ретінде Жамбыл облыстық және Тараз қалалық мәслихаттары ұсынған-ды.
Еңбек жолын кәсіптік техникалық училищенің оқытушысы болып бастаған ол Жамбыл облысына қарасты Талас ауданы Қаратау қаласы әкімінің орынбасары, әкімі болған. Одан кейін Сарысу ауданының әкімі қызметін атқарған. Біраз жыл Тараз қаласының әкімі болған. Қазіргі қызметінде 2013 жылдан бері табан аудармай еңбек етіп келеді.
«Nur Otan» партиясының Қызылорда облыстық филиалы төрағасының бірінші орынбасары Әлназарова Ақмарал Шәріпбайқызы өзін-өзі ұсынып, таңдауға қатысқан 131 мәслихат депутатының 102-сінің дауысын жинай алды.
Медицина ғылымдарының докторы Ақмарал Шәріпбайқызы еңбек жолын 1994 жылы Қызылорда қалалық балалар ауруханасының қабылдау бөлімінің дәрігері ретінде бастаған. Қызылорда облыстық балалар ауруханасының бас дәрігері, Қызылорда облыстық денсаулық сақтау басқармасы бастығының орынбасары, басқарма бастығы, ҚР Денсаулық сақтау министрлігі Медициналық қызмет көрсету саласындағы бақылау комитетінің Қызылорда облыстық басқармасының бастығы, Қызылорда медициналық колледжінің директоры, Қызылорда облысы әкімінің орынбасары лауазымдарында қызмет атқарған. Қызылорда облыстық мәслихатының хатшысы қызметін атқарған.
Солтүстік Қазақстан облысынан іс басындағы сенатор Перепечина Ольга Валентиновна өзін-өзі ұсынып, таңдауға қатысқан 187 мәслихат депутатының 162-сінің көңілінен шықты.
Ольга Валентиновна Солтүстік Қазақстан облыстық қаржы басқармасының бастығы, Статистика департаменті директорының орынбасары, директоры қызметтерін атқарған. 2014 жылғы 17 қазаннан қазіргі уақытқа дейін — Солтүстік Қазақстан облысынан VI шақырылған Қазақстан Республикасы Парламенті Сенатының депутаты. Ол 2014 жылғы 17 қазаннан бастап Қаржы және бюджет комитетінің мүшесі, 2017 жылғы қыркүйектен бастап Қаржы және бюджет комитетінің төрайымы болған.
«Kazakhstan Petrochemical Industries Inc.» ЖШС басқарушы директоры – басқарма мүшесі Луқпанов Сағындық Есенғалиұлы Атырау облыстық мәслихаты сессиясында ұсынылған еді. Сөйтіп, бүгінгі сайлау барысында бюллетень алған 105 таңдаушының 86-сының қолдауына ие болды.
Ұзақ жылдар бойы Атырау облысында темір жол саласында еңбек еткен Сағындық Есенғалиұлы «Атырау» әлеуметтік-кәсіпкерлік корпорациясы« ұлттық компаниясы АҚ басқармасының төрағасы, 5 және 6-шақырылған Атырау облыстық мәслихатының хатшысы болған. Тіпті, 2017-2018 жылдары аралығында Атырау облысы әкімінің бірінші орынбасары қызметін атқарған-ды.
Қостанай облысына қарасты Денисов және Бейімбет Майлин аудандық мәслихаттары сессияларында ұсынылған Қостанай облысы әкімінің орынбасары Карплюк Сергей Алексеевич те 262 таңдаушының 225-інің қолдауын тапты.
Мамандығы инженер-химик-технолог Сергей Алексеевич Қостанай облыстық өнеркәсіп және сауда басқармасында, сондай-ақ Қостанай облыстық Экономика, индустрия және сауда департаментінде бөлім бастығы болып жұмыс істеген. Қостанай облыстық Энергетика, өнеркәсіп және құрылыс департаментіне басшылық еткен. ҚР Индустрия және сауда министрінің кеңесшісі, ҚР министрліктеріндегі бірқатар департамент пен комитеттерде басшылық қызметте болған. «ҚазАвтоЖол» ҰК» АҚ басқарма басшысының орынбасары қызметін атқарған.
Көкшетау қалалық мәслихаты, Зеренді аудандық мәслихаты сессияларында ұсынылған «Ақмола облысы бойынша Тексеру комиссиясы» ММ төрағасы Бекенов Нұрлан Жексембайұлы да өңір таңдаушыларының қолдауын тапты. Оған дауыс беруге қатысқан облыстық 240 таңдаушының 213-і өз даусын берді.
Ұзақ жылдар бойы Ақмола облысының қаржылық бақылау басқармасы басшысының орынбасары, «Қазақстан халық банкі жинақтаушы зейнетақы қоры» АҚ-ның Ақмола филиалының директоры, ҚР Қаржы министрлігінің қаржылық бақылау комитеті сапаны бақылау басқармасының басшысы қызметін атқарған Нұрлан Жексембайұлының зооинженер, бухгалтер-экономист, экономика магистрі тәрізді үш жоғары білімі бар. Ол Ақмола облысы ішкі мемлекеттік аудит департаментінің басшысы, Ақмола облысы бойынша мемлекеттік сатып алулар және коммуналдық меншік басқармасының басшысы қызметтерін атқарған. Қазіргі қызметінде 2018 жылдан бастап істейді.
Өзін-өзі ұсынған тағы бір кандидат - Орал гуманитарлық колледжінің қаржы директоры Рысбекова Ләззәт Тұяқбайқызына сайлау бюллетенін алған 183 таңдаушының 128-і дауыс берді.
Педагогтардың отбасында дүниеге келген Ләззәт Тұяқбайқызы Жәңгір хан атындағы Батыс Қазақстан аграрлық-техникалық университетінде, Қазақ мемлекеттік заң академиясында білім алған. Батыс Қазақстан облыстық прокуратурасында жұмыс істеп, өңір прокурорының көмекшісі де болған. Қазіргі қызметінде 2011 жылдан бері істейді. Сонымен қатар ол 2015 жылдан бері Батыс Қазақстан облыстық Іскер әйелдер қауымдастығын басқарады.
Кандидатурасы Павлодар облыстық, Павлодар қалалық, Баянауыл аудандық мәслихаттары сессияларында ұсынылған Павлодар мемлекеттік педагогикалық университетінің ректоры Алтынбек Нұхұлы да сенатор ретінде алдағы уақытта өңір атынан өкілдік етуге мүмкіндік алды. Оны өңір бойынша сайлау бюллетенін алған 183 таңдаушының 150-і қолдады.
Химия ғылымдарының докторы, профессор, ҚР ҰҒА корреспондент-мүшесі, Инженерлік ғылымдар халықаралық академиясының академигі Алтынбек Нұхұлы ҚР БҒМ Жоғары білім және ғылым департаменті мемлекеттік стандарттар және нормативтік база бөлімінің бас маманы, ЖОО аттестаттау бөлімінің бастығы, С.Торайғыров атындағы Павлодар мемлекеттік университетінің ғылыми жұмыс және халықаралық байланыстар жөніндегі проректоры, Көпбағдарлы гуманитарлық-техникалық университеттің ректоры, Инновациялық Еуразия университетінің ректоры, Павлодар мемлекеттік педагогикалық институтының ректоры, ҚР БҒМ Ғылым комитеті төрағасының орынбасары, ҚР Премьер-Министр кеңсесінің индустриалды-инновациялық даму бөлімі секторының меңгерушісі болған.
Қазіргі уақытта ҚР Парламенті Сенатының депутаты Бектаев Әли Әбдікәрімұлы да өзін-өзі ұсыну арқылы мандатын сақтап қалды. Түркістан облысы бойынша мәслихаттардың дауыс беруге қатысқан 238 депутаты ішінде 216-сі оның кандидатурасына қолдау көрсетті.
Әли Әбдікәрімұлы Оңтүстік Қазақстан облысы әкімінің орынбасары, Түркістан қаласының әкімі қызметтерін атқарғаннан кейін 2014 жылдың қарашасында Қазақстан Республикасы Парламентінің Сенатына депутат болып сайланған. 2019 жылдың қыркүйегінен бастап қазіргі уақытқа дейін - Қазақстан Республикасы Парламентінің Сенаты Аграрлық мәселелер, табиғатты пайдалану және ауылдық аумақтарды дамыту комитетінің төрағасы. Сонымен қатар ол 2015 жылдың қыркүйегінен бастап «Ауыл» халықтық-демократиялық, патриоттық партиясының төрағасы қызметін атқарады.
Шығыс Қазақстан облыстық мәслихаты ұсынған Бородулиха ауданының әкімі Булавкина Ольга Александровнаны өңірде таңдау жасаған 275 мәслихат депутатының 255-і қолдады.
Шығыс Қазақстан мемлекеттік университетінде білім алған Ольга Александровна 2000 жылдан мемлекеттік қызметке араласқан. «Нұр Отан» партиясы Шығыс Қазақстан облыстық филиалы төрағасының орынбасары, Өскемен қаласы әкімінің орынбасары болған. Қазіргі қызметінде 2019 жылдан бері еңбек етеді.
Алматы облыстық мәслихатының хатшысы Дүйсембинов Сұлтан Мырзабекұлы да өзін-өзі ұсынып, өңірлік мәслихаттар депутаттарының қолдауына ие болғандардың бірі. Оны өңірдегі бүгін таңдау жасауға қатысқан 287 мәслихат депутатының 264-і жақтап шықты.
Алматы сәулет-құрылыс институтын, Алматы халық шаруашылығы институтын бітірген Сұлтан Мырзабекұлы Алматы облысы Ескелді ауданы әкімінің бірінші орынбасары, аудан әкімі, Қаратал ауданының әкімі, Алматы облысы әкімі аппаратының басшысы болған. Қазіргі қызметінде 2019 жылдан бері істейді.
Бүгінгі күнге дейін сенаторлық қызметін атқарып жүрген тағы бір кандидатты - ҚР Парламенті Сенатының депутаты Ершов Сергей Михайловичты Жезқазған, Сәтбаев қалалық мәслихаттары ұсынды. Дауыс беру нәтижесінде таңдау жасауға қатысқан 267 мәслихат депутатының 222-сі оны қолдап шықты.
Алматы сәулет-құрылыс институтын бітіріп, құрылысшы-инженер мамандығын алған Сергей Михайлович Сенат депутаты болғанға дейін «Қазақмыс корпорациясы» ЖШС-інің Корпоративтік әлеуметтік жауапкершілік жөніндегі директоры болып қызмет атқарған.
Газетіміздің тілшісі
НұрсерікТілеуқабыл
қайғылы қазаға ұшырады.
Өзінің өсіп ержеткен ортасы Шелек өңірінде орта білім алып, Нұрсерік Абай атындағы Қазақ ұлттық педагогикалық университетіне түсіп, қазақ тілі мен әдебиеті мамандығын алғаннан кейін ауылына оралып, Ы.Алтынсарин атындағы орта мектепте қызмет атқарады. Шығармашылыққа зейін қойып, ірі басылымдарда тарихи, мәдени, әлеуметтік бағыттағы танымдық мақалалар жариялады. «Еңбекшіқазақ» газетіне үлкен ауданымыздың Шелек өңіріне тілші болып орналасқан аз ғана уақытта газет оқырмандарына ақпараттық хабарларымен қатар кең көлемді, терең ойлы мақалаларымен танымал бола бастаған талапты журналистің шығармашылық жолы, ғұмыры қайғылы жағдайда үзіліп түсті.
Газет редакциясы, mezet.kz желілік басылымы Нұрсерік Тілеуқабылдың ата-анасына, отбасына, туған-туысқандарына қайғысына ортақтасып көңіл айтады.
Азамат едің адамдығың бір бөлек
– Алло?
– Ассалаумағалейкум бауырым, қалайсың?
– Уағалейкум, Нұрсерік мырза!
– Менде апталық жоспарға сәйкес «Ұлы даланың жеті қыры» мақаласы аясында жетінші қырын «үтіктеуім» керек екен (күлді). Соны жазып болсам, менің де жоспарым тәмам. Өзің бір дауыс көтермесең, шабытымды шақыра алмай отыр едім компьютер алдында.
– Қайдағыны айтасың, апталық жоспарда сенде тағы да қосымша екі материал бар ғой, бауы-рым, жылдамдат енді.
– Айтпақшы, неге екенін қайдам, отбасы құндылықтарына ойым ойысып отырғаны. Сол тақырыпты қаузасам қайтеді?
– Онда отбасындағы ұлттық тәрбие мен әке рөлінің құлдырап бара жатқандығын зерделеп көр.
– Жарайды, бұйырса, күннің соңына дейін материалды жіберемін.
Жексенбі таңда суыт хабар келгенде осы екеуара әңгіме ойыма орала кеткені... Бұл қасиетті жұмадағы Нұрсерік Тілеуқабылмен болған телефон арқылы диа-лог. Әр сәт қас-қағым... Кім білген, белді де беделді, жазғаны да, жазары да көп әріптесімізді осылай жоқтап отырарымызды. Айналасын думанға бөлеп, әзілді әңгіме, отты өлеңдерін арнап, жанымызға жылу, езуімізге күлкі сыйлаушы еді. Бәлкім, жүрегі сезді ме екен, «жетінші қырын «үтіктесем», жоспарым тәмам» деген сөзді әзіл-шыны аралас айтқан еді. Енді бүгін сол мақаланы өзегімізді өксік шалып жариялап отырмыз.
Хош, Нұрсерік Тілеуқабыл. Бәлкім, есімін газетімізде шыққан мақалалары арқылы біліп, естіген шығарсыз. Алайда, тілсіз жау арамыздан алыстатқан бұл азаматтың АЗАМАТТЫҒЫ – өз алдына бір мақала. Ақжарқын, жайдары мінез, жайсаң жан еді. Рас, ебелектен де елпек, қаңбақтан да қаңғалақ мінезі біртоға. Ұжым арасында ақындық қасиетімен ұдайы дараланып отыратын. Батырға тән аңғалдық, ақынға тән аңғарымпаздық бауырымыздың беделін өсіріп келіп еді. Ұлттық тәрбие, ұлттық болмыс аясындағы танымдық мақалалары Нұрсерік бізде жұмыс істеген жылдары үзілмей берілді. Оқыған-тоқығаны, ілім-білімі бар кәсіби журналист әр мақаласын жазарда тақырыпты жан-жақты зерттеп, зерделейтін. Қолынан мол мұра кітап, қаламы түспеуші еді.
Нұрсерікпен 7-8 сыныпта мектеп оқушылары арасында өтетін аудандық ақындар айтысында таныстық. «Құдай маған дауыс пен көз бермепті» деп өзі әзілдеп айтып отыратындай, домбыраны сабап-сабап кеп өлеңдетіп жіберуші еді. Содан бері бірқатар ақындар мүшәйрасында қатарласып шаптық. Алтайдың түйетайлы жоталарын жағалап өскен ақын жігіттің сөз саптауы, тұнық ұйқастары елең еткізбей қоймайтын, шіркін. Қара сөздің танабын қуырып сөйлегенде көпшілікті аузына қарататын қасиеті де өз алдына бір әңгіме...
Арманы көп еді. Арманынан бұрын атамекенім деп шекара асып келген бауырымыздың халқына берер рухани азығы да мол еді. Бірқатар танымдық мақалалары «Қазақ әдебиеті» секілді республикалық газеттерде, желілік басылымдарда жарық көрді. Айталық, «Қазақтың кешігу синдромы», «Адам қалай жаратылды?», «Халық санын қалай көбейтеміз?», «Қазақ жылқысының қилы тарихы», «Ата-анаға айтар уәж» секілді мақалалары қалың көпшіліктің, елге белгілі зиялы қауым өкілдерінің назарын аудартты. Аталмыш мақалалардың түпнұсқасы бізде «Еңбекшіқазақта» жарияланды.
«Еңбекшіқазақта» еңбек еткен екі жылға жуық уақытта ұжымға тез сіңісіп кетті. Оған жол ашқан – көркем мінезі.
Қазақ «Жылқыда да жылқы бар, қазанаты бір бөлек, жігітте де жігіт бар, азаматы бір бөлек» дейді. Қазақ журналистикасында өз қолтаңбасын енді қалыптастырып келе жатқан маман еді. Осынау қайғылы жағдайды тұтас редакция ұжымы ауыр еңсеруде. Әрбірінің көңілінде әріптеске деген қимастық бар. Жастай ғұмыры үзілген бауырымыздың соңында өзі айтпақшы «сәбилері» («әр мақалам – Сәбиім. Оны жазу үшін мені толғақ қысады» деуші еді) қалды.
Амал қанша, болған іске болаттай беріктік керек. Әріптесіміздің ата-анасына, бауырларына қайғырып көңіл айтамыз.
Азамат ең адамдығың бір бөлек,
Өзің жоқсың, көңіл қалай гүлдемек?
Тар дүние тарылтты ма тынысты,
Бір өзіңнен тойды күтіп жүрген ек.
Тағдырыңның жырмен қалап іргесін,
Жүрген едік көреміз деп жыр кешін.
Айналаңа жылу сыйлап мейірмен,
Жұртқа беріп жүрегіңнің жүлдесін.
Көтерсем деп руханиятын өр елдің,
Көшін алға жетелеуші ең өлеңнің.
Жатқан жерің жайлы болсын, әріптес,
Рақымына бір Алланың бөленгін.
Қайнар ЖҰМАҒОЖА,
«Еңбекшіқазақ» газеті
редакторының орынбасары
Мен жастарға сенемін
Арыстандай айбатты,
Жолбарыстай қайратты –
Қырандай күштi қанатты.
Мен жастарға сенемiн!
Көздерiнде от ойнар,
Сөздерiнде жалын бар,
Жаннан қымбат оларға ар,
Мен жастарға сенемiн!
Жас қырандар – балапан,
Жайып қанат ұмтылған.
Көздегенi көк аспан.
Мен жастарға сенемiн!
Жұмсақ мiнез жiбектер.
Сүттей таза жүректер.
Қасиеттi тiлектер –
Мен жастарға сенемiн!
Тау суындай гүрiлдер,
Айбынды алаш елiм дер,
Алтын Арқа жерiм дер,
Мен жастарға сенемiн!
Қажу бар ма тұлпарға,
Талу бар ма сұңқарға,
Иман күштi оларда,
Мен жастарға сенемiн!...
Алаш айбынды ұраны,
Қасиеттi құраны,
Алаштың олар құрбаны,
Мен жастарға сенемiн!
Мен сенемiн жастарға.
Алаш атын аспанға
Шығарар олар бiр таңда,
Мен жастарға сенемiн!
Мағжан Жұмабаев
Денсаулық сақтау министрлігінің ресми өкілі Бағдат Қожахметов Қазақстан COVID-19 вирусына қарсы вакцинаны қашан сатып алатынын айтты.
"Коронавирусқа қарсы вакцина барлық халықаралық сертификаттаудан өткенде ғана сатып алынады. Сарапшылардың сөзіне сенсек, әлемдегі үздік зертханалар вакцина дайындаудың үшінші кезеңінде. Алда әлі төртінші кезең бар. Бұл кезеңге ешкім жете қоймады. Осы төртінші кезеңнен соң ғана халықаралық сертификаттаудан өту басталады. Оның қай елде және қандай зертханада өтетіні әзірге белгісіз", - деді Бағдат Қожахметов.
Сондай-ақ ол Қазақстанның коронавирусқа қарсы вакцинаны сатып алу бойынша өзге елдермен уағдаластығы жоқ екенін сөз етті.
"Вакцина клиникалық зерттеулердің барлық кезеңінен өтпейінше Қазақстан оны сатып алмайды. Қазақстан тек барлық халықаралық сертификаттаудан және тексерістен өткен вакцинаны сатып алады. Бірақ қазіргі таңда әлемде ондай вакцина жоқ", - деді ол.