Еңбекшіқазақ аудандық тауарлар мен көрсетілетін қызметтердің сапасы мен қауіпсіздігін бақылау басқармасының бас маманы Мариям Ильясқызы Агадилованың 08 сәуір – туған күні.
Ардақты ана, адал дос, еңбексүйгіш қызметкер, үлгілі отбасының ұйытқысы, аса қадірлі әріптесіміздің 50 жас мерейтойымен шын жүректен құттықтаймыз.
Тым ерекше күн бүгін – туылған күн,
Жарық дүние есігі ашылған күн.
Алдыңыздан таң күліп, нұрын шашып,
Бұл әлемнің бар сыйын сыйлаған күн.
Таси берсін, бақ дәулетің, ырысың,
Ел таныған азаматтың бірісінің.
Қуанышыңды ел-жұртыңа паш еткен,
Аман болсын балашаға – тынысың.
Тілек білдіруші: Еңбекшіқазақ аудандық ТКҚСҚББ
"Мен сөзімді алдымен аға ұрпақ пен зиялы қауым өкілдеріне арнаймын: халықты ынтымаққа шақырып, жақсылыққа, ізгі амал жасауға, саламатты өмір салтын ұстануға үндеңіздер" - деп өтініпті өз мақаласында Нұрсұлтан Назарбаев ҚР тұңғыш Президенті - Елбасы. Сол аға ұрпақ өкілі ретінде Батыр бабамыз Бауыржан Момышұлының "Тәртіпсіз ел болмайды, тәртіпке бас иген ел құл болмайды" деген қағидасын ұстануға үндер едім алдымен. Үлкендерге де, жастарға да қарата айтатын мәселе төтенше жағдайға, карантин талаптарына байланысты болып отыр. Талаптардың бастысы той-томалақтарды, қайғылы жағдайға байланысты жиындарды тежеу еді ғой. Қайдағы тежеген - белгілі әуен сарынымен "Коронавирус кет, кет" деп сайқымазақ қылғандай жасамысы да, жастары да тоңқаңдап билеп жатқан "тойшыл" қауымды кім көрмеді?! "Әй, дейтін ажа, қой, дейтін қожа болды ма соларға? Жоқ, әрине. Полиция қызметтерінен басқа ешкім араласпады. Қайбір елді-мекенде осындай тойды ауыл әкімі өзі бірге тойлап, орнынан ұшпады ма?! Оның лауазымын қойшы, тойдың "нәтижесін", қайғылы қорытындысын айтсаңшы. Орта білім алған кез-келген азамат геометриялық прогрессияның не екенін біледі. Осы теорияны жай ғана еске салып қоймай, бұрынғы математик ұстаз ретінде бүгінгі төтенше жағдайға байланыстыра көрсетейін. Сол тойда індет жұқтырған бір азамат екі "тойшылға" вирусты "эстафеталады" дейік. Ол екеуден екі-екіден тарады да, төртеу , төртеуден сегіз, сезіден - он алты. Міне қараңыздар - алғашында аз ғана ондаған вирустылардан жүздеген, мыңдаған аурулардың шығуының басты себебінің бірі де осы деп білейік те, төтенше жағдай талабын қатаң сақтайық, ағайын.
Хайролла АХМЕТЖАНОВ,
Еңбек ардагері, ҚР Құрметті журналисі
Жер – жаһанды үрейге орнатқан короновирус дерті әліде әлем бойынша басылмай тұр. Осындай қиын кезеңде Елбасы Нұрсұлтан Әбішұлы Қазақстан халқына үндеуін жолдады. Аудан жастары болып аталмыш үндеуді тыңдадық, жастар пікірімен бөлісіп ортаға ой салынды. Әлемді жаулаған індетке еліміз дайындықты ерте бастады, соның арқасында қөауіпті індеттің таралуына барынша тосқауылдар қойылды. Елбасы өз үндеуінде айтпақшы еліміз тәуелсіздік алғаннан бастап ұлт денсаулығына баса мән беріліп озық технологиялармен жабдықталған ауруханалардың салынғандығын және Болашақ бағдарламасы арқылы жастарымыздың шет елде білім алып, ел мерейіне еңбек етілгендігі айтылады. Сонымен қатар өз үндеуінде жастар қауымынада баса мән беріп , ерекше тоқталып өтті. Аға ұрпақ сендер үшін қолдан келгеннің бәрін жасады,енді сендер күш – қайрат жұмсайтын кездерің келді. Үлкенге ізетті, кішіге қамқор, бір – біріңе дос болыңдар деп ерекше атап өтті. Әрине Елбасының сөзі жастар қауымына күш қуат беріп қана қоймай, қиын кезеңде бірлікті болуға шақырылатын үлкен құрал екенін баса айтқан жөн.
Үндеудің негізгі мақсаты халқымызды ауыз біршілікке, осындай қиын кезеңдерде бірге, бірлікті болуға шақырады. Осындай уақытта ел ішіне іріткі салып, қиындықты өз мүдделеріне шешетін пиғыла арам топтарға ілесіп кетпеуге шақырады. Тәртіпке бас иген құл болмайды демекші осындай сын сағаттарда бір бірімізгне арқау болып, бір жағадан бас, бір жеңнен қол шығара білуіміз керек. Аталмыш үндеуді Еңбекшіқазақ ауданының жастары толық қолдайды және өздеріне артылған сенімді толығымен орындауға уәде береді деп айта аламын.
Ілебаев Айбек Қасымханұлы
Еңбекшіқазақ ауданының жастар орталығының жетекшісі,
аудандық мәслихат депутаты
Биыл ұлы Абайдың 175 жылдығы. ЮНЕСКО көлемінде аталып өтілмек ұлы мерекеге əлемді шарпыған мынау коронавирус індеті қабат келіп, бəрімізді тығырыққа тіреп жатқан жайы бар... Əйтсе де Абай тойына дейін коронавирус те бір жайлы болып қалар. Абайдың аруағы бұл жойқын індетті жеңеді!
Індет демекші, осы орайда ұлы Мұқағалидың өмірлік жары болған Лашын Әзімжанова апамыздың тағлымға толы естелігін жариялағанды жөн көрдім. Данышпан Абайдың шарапаты кімдерге тимеген?! Лашын Əзімжанқызының осынау тамаша естелігін оқып отырып, Абай атамыздың қалың елі қазағына тіпті обаға қарсы күресте де, індеттен аман қалудың тура жолын сілтегеніне куə боламыз. Жарықтық Абай атамыз індет атаулының кез келгенімен күресіп бағыпты ғой...
Абай айтқан бұл қауіпсіздік шаралары тым қарапайым болғанымен кешелі-бері эфирлер арқылы айтылып жатқан сақтандыру қағидаларымен үндес екенін аңғарамыз əрі осы күнге дейін маңызын жоймағанын көреміз. Егер бұл сақтандыру шараларын бұлжытпай орындасақ, коронавирус індетінен аман қаларымыз хаһ. Лашынның нағашы атасы Қырманшы да бір ауыл оба індетінен түгел қырылып қалғанда, Абайдың айтқан сақтық шараларын мүлтіксіз орындағандықтан ғана отбасын аман алып қалады.
Бір сұмдығы Абай заманында Нарынқол өңірін жайлаған бұл оба індеті құндыз деп аталатын терісі бағалы су тышқанынан тараған екен. Қытайда басталған коронавирус індеті де əу баста адамдарға жарқанаттан жұққан көрінеді. Қарасақ екеуі де - тышқан. Ұзамай елімізге жыл құстары келеді.Таяуда Үкімет жабайы құстарды қынадай қыруға рұқсат беретін аңшылық маусымын ашпақ. Ал жыл құстарының дені Қытай асып келетіні белгілі. Коронавирустің жабайы аңдар, əсіресе ұшатын тышқан - жарқанат арқылы жұғатынын ескерсек, биыл аңшылыққа əсіресе құс атуға мүлдем тиым салу керек! Бұл - жойқын індеттен сақтанудың бір шарасы болмақ.
Ендігі сөзді Лашын Əзімжанқызының естелігіне берейін:
Абай атамыздың аты, аруағы бұл күнде бүкіл әлемді дүр сілкіндіріп жатыр. Сол ұлы адам мені де тыныш отырғызбай қолыма қалам ұстатты. Бала күні әкем айтқан бір әңгіме естен кетпейді.
Менің әкем — Әзімжан Сәлімбайұлы өте салмақты, оң-солын тани білетін, көп сөзі жоқ, жақсы-жаманды ажырата алатын, арабша сауатты өте сергек адам еді. Ұлы ақынның өлеңдерін тұңғыш рет тəтемнің (әкемді «тәте» дейтінбіз) аузынан естідім. Ол кісі «Болыс болдым, мінеки» деген өлеңді жатқа айтып, «сол болыс қазіргі біздің бәленше ғой» деп күліп отыратын. Абайдың мұнан да басқа көп өлеңдерін жатқа айтатын.
Біз Алматы облысы Нарынқол (қазіргі Райымбек) ауданынанбыз. Ашып айтқанда Ұлы жүздің бір баласы Албан деген ел боламыз. Біздің көрші аудандарымыз Кеген, Ұйғыр, Шелек болып кете береді. Ұйғыр ауданында біздің нағашымыз Қырманшы деген алғыр, өжет адам болған. Кейінгі ұрпақ біздер Қырманшы атамызды көргеміз жоқ. Оны тәтемнің сөзінен ғана еміс-еміс білеміз. Сол атамыз патша заманынында болыстыққа таласады. Осы сайлауда бір адам қаза болады. Оның бар кінәсін Қырманшы атамызға жабады. Сөйтіп, атамыз түрмеге түседі де, он жылға соттап, Сібірге айдап жібереді. Нағашымыз сол кеткеннен мол кетеді, хат-хабар болмайды. Ал, атамыз Сібірде айдауда жүргенде Петро деген орыспен танысып, жан аямас дос болып кетеді. Сонда қарағай кесіп, қиыншылыққа төзе жүріп, орыс тілін де үйренеді. Кесілген мерзімі таяған уақытта досы Петромен көп ақылдасады.
— Петро, менің туған елім Қытайдың шекарасында. Еліме ұшқан құс, жүгірген аңнан басқа ештеңе бармайды. Ертең мені босатқанда ауылыма қалай жетем? — деп сұрайды. Досы көп ойланып отырып:
— Сен әрине өз басың жете алмайсың. Ол жерге тек жараулы аттар болмаса, басқамен жету мүмкін емес. Сен былай істе. Семей деген қаланы естуің бар шығар.
— Сол жақта Абай Кұнанбаев деген атақты, ұлағатты, қайырымды ақын тұрады. Қазір ол кісі жайлауында болар. Семейге жетсең, ақынды табу оңай. Сол кісі ғана саған қол ұшын беруі мүмкін. Оған мен сенімдімін, — дейді.
Сөйтіп жүргенде, Қырманшы атамның мерзімі де бітеді. Петро екеуі бірігіп, ақылдасып, жолға дайындалады. Петро атамды жолға шығарып салады. Атамыз бірде жаяу, бірде ат жалдап, бір ай дегенде Семейге жетеді. «Сұрай-сұрай Меккеге де барасың», — дегендей, сұрап жүріп, Абай атамыздың қалаға келгенде түсетін үйлерін де тауып алады. Сол кезде Абай ауылынан келген бір жолаушылармен ілесіп, Абай ауылына жетеді. Жолаушының біреуі Қырманшыны Абай үйіне ертіп барып, барлық, жағдайын айтып таныстырады. Еліне жеткізуге көмек сұрай келгенін мәлімдейді.
Ұлы ақын Қырманшы атамызды жақсы қарсы алады.
— Жарайды, алыстан, айдаудан жүдеп-жадап келіпсің. Сені осында айдап келген құдайың да, Петроң да бекер адам емес екен. Бірер ай тынық, мына түріңмен ұзақ, жолға шыдамассың, — деп ақыл береді. Сонымен Қырманшы атам ауылында қалып, Абай төңірегінде біраз уақыт болады. Осы ақынмен өткен уақыттар оған бүтіндей мектептен өткендей әсер береді. Абай үнемі оқып отырады немесе өлең жазып отырады. Төңірегіндегілерге сол оқыған кітаптарынан әңгіме айтады. Оқу-білім туралы, дін туралы сөз қозғайды. Кейде медицина туралы да әңгіме айтылады. Қазақ халқы көп оқымаған, бір-біріне жаны ашығыш, төзімді халық. Осындай мінезінен кейде өрескел қателер жіберіп алады. Мысалы: сүзек, оба, тырысқақ, шешек деген өте жұқпалы аурулар бар. Солардың жөнін білмей, бір-біріне жаны ашып жүріп, ауруды қалай жұқтырғанын сезбей қалады. Осындай жайдан бүкіл ауыл адамдары қырылған уақыттар болған. Сондықтан әрбір ауруға өте сақтықпен, жайлап, ойлап араласу керек. Ауру тым қабынған жағдайда ол маңға аттап басуға тыйым салу қажет, — деп әңгіме арасында ескертіп отыратын көрінеді.
Қырманшы атам біраз уақыт өткеннен кейін еліме қайтсам деп армандайды. Абай атамыз да оны түсініп, Қырманшыны бастан-аяқ киіндіреді. Жанына екі жігіт қосып, екі атты бос айдатып, өзіне жүйрік, мықты ат сыйлап, атамызды елге шығарып салады. Сонымен қосар аттарымен үш жігіт неше айлар жүріп, туған еліне келеді. Ұлан-асыр той болады. Бірнеше күннен соң, қосшы жігіттердің үстіне шапан, астына ат мінгізіп Қырманшы ауылы ақ тілеу тілеп, оларды жолға шығарып салады.
Жылдар жылжып өтіп жатады. Қырманшы атамыз үнемі Абай ауылын, Абайдың данышпандығын, оның кедей-кепшікке көмегін айтып, аузынан тастамайды. Бір күні төсегінен тұрып жатқанда біреу сырттан айқайлап: «бәленшенің үй-іші түгел қырылып қалыпты», — дегенді естиді. Атамыз бір сұмдықтың болғанын біле қояды да, тез киініп босағаға дейін барады. Бірақ, есікті ашпай, сырттағы сөзді бағып отырады. Содан кейін «анау өлді, мынау да жан тапсырғалы жатыр» деген дауыстарды естиді. Осы сәтте Абай ақынның айтқандары есіне түседі. Үйінен ешкімді далаға жібермейді, даладан ешкімді үйге кіргізбейді. Бір келіні ғана бірбеткей, өте өркөкірек екен. Сол келін бой бермей далаға шығып кетеді. Ол үйге қайтпайды.
Сол ауру— оба ауруы екен. Ауылдан бір әйел отын көтеріп келуге кетеді. Отын теріп жүріп өліп жатқан кішкентай кұндызға кездеседі. Отынның арасына салып, құндызды үйіне әкеледі. Оны күйеуі терісін алмақ болып сояды. Міне, осыдан оба ауруы басталған. Кейбір сауаты бар адамдар тиісті жерге хабарлап, Алматыдан, Мәскеуден дәрігерлер, көмекші адамдар арнайы келеді. Олар жәрдем жасай бастайды, бірақ, жәрдем өте кешіккендіктен, ауылды қорғай алмаған. Сол бүкіл ауылдан Қырманшы атамның отбасы ғана (бір келіннен басқасы) аман калған.
Бұл да болса ұлы ақынның асқан білімпаздығы мен көрегендігінің арқасы деп ойлаймын. Әңгіме арасында айтылған бірауыз сөзі бір шаңырақты апаттан аман алып қалғанын қалайша ұмытпақпыз.
Авторы Ерлан Төлеутай
8 сәуір таңғы 08:45-тегі эпидемиологиялық жағдай бойынша, коронавирус індетін жұқтырған тағы 7 адам тiркелген: Қызылорда облысында - 3 адам, Атырау облысында - 4 адам.
Осы сағатта Нұр-Сұлтан қаласы бойынша 222 адам,
Алматы қаласында – 119 адам,
Қызылорда облысында - 69 адам,
Қарағанды облысында - 55 адам,
Жамбыл облысында - 45 адам,
Ақмола облысында - 42 адам,
Атырау облысы - 36 адам,
Түркістан облысында - 33 адам,
Солтүстік Қазақстан облысында - 25 адам,
Шымкент қаласында - 20 адам,
Ақтөбе облысында - 11 адам,
Алматы облысында - 10 адам,
Шығыс Қазақстан облысында - 6 адам,
Маңғыстау облысында - 5 адам,
Қостанай облысында - 3 адам,
Батыс Қазақстан облысында - 2 адам,
Павлодар облысында - 1 адам,
жалпы 704 науқас бар.
ҚР Тұңғыш Президенті – Елбасы Нұрсұлтан Назарбаевтың Egemen Qazaqstan газетінде мақаласы жарияланды.
Тәуелсіздік жылдары ел өмірінің ең қиын да күрделі кезеңдерінде мен кез келген мәселені қадірменді отандастарыммен бірге бүкпесіз, ашық талқыға салып, туған халқыммен үнемі ой бөлісіп келемін. Бүгінгідей бүкіл әлем алаң күй кешіп, ұлт саулығы сынға түскен қазіргі сәтте де баршаны сабырға, байсалдылыққа шақырып, тағы да жұртыма ақ тілеулі сөзімді арнағалы отырмын.
Тұтқиылдан келген жаман індет – коронавирус дерті барша адамзатқа қауіп-қатер төндіруде. Қазірдің өзінде дүние жүзі бойынша 1,4 миллионнан астам жан осы сырқатқа шалдығып, ондаған мың адамның өмірі қиылды. Сондықтан әлем мемлекеттері қатерлі дертке бірлесе дауа іздеп, бүгінгі заманның бар күш-қуатын, ақыл-ойы мен ғылым-білімінің жетістігін ортақ мақсат жолына бірлесе жұмылдырып, ынтымақтаса әрекет етуде.
Қазақстан қауіпті дерттің алдын алуға әлем елдерінің ең алғашқыларының бірі болып кірісті. Тиісті сақтандыру шаралары жасалды. Мемлекеттік органдар арнаулы дайындықтан өткізілді. Өзге елдерде вирус қалай пайда болып, пандемия қалай өрбіп, өршігені бақыланды. Соның нәтижесінде індеттің етек алып кетуіне мүмкіндігінше жол берілмей, ахуал күн сайын тұрақты назарда ұсталып отыр. Жағдайды оңалту үшін көп жұмыс істелді, әлі де талай шаруа атқарылатын болады. Игі мақсаттағы іс-шаралардың бәріне жер-жерлерде бүкіл халық болып қолдау көрсеткеніміз жөн.
Тәуелсіздіктің ең алғашқы күндерінен бастап мен ұлы Абай атамыздың «Кімге достығың болса, достық достық шақырады» деген дана қағидасын басшылыққа алып, әлемнің барлық мемлекетімен арадағы келісім мен достыққа, өзара сенім мен ықпалдастыққа негізделген саясат ұстандым. Егемендіктің бастапқы жылдарында іргелес елдердің бәрімен тату қарым-қатынас орнатып, шекара мәселесін түбегейлі шешкеннен кейін түрлі деңгейдегі ынтымақтастық ұйымдарын құруға бастамашы болғанымның басты себебі де сол еді.
Еуразия экономикалық одағын, Шанхай ынтымақтастық ұйымын, Азиядағы өзара ықпалдастық және сенім шаралары жөніндегі кеңесті құрып, Еуропадағы қауіпсіздік және ынтымақтастық ұйымының тарихи саммитін, Астана экономикалық форумы мен бүкіләлемдік ЭКСПО көрмесін өткізу шараларының бәрі – Қазақстан мен дүние жүзі мемлекеттері арасындағы өзара достық пен сенімге негізделген байланысты, экономикалық ынтымақтастықты нығайту үшін жасалды. Өмірдің өзі, дәл бүгінгі қалыптасқан жағдай біз ұстанған бірігу мен бірлесуге негізделген саясаттың бірден-бір дұрыс жол екендігіне көзімізді жеткізіп отыр.
Жаһан жұртшылығын әбігерге салған пандемия бүкіл әлемде жаңа экономикалық дағдарыс туғызды. Алып кәсіпорындардың жұмысы тоқтады, көлік атаулының қозғалысы шектелді. Мұнайдың бағасы құлдырады. Ел мен ел арасындағы шекаралар жабылып, алыс-беріс тыйылды. Мұның бәрі бұрын-соңды болмаған аса ауқымды рецессияға әкеліп соқтырып, жұмыссыздықты көбейтіп отыр.
Біздің Отанымыз Қазақстан – қазба байлықтарға, оның ішінде мұнайға бай ел. Мен «Бізде мұнай мен газ бар екен деп үнемі соған тәуелді болған дұрыс емес» деп талай мәрте айтқанмын. Сондықтан егемендік жылдары біз ел экономикасын әртараптандырумен болдық. Осы мақсатты жүзеге асыру үшін «Қазақстан-2050» стратегиясын жасап, «Үдемелі индустриялық-инновациялық даму» бағдарламасы аясында 1000-нан астам жаңа кәсіпорын аштық. Соның арқасында әлемдік бәсекеге қабілетті өнімдер шығарылып, елімізге жаңа технологиялар келді. Бұл еліміздің үшінші технологиялық жаңғыруына жол ашты.
Ел аумағында бұрын-соңды болмаған теміржол, автокөлік жолдары салынды.
Жүйелі жүргізілген реформалар нәтижесінде ауыл шаруашылығы да айтарлықтай дамып, Қазақстан өзін ет, сүт және тағы басқа да азық-түлік өнімдерімен емін-еркін қамтамасыз етіп қана қоймай, әлемдегі астық экспорттаушы алғашқы алты мемлекеттің қатарына қосылды.
Болашақ үшін, алда күтіп тұрған осындай алмағайып замандар сынағын еркін еңсеру үшін көп қаржы-қаражат салып, зор жауапкершілікпен атқарылған бұл реформалардың дұрыс болғанын өмірдің өзі дәлелдеді.
Біздің Ата заңымыздың бірінші бабында «Қазақстан Республикасының ең қымбат қазынасы – адам және оның өмірі» деп нақты жазылған. Сондықтан елімізде денсаулық сақтау саласын дамытуға айрықша көңіл бөлінді. «Саламатты Қазақстан» бағдарламасын қабылдап, барлық өңірде бұрын болмаған жүздеген заманауи аурухана мен емхана салдық. Елордада әлемдік деңгейдегі ең озық техникалармен жарақталған аса ірі ғылыми-медициналық орталықтар ашып, оның мамандарын әлемнің ең дамыған елдерінде тәжірибеден өткіздік және «Болашақ» бағдарламасы аясында оқыттық. Осылай алдын ала қамданудың нәтижесінде ұлт денсаулығына қатер төндірген бүгінгідей қиыншылық заманда жұқпалы дерттің дәл диагностикасын жасау, оның алдын алу, науқасты емдеу сияқты тиісті шараларды біздің дәрігерлеріміз жоғары кәсіби деңгейде атқаруда.
Әрине қалыптасып отырған жағдай оңай емес. Бұл – бүкіл әлем мемлекеттеріне түскен зор ауыртпашылық. Біз оны осындай сын сағатта септігін тигізетін халқымыздың төзімділігі, ерік-жігері және өзіне деген зор сенімі арқасында міндетті түрде жеңіп шығамыз. Ол үшін бізге қажетті нәрсе – қаржы-қаражат, материалдық ресурс, техника, азық-түлік – бәрі бар. Алаңдайтын, абыржитын еш негіз жоқ.
Әдетте жұрт көңілі алаң осындай кезде ел ішіне үрей таратып, байбалам салушылар өз мүддесіне пайдалануға тырысады. Мен халықты әртүрлі сондай азғырынды, арзан әңгімелерге еруден сақ болуға шақырамын. Шынымен көптің қамын көздейтін адам айғайшыл күшімен емес, игілікті ісімен қызмет еткені дұрыс. Ғайбат пен байбалам орнына ғылым-біліммен шұғылданған абзал.
Бүгінгі күрес даңқты қолбасшы Бауыржан Момышұлының: «Тәртіпсіз – ел болмайды, тәртіпке бас иген ел құл болмайды» деген қанатты сөзін еске салады және соны бекем ұстануды талап етеді. Өздеріңіз білесіздер, бұл пандемияны көршіміз Қытай елі ұйымшылдығы мен темірдей берік тәртібінің арқасында ауыздықтай алды.
Қазіргі Қазақстанды Кеңес Одағы ыдыраған өткен ғасырдың 90-жылдарындағы Қазақстанмен салыстыруға болмайды. Бізде осындай қиындық туғанда ешкімге алақан жаймау үшін, ұрпақ қамы, ел болашағы үшін жинақталған Ұлттық қор мен алтын-валюта қорында 90 миллиард АҚШ доллары бар. Ретімен, үнемді пайдаланар болсақ, ол бүгін басымызға түскен тағдыр мен тарих сынынан еңсемізді тік ұстап өтуімізге мол мүмкіндік береді.
Ел Президенті Қасым-Жомарт Кемелұлы Тоқаев халыққа арнаған таяудағы үндеуінде барлық әлеуметтік топтарға, кәсіпкерлерге, ауыл шаруашылығы саласына көрсетілетін алуан түрлі көмек туралы жан-жақты мағлұмат берді. Егер Қазақстанның ұлттық экономикадағы қол жеткізген табыстары мен жоғарыда аталған қор құрылмаса, мұның бірі де болмас еді. Кезінде соның бәрін таратып берейік дегендер де болған, бірақ өмір біз қабылдаған шешімнің дұрыс болғанын көрсетті.
Енді Үкімет пен жергілікті атқарушы органдары соны үнемді түрде, рет-ретімен орындауға кірісуі керек. Әр министр, әрбір облыс, қала және аудан басшылары жүйемен, тәртіппен, үйлесіммен, нақты жоспармен, нық сеніммен әрекет етіп, уақытша қиындықтан шығуға барлық күш-қуатты жұмылдыруы қажет. Nur Otan партиясының мүшелері де осы бір сауапты істің алдыңғы қатарынан табылуы тиіс.
Еліміздің ең үлкен байлығы – адам мен оның өмірі болғандықтан, әрбір адам өзінің, отбасының, ата-анасы мен бала-шағасының өміріне, денсаулығына зор жанашырлықпен, ерекше жауапкершілікпен қарауы керек. Өйткені ұлт денсаулығы – мемлекет қауіпсіздігінің құрамдас бөлігі.
Дәл осы тұста бәрімізге халқымыздың әрдайым үлкенге құрмет көрсетіп, кішіге қамқор болатын абзал қасиеттері септігін тигізеді деп сенемін.
Адамның өзіне деген сенімі – үлкен күш. Бұл бойымызға – қажыр, денемізге – қуат, жүрегімізге сенім ұялатады. Біз қазір көмекке аса мұқтаж қарияларды, ардагерлерімізді, көпбалалы аналарды, әл-ауқаты төмендерді, жұмысқа жарамсыз жандарды ерекше қамқорлыққа алуымыз керек. Халқымыздың бойындағы ұрпақтан ұрпаққа үзілмей жеткен ең ізгі қасиеттер бізді осыған үндейді.
Дәл қазір бүкіл адамзат жолайрықта тұр. Әлемдік геосаясатты, экономиканы, экологияны, қоғам өмірінің сан алуан саласын қамтып, тізбектеле келген, бұрын-соңды болмаған проблемалар әлем мемлекеттерінің қарым-қатынасын да өзгерте бастады. Үнді халқының ұлы гуманист қайраткері Махатма Ганди: «Әлемді өзгерту үшін әуелі өзіміз өзгеруіміз керек», деген екен. Кеше ғана бір-бірін аяқтан шалып, жағадан алып, «санкциялық соғыстарға» жол ашқан мемлекеттер енді өзара көмек қолын созысуда. Бұл – жаһандық деңгейдегі үлкен өзгерістердің бастауы.
Әлем тарихында ондаған жылға, тіпті жүз жылдан да астам уақытқа созылған талай соғыстар, шиеленісті жағдайлар мен кикілжіңдер орын алған. Миллиондаған адамды баудай түсірген індеттер де аз болмаған. Адамзат соның бәрін жеңген. Жан алқымнан алып тұрған бұл шырғалаңнан да шығамыз. Әлемнің ең алпауыт мемлекеттері осы қиындықтан сабақ алуы керек.
Кезінде Әйтеке би бабамыз: «Ел мұраты – көрешек, ер мұраты – келешек. Осыларды ойлаған – қоймас түбі сүйінбей», деген екен. Қандай керемет айтылған сөз! Дәл қазір бізге бүкіл адамзат өркениетін сүріндіретін емес, барша әлем халқын сүйіндіретін жаңашыл саясат керек.
Кез келген қиындық адамды тығырықтан шығуға, өзгеше ойлауға, қалыптасқан жұмыс тәсілдерін жетілдіруге бастайды. Ал бұл ғылым мен технологияны дамытуға, сергек өмір салтын қалыптастыруға алып келеді. Бүгінде еңбекті ұйымдастырудың креативті әдістері, тіпті жаңа кәсіп түрлері шыға бастады. Қазір адамдар біртіндеп қағазбастылықтан арылып, қашықтан жұмыс істеу режіміне көшті. Осының бәрі бір кезде алдын ала жоспарланып, кеңінен ойластырылған шаралардың арқасында ғана мүмкін болып отыр.
Рухы мықты, өзіне сенімді адамды қиындықтар шынықтырады. Сондықтан біз бойкүйездіктен, сарыуайымнан, енжарлықтан арылып, тығырықтан шығудың жолын іздеген бүкіл әлем халқымен бірге ширыға, шыңдала түсуіміз керек.
«Бірлік жоқ жерде тірлік жоқ», деген екен әйгілі данышпан Төле би. Береке-бірліктің алмайтын қамалы, бағындырмайтын биігі болмайды. Біз үшін ата-бабаларымыз ғасырлар бойы аңсап күткен, 30 жылға жуық уақыт бұрын қолымыз жеткен азаттықты мәңгі баянды етуден асқан мұрат жоқ. Қазақстан – халқымыз тату-тәтті және келісімде өмір сүріп жатқан ортақ шаңырағымыз. Алуандығымыз – бәсекелі және жаһандық әлемдегі біздің баға жетпес байлығымыз бен артықшылығымыз. Тәуелсіздік жылдары қол жеткізген барлық табысымыздың қайнары – ең алдымен халқымыздың береке-бірлігі. Алла тағала бізді осы бірлігімізден де, тірлігімізден де айырмасын.
Мен сөзімді алдымен аға ұрпақ пен зиялы қауым өкілдеріне арнаймын: халықты ынтымаққа шақырып, жақсылыққа, ізгі амалдар жасауға, саламатты өмір салтын ұстануға үндеңіздер. «Ырыс алды – ынтымақ» екенін ұмытпаңыздар. Жастарды еңбекке, білім алуға, қатарының алды болуға тәрбиелеңіздер. Ұрпақ алдындағы жауапкершілік бізді осыған міндеттейді.
Жаңа өскін – жас ұрпаққа айтарым: тәуелсіздік жылдары дүниеге келген сендер келер жылы орда бұзар отызға толасыңдар. Еліміздегі ең қуатты күш – өздеріңсіңдер. Аға ұрпақ сендер үшін қолдан келгеннің бәрін жасады, енді сендердің де күш-қайрат жұмсайтын кездерің келді. Жамандықтан, жат әдеттен сақтанып, игі істер жасауға ұмтылыңдар. Үлкенге – ізетті, кішіге – қамқор, бір-біріңе дос болыңдар. «Біріңді, қазақ, бірің дос, көрмесең – істің бәрі бос» деген Абай аталарыңның өсиетін ешқашан естен шығармаңдар.
Кәсіпкерлерге де арнайы айтарым бар: сіздер тәуелсіздіктің арқасында өз істеріңізді қалыптастырып, аяқтарыңызға нық тұрдыңыздар, мол дәулетке кенелдіңіздер. Енді «Мен еліме не беремін?» дейтін кездеріңіз де келді.
Осы орайда, менің өтінішім бойынша өз отандастарына қол ұшын беріп, қаржылай, заттай көмектесіп жатқан кәсіпкер азаматтар баршылық. Осы бір жарасымды үрдіс, игі іс одан әрі жалғасын табады деп сенемін.
Ұрпақ пен дәстүр сабақтастығы болған жерде ғана игілік пен ізгілік қатар өркен жаяды. Осы қасиетті қағида әрбір қазақстандықтың жадынан, жүрегінен орын алуы керек.
Маған небір қиын-қыстау күндерде ешқашан намысын бермеген, қашанда бірлігі бекем, пейілі кең, құшағы ашық, бауырмал халыққа басшылық ету бақыты бұйырды. Сондықтан қазіргідей алабұртпа көңіл жағдайында дана да дарқан халқыма – баршаңызға зор ризашылыққа толы осы сөздерімді жолдадым.
Біз тәуелсіздік жылдары сан алуан қиындық пен дағдарысты бастан өткердік. Соның бәрінде мен анық жағдайды, түйткілді проблемаларды ашық түрде алдарыңызға жайып салып отырдым. Сіздер маған үнемі сенім арттыңыздар, мен туған халқымның сол сенімінен ұдайы күш-қуат алдым. Сол үшін сіздерге тағы мың да бір алғысымды білдіремін.
Ұлт денсаулығы мен мемлекет қауіпсіздігі – бір-бірімен етене, егіз ұғымдар. Мемлекет бұл қиындықтан шығу үшін қолдан келгеннің бәрін жасайды және тиісті шараның барлығын атқарады. Бірде-бір адам, еліміздің ешбір азаматы қамқорлықсыз қалмайды.
Біз – біртұтас ел, бірлігі берік жұртпыз. Мен әрқашан халқыммен бірге болғанмын, бұл жолы да сіздермен біргемін.
Біз біргеміз. Қиындыққа қайыспай, белімізді бекем буып, береке-бірлігімізден айрылмайық. Сонда ғана біз қастерлі тәуелсіздігімізді сақтап, Қазақстанды Мәңгілік ел болуға лайықты ете аламыз.
Нұрсұлтан НАЗАРБАЕВ,
Қазақстан Республикасының Тұңғыш Президенті – Елбасы
Қасым-Жомарт Тоқаев "Continental Logistics" ЖШС-ның көлік-логистика орталығына барып, 6 мың тоннадан астам азық-түлік тауарлары сақталған қойманы аралап көрді. Жалпы Нұр-Сұлтан қаласының аумағында көлемі 222 мың шаршы метр болатын 7 логистикалық кешен және 37 мың тонна азық-түлік өнімдерін сақтауға арналған 7 көкөніс қоймасы бар.
Президентке елорда мен өңірлерді азық-түлікпен қамтамасыз ету мәселесі жайында баяндалды. Сауда және интеграция министрі Бақыт Сұлтанов Мемлекет басшысына әлеуметтік маңызы бар азық-түлік тауарларының бағасын реттеу мақсатында қабылдаған шаралар туралы мәлімет берді. Ауыл шаруашылығы министрі Сапархан Омаров Қазақстан Президентіне көкөніс өнімдерін, бидай мен ұн жеткізу жайын баяндады. Нұр-Сұлтан қаласының әкімі Алтай Көлгінов Мемлекет басшысына елорданың қазіргі ахуалы жөнінде есеп берді.
Қасым-Жомарт Тоқаев Үкіметке облыстар мен қалалардың әкімдерімен бірлесіп, азық-түлік тауарлары бағасының қымбаттауына жол бермеуді, алып-сату фактілерінің алдын алуды, сондай-ақ, тұрақтандыру қорын толықтыруды тапсырды.
- Бұл - өте маңызды жұмыс. Халқымызды азық-түлікпен қамтамасыз ету мәселесі - басты міндет. Осы бағытта дұрыс жұмыс жүргізу керек, - деді Мемлекет басшысы.
Қасым-Жомарт Тоқаев қазіргідей Төтенше жағдай кезінде азық-түлік тауарларын тұрақты жеткізу бағытындағы жұмыстарды жүйелі жүргізуге ерекше мән берілетінін жеткізді.
Президенттің айтуынша, Орталық Азия мемлекеттерінің үкіметтері жәрдем сұраған жағдайда, Қазақстан аталған елдерге ынтымақтастықтың белгісі ретінде тиісті көмек көрсетуге әзір.
- Орталық Азиядағы көршілес мемлекеттерге гуманитарлық көмек көрсетуге дайынбыз. Қазақстан - аймақтағы көшбасшы ел. Сондықтан осындай қиын-қыстау кезеңде көмекке зәру елдерге қол ұшын созу міндетіміз, - деді Қасым-Жомарт Тоқаев.
Дереккөз: akorda.kz
Халықаралық әуе көлігі қауымдастығының (ИАТА) 2020 жылғы 6 сәуірдегі арнайы хабарламасына сәйкес, Нұр-Сұлтан Назарбаев халықаралық әуежайының қолданыстағы TSE үш әріпті кодын NQZ-ге өзгерту туралы түпкілікті ресми шешім қабылданды.
Министрлік ИАТА басшылығымен және сарапшыларымен бүкіл әлем бойынша әуежайлардың үш әріпті кодтарын тағайындау мен өзгерту бойынша ИАТА тәсілдерін өзгерту бағытында көп жұмыс істегенін атап өту қажет. Осы жұмыстардың нәтижесінде әлемнің барлық елдері әуежайларының үш әріпті кодтарына өзгерістер енгізуге бірегей мүмкіндік алды. Сонымен қатар, еліміз азаматтық авиация өкілдерінің бүкіл әлем бойынша үш әріптен тұратын әуежай кодтарын тағайындау мен өзгерту туралы ИАТА қарарына түзету енгізу туралы бастамаларын қолдау мәселесін пысықтады.
Бұл өзгеріс ресми түрде 2020 жылдың 8 маусымынан бастап күшіне енеді және NQZ әуежайдың жаңа коды әуе билеттерді брондаудың барлық жүйелерінде, соның ішінде билеттерде, жолжүк биркаларында, ақпараттық таблоларда қолданылады.
Дереккөз: ҚР Индустрия және инфрақұрылымдық даму министрлігінің Telegram-парақшасы
Қазақстанның Тұңғыш Президенті – Елбасы Нұрсұлтан Назарбаев Үкімет басшысы Асқар Маминмен кездесті, деп хабарлайды ҚазАқпарат.
Кездесу барысында Қазақстанның Тұңғыш Президенті елімізде қабылданған шаралардың арқасында коронавирус инфекциясының таралу қарқыны төмендегенін айтып өтті.
«Медицина қызметкерлерінің келісілген жұмысын ерекше атап өткім келеді. Қиын жағдайда құқық қорғау органдары да өз жұмысының тиімділігін көрсетуде. Үкімет пен жергілікті атқарушы органдар да белсенді жұмыс істеп жатыр», - деді Нұрсұлтан Назарбаев.
Елбасы Мемлекет басшысының тапсырмаларын сапалы орындаудың маңыздылығын атап өтті.
«Президенттің барлық бастамасын жергілікті халыққа жеткізудің маңызы зор. Мен бұл туралы облыс әкімдерімен телефон арқылы сөйлескен кезде де айттым», - деді Қазақстанның Тұңғыш Президенті.
Сонымен бірге Нұрсұлтан Назарбаев осы жағдайда экономикалық қауіпсіздікті қамтамасыз ету қажеттілігіне назар аударды.
«Әлемдегі экономикалық ахуал күрделі. Бірақ бірінші тоқсанның қорытындысы бойынша біздің елдің көрсеткіштері жаман емес. Алайда карантиннің әсері әлі күнге дейін елдің экономикалық көрсеткіштеріне толық әсер етпегенін ескерген абзал. Шағын және орта бизнесті қолдау және халықты азық-түлікпен қамтамасыз ету мәселелері маңызды болып қала береді. Енді дағдарыстан кейінгі кезеңде не істейтінімізді ойластыруымыз керек. Экономика құлдырайды. Оның салдары 2008 жылғы дағдарыстан кейінгі кезеңге қарағанда анағұрлым ауыр болатын секілді», - деді Елбасы.
Нұрсұлтан Назарбаев Ұлттық қор мен Үкіметтің резервінен отандық экономиканы қолдау үшін 10 миллиард доллардың уақтылы бөлінгенін жеткізді.
Өз кезегінде Премьер-Министр Қазақстанның Тұңғыш Президентіне коронавирус инфекциясының таралуын болдырмау және әлеуметтік-экономикалық тұрақтылықты қамтамасыз ету бойынша қабылданған шаралар туралы ақпарат берді.
Кездесу соңында Нұрсұлтан Назарбаев экономиканың шикізаттық емес секторларын дамытуға бағытталған бағдарламаларды іске асырудың өзектілігіне тоқталды.
«Біздің елде бұдан да қиын күндер өткен. Біз бұл қиындықтарды да жеңеміз. Ең бастысы - халқымыздың бірлігі мен тыныштығы. Үкімет тиімді жұмыс істейді деп санаймын. Ертең мен Қазақстан халқына арналған мақаламды жариялаймын. Қазір бүкіл әлемге оңай тиіп тұрған жоқ. Аурудың шырқау шегінен әлі өтпедік. Сондықтан біз бір-бірімізді құрметтей отырып, сабыр пен шыдамды танытуымыз керек», - деп түйді Елбасы.
Дереккөз: inform.kz
«Большая вода» уже не опасна
Весеннее повышение температурного фона и ускоренное таяние снежного покрова ведет к вероятности паводков. Состоявшиеся в марте республиканские командно-штабные учения «Көктем-2020» преследовали и практические цели: кроме отработки взаимодействия отрядов экстренного реагирования, местных исполнительных органов, населения, службы чрезвычайных ситуаций также организовали практические мероприятия по устранению паводкоопасных ситуаций, в том числе на горных реках и водоемах Енбекшиказахского района. Районным отделом по ЧС совместно с сельскими акиматами, предприятиями, крестьянскими хозяйствами, ГУ «Казселезащита», Тургенским филиалом Иле-Алатауского государственного национального парка проведены углубления речных русел, отсыпка водозащитных дамб, очистка дренажных каналов и арычных сетей.
Под руководством акима района Бинали Ыскака и начальника отдела по чрезвычайным ситуациям Енбекшиказахского района Рахмана Каримжана на территории Енбекшиказахского района были развернуты практические работы по предотвращению затопления населенных пунктов, автодорог, дачных массивов.
Бинали Ыскак дал акимам сельских округов, руководителям хозяйствующих субъектов задания по по ликвидации угрозы затопления населенных пунктов и промзон на территории паводкоопасных зон района. Местным акиматам было поручено выставить посты наблюдения; вести расчистку мостов, трубчатых переходов, русел каналов, арычной поливной сети в населенных пунктах. Службам энергетики и связи дано указание содержать системы оповещения населения в постоянной готовности, вести проверку мест прохождения электролиний и кабелей связи.
По словам начальника ОЧС Рахмана КАРИМЖАНА, в данное время расход воды на реках, заполнение водохранилищ в пределах среднегодовой нормы, весенние паводки нам не угрожают. Вместе с тем сотрудники ОЧС в социальных сетях ведут разъяснительные беседы о правилах поведения при паводках и пожарах в частном секторе, чтобы не допустить детских шалостей с огнем в период школьных каникул.
И.ВИКТОРОВ
Здравствуй дорогой читатель! В наше время к сожалению участились случаи когда взрослые по разным причинам оставляют детей одних дома. Яркие тому примеры, когда взрослые отлучаются в магазин или уходят на работу. Написание данной статьи побудил меня рассказ одной знакомой о том, что как то ее соседи оставили без присмотра маленького ребенка. Ребенок воспользуясь обстановкой выйдя на балкон случайно нашел спички и играясь поджёг стоящее кресло на балконе. Благодаря бдительным соседям которые оперативно вмешались в данную ситуацию все обошлось без печальных последствий.
Тем самым хотелось бы отметить что, оставляя ребенка одного в квартире, сложно быть уверенным в том, что он не решится поиграть с коробкой спичек, не захочет поджечь бумагу, не заинтересуется работой бытовой техники или не откроет окно балкона если находится в многоэтажном доме. В связи с этим возникает необходимость воспитывать навыки осторожного обращения с огнём и простые правила безопасного поведения с самого раннего возраста, которые возможно предотвратят чрезвычайную ситуацию в целом. Каждый родитель должен стремиться к тому, чтобы ребенок осознал, что спички - не игрушка, а огонь - не забава и любая возможная опасная ситуация привести к трагедии.
Чрезвычайные ситуации с участием детей можно предупредить, если уделять детям больше внимания, правильно организовывать их досуг, обучать мерам пожарной безопасности и правилам безопасного поведения, научить обращаться с первичными средствами пожаротушения. Педагоги и родители должны чаще проводить беседы и занятия с детьми по изучению правил пожарной безопасности и привитию навыков осторожного обращения с огнём.
Уважаемые родители, сотрудники ОЧС Енбекшиказахского района убедительно просит Вас не оставлять детей одних дома без присмотра взрослых. А также запомните что выполнение простых правил по пожарной безопасности поможет сохранить здоровье и жизнь наших детей, ведь дети это наше будущее и надо их беречь. Невыполнение простых правил может привести к непоправимым трагическим последствиям.
ОЧС Енбекшиказахского района
Әлеуметтік желіде коронавирусты емдеу жайында түрлі ақпарат таралып жатыр. Бұл дертке қатысты ақиқат пен аңыздың аражігін ажыратып беру үшін ҚазАқпарат тілшісі ҚР Президенті Іс Басқармасы Медициналық орталығы ауруханасының дәстүрлі терапия дәрігері (рефлексотерапевт) Айнұр Құрметбектен сұхбат алған еді.
- Шығыс медицинасының маманы ретінде COVID-19-ды қалай сипаттар едіңіз?
- Шығыс медицинасында ауру түрлері терапиялық, хирургиялық және жұқпалы аурулар деп бөлінеді. Шығыс медицинасының философиясы бойынша аурулар ыстық, суық, жел, ылғал немесе құрғақтан пайда болады. COVID-19 ыстық ауруға жатады, яғни бұл вирус адамның ішіне түскен соң дене қызуы көтеріледі.
- Үнді мистигі Садхгуру COVID-19 коронавирусы туралы «Негізі бұл вирус жануар ағзасында өмір сүруге бейімделген. Жануарлардың иммунитеті адамның иммунитетіне қарағанда жақсы, сол үшін бұлар олардың ағзасында өлмей, өмір сүре береді. Енді олар қандайда бір жолмен адам ағзасына түсті. Оған адамның иммунитеті шыдамай, өлім жағдайлары болып жатыр. Адамның өліп қалуы бұл вирусқа тиімсіз, себебі біз өлсек, бірнеше күннен кейін ол да өліп қалады. Біз одан, ол бізден шошынып жүрміз. Енді біраз уақыт өткеннен кейін ол адам ағзасында адамды өлтірмей өмір сүре беретіндей өзгереді. Демек COVID-19 түбегейлі жойылып кетпейді, тек біздің ағзаға бейімделіп, жеңіл түрге көшеді. Бұл процесс аяқталғанша шамамен екі жылдай уақыт кетеді» дейді. Бұл туралы сіздің пікіріңіз қандай?
- Қазіргі уақытта бұл вирусқа қатысты болжамдар көп, бірақ оның шындыққа жанасатыны дәлелденбеген. Ғалымдардың ауруға қарсы вакцинаны дер кезінде ойлап таба алмай жатқаны да осыдан. Бір белгілісі – бұл ауру теңіз өнімдерінен, теңізде өмір сүретін тіршілік иелерінен адамға жұққан. Иә, расымен, адамның иммунитеті мықты болса, бұл вирус оның ағзасында ешбір симптомсыз өмір сүре беруі мүмкін. Ондай жағдайлар да бар. Кейбір адамда вирус ағзасына түсе салысымен дене қызуының көтерілуі, бас ауыруы, жөтелу сияқты белгілер бірден байқалады. Демек, әр адамның ағзасы әртүрлі болғандықтан ауру белгісі де әртүрлі болады.
- Коронавирустан сақтану жолдарының бірі – иммунитет көтеру екені туралы айтып өттіңіз. Осы орайда шығыс медицинасы тұрғысынан қандай кеңес беруге болады? Иммунитет көтеру үшін қандай шай демдеп, қандай тағам жеген пайдалы?
- Адамның ауруға қарсы тұратын қабілеті – иммунитет қана. Біріншіден, адам денесі көп қозғалыста болуы керек. Қозғалыс кезінде қан айналымы да, зат алмасу процесі де жақсы жүреді. Көп қозғалған кезде ішкі ағзаларымыз өз қызметін толық атқарып, бойымыздағы зиянды заттар несеп жолы, тер арқылы шығып кетеді. Екіншіден, иммунитетті көтеру үшін дұрыс тамақтану керек. Мысалы, қытайлар етті көп жемегенмен, әртүрлі шөп арқылы иммунитетін жақсы көтеріп алады. Біз нан мен шайды қалай күнде ішіп-жесек, қытай, жапон, кәрістер шөптік дәрумендерді аспен бірге жиі ішіп-жеп отырады. Иммунитетті көтеру үшін зімбір, лимон, жалбыз, жаужапырақ, көк шай, балды жақсылап демдеп, жиі іше беруге кеңес беремін. Сондай-ақ, оңтүстік өңірлерде боза деген сусын дайындалады. Ол арпа, бидай, тары және тағы да басқа дәнді дақылдарды қосып, ашытып, ұн қосып жасалады. Бұл сусын адамның иммунитетін көтеруге өте жақсы көмектеседі. Ол зауыттан да шығарылады, бірақ апаларымыз өз қолымен жасаған сусын пайдалырақ. Бозаны кішкентай балаларға да, орта жастағы адамдарға да, қарияларға да күніне бірнеше рет ішуге болады.
- Зімбірдің (имбирь) иммунитетке пайдалы екенін естіген жұрт оны көптеп сатып алуда. Базардағы бағасы бұрын 2 мың болса, қазір 5-20 мың аралығында. Осы зімбірдің адам ағзасына пайдасы, қасиеті туралы айта кетсеңіз. Оның коронавирусты емдеу қасиеті бар деп сенетіндер де бар...
- Бәрі зімбір қосылған су, сарымсақ қосылған сорпа ішіп жазылып кететін болса – адамдар аталған дерттен қаза таппаушы еді. Ал,, жалпы алғанда, зімбірдің адам ағзасына пайдасы зор. Біздің елдің тұрғындары ол туралы енді оқып-біліп, жаппай сатып алып жатқаны болмаса – бұған дейін аса мән бермеген. Қытай, кәріс, жапондар зімбірді күнделікті тұтынатын тағам, сусындарға қосады. Зімбір адам бойындағы қан айналымын жақсартады және вирусқа қарсы тұра алады. Мысалы, тұмау енді басталып келе жатқан балаға зімбірді үккіштен өткізіп, үстіне ыстық су қосып, 1-2 күн ішкізсеңіз – вирус әрі қарай асқынып кетпейді. Егер зімбір қосылған су тым ащы болып кетсе, бал немесе апельсин қосуға болады. Оны шамадан тыс қолдану асқазанында қышқылы көп, гастриті бар, созылмалы аурулары бар адамдар үшін пайдалы емес. Жалпы зімбір мен сарымсақтың (чеснок) құрамы бірдей, екеуі де қан айналымы мен зат алмасу процесін жақсарту мақсатында, вирусқа қарсы қолданылады.
- Әлеуметтік желіде медициналық университет студенті мынадай пікір қалдырған екен. Оның айтуынша, өткен жылдың желтоқсанынан бері қазақтар коронавируспен ауырып, жазылып кеткенін өздері де білмей қалуы да мүмкін. Оның себебі қазақ халқы ет, сүт сияқты табиғи таза өнім тұтынады, қазы-қарта жейді, біздің ұлттық тағамдар иммунитетті жақсы көтереді. Бұл ойға қатысты не айтуға болады?
- Мен бұл болжамға маман ретінде сенбеймін. Мысалы, аталған вирусты тасымалдаушы адам желтоқсан айында Қазақстанға оралған кезде қаншама адаммен қарым-қатынаста болады. Жаңа жылдың өзінде қонақ күтіп немесе қонаққа барды. Сонда оның айналасындағы бір адам болмаса бір адам ауру жұқтырып алушы еді. Бұл осылай тез жазылып кете салатын ауру болса – әлемде пандемия жарияланбас еді. Бұл – жалған ақпарат. Ал қазы-қарта, жал-жая, құрт жеп, сүт, айран ішуге, табиғи өнімдерді тұтынуға бейім екенін ескерсек – қазақ халқының иммунитеті жақсы екеніне сенемін. Неге бұл вирус қарт адамдарға жұғады және неге егде жастағы адамдар осы дерттен қаза табатынына келер болсақ, жас ұлғайған сайын адамның созылмалы аурулары көбейіп, иммунитеті төмендей бастайды. Вирус адамның денесіне түскеннен кейін бас ауырады, дене қызуы көтеріліп, жөтел және өкпенің қабынуы сияқты белгілер байқала бастайды. Мұндай жағдайда ағзаның ауруға қарсы тұру қабілеті жоқ болғандықтан, адамның бойындағы басқа аурулары да қозады.
- Иммунитет көтеру мен жаттығу жасау арасында байланыс бар ма?
- Иммунитет көтеру мен жаттығу арасындағы байланыс өте тығыз. Күні бойы қозғалмай жата беретін болсақ – зат алмасу, қан айналу қызметі өте баяу болады. Ондай жағдайда жүрек, өкпе, бауыр, бүйрек, көкбауыр өз қызметін толықтай атқара алмай, әртүрлі аурулар пайда болады. Йога, емдік дене шынықтыру, суда жүзумен айналысқанда адам бойындағы әр жасуша өз қызметін дұрыс атқарып, ауруға қарсы тұру қабілеті артады. Сондай-ақ, күніне кемі 2-2,5 литр су ішу керек. Мен Қытайға оқуға түскен кезімде тұмауратып ауырып қалған едім. Сол кезде бізге сабақ беретін профессор үйге барып, ыстық су іше берсем, жазылып кететінімді айтты. Мен оның айтқанына құлақ түріп, екі күн бойы ыстық су ішіп, үшінші күні аяғымнан тұрып кеттім
- «Тәні саудың - жаны сау». Үй жағдайында йоганың қандай түрімен айналысуға болады немесе қандайда бір жаттығу түрлері бар ма?
- Қазіргі уақытта еңбектеген баладан еңкейген қарияға дейін интернет қолдана алады. Youtube желісінде үй жағдайында жасайтын жаттығу түрлерін көруге болады. Біздің аурухананың «Қалыпқа келтіру және оңалту орталығындағы» әріптестерім үйде жасауға болатын жаттығу түрлерін жасап, видеоға түсірді және интернетке салды. Сол видеоны қарап, қайталауға болады.
- Коронавирустан қорғанудың тағы қандай жолдары бар?
- «Мен Нұр-Сұлтан, Алматы қаласында тұрамын. Бұл жақта коронавирус жұқтырғандар көп. Маған өте үлкен қауіп төніп тұр» деп ауру шақырмау керек. Сабыр сақтап, қауіпсіздік шараларын дұрыстап қолдану керек. Қорқа бергенше жеке бас гигиенасын сақтап, уақтылы ұйықтап, уақтылы оянып, уақтылы тамақтану қажет. Бөлмені желдетіп, дәрігерлер кеңесін тыңдау керек. Бұл аурудан сақтанудың бірден-бір жолы – үйден шықпау. Мен халықты дүрлікпеуге, жағымсыз ақпараттарға сенбеуге шақырамын.
Қытайлар эпидемияны не себепті аз уақыт ішінде жеңіп шықты? Себебі оларда тәртіп қатаң. Екіншіден, Қытайда батыс медицинасы мен шығыс медицинасы бірлесе жұмыс істеген екен. Ол жақтағы әріптестерімізбен байланысқан кезде олар коронавирус жұқтырғандардың бәріне халық емін қолданғанын айтты. Ол – инемен емдеу, шөппен емдеу және массаж жасау. Халық емін қолданудың арқасында науқастардың иммунитеті көтеріліп, ауруға қарсы тұру қабілеті нығайған. Коронавирусты емдеу барысында халық емін қолданатыны туралы шетелдік телеарналар да көрсетті. Науқастардың 95%-ына шөптен жасалған дәрілер берілген. Дәрігерлер науқастармен видео арқылы байланысып, денсаулық жағдайы туралы ақпарат алып, тілінің формасын, түсін тексеріп, әр науқастың өзіне тән ем түрін қолданған. Тіл – ішкі ағзаның айнасы. Бұл дертке қатысты вакцина жоқ, сол себепті тек қана адам ағзасында болып жатқан симптомдарды емдеу арқылы ғана жеңе аламыз. Ол жақта миллиардтаған халық тұрса да, 3 500 ғана адам қайтыс болды. Ал Италияда, АҚШ-та, Иранда не болып жатыр? Бізге батыс медицинасы мен шығыс медицинасын біріктіре жұмыс істеуді үйрену керек.
- Сұхбатыңыз үшін рахмет!
Елімізде кеселдің кең таралуына байланысты мемлекет басышысы Қасым-Жомарт Тоқаев төтенше жағдай енгізгені белгілі. Осы ретте Алматы облысы бойынша Мемлекеттік кірістер департаменті президент жарлығының аясында бір қатар жеңілдіктер енгізген.
Шағын және орта бизнес өкілдері 20-31 наурыз аралығында салықтан босатылды. Сонымен қатар, Үкіметтің 27.03.2020 жылғы №141 қаулысына сәйкес 2020 жылға туризм, қоғамдық тамақтану және қонақ үй қызметі саласында қызмет атқаратын заңды тұлғалар мен жеке кәсіпкерлер үшін "0" коэффициенті белгіленген. Және де ауыл шаруашылығы мақсатындағы жерлер үшінде жеңілдік қарастырылған.
Ал, 27 наурыздан бастап 2020 жылғы 1 қазанға дейінгі кезеңде азық-түлік тауарларының тізіміне енгізілген тауарларды сату мен әкелу үшін төленетін құн салығын 8% мөлшерлемесімен өтейді. Аталған тізім Қазақстан Республикасы Үкіметінің 2010 жылғы 1 наурыздағы № 145 қаулысымен бекітілген және 19 атаудан тұрады: Бірінші сортты бидай ұны, Бірінші сортты ұннан жасалған бидай наны (пішінді), Рожки (өлшеніп салынатын), Қарақұмық жармасы (дән, өлшеніп салынатын, Тазартылған күріш (домалақ дәнді, өлшеніп салынатын), Картоп, Асханалық сәбіз, Басты пияз т.б.
Ел аумағында экспортқа өткізілетін бензин (авиациялықты қоспағанда), дизель отыны бойынша акцизделетін тауарларды өндірушілер 27 наурыздан- 31 желтоқсанына дейін акциз төлеуден босатылды.
Жағымды жаңалықтар легі мұнымен толастамайды. Микро, шағын немесе орта кәсіпкерлік субъектілері үшін барлық салықтар мен бюджетке төленетін басқа да міндетті төлемдер, әлеуметтік төлемдер бойынша 2020 жылдың 1 маусымына дейін кейінге қалдыру ұсынылды.
«Төтенше жағдай кезінде, азаматтар 42500 теңге мөлшерінде кедергісіз әлеуметтік көмек алуы үшін, Мемлекеттік кірістер органдары берешекті мәжбүрлеп өндіріп алудың бұрын қабылданған тәсілдері мен шараларының күшін жою жөнінде шаралар қабылдады», - дейді Алматы облысы бойынша МКД басшысының міндетін атқарушы Айдын Тұрғанбекұлы.
Мемлекеттік кіріс органдары Төтенше жағдай кезеңінде жүзеге асыратын тексерулерді жүргізу мерзімі тоқтатылды, алайда тексеру Төтенше жағдайдан кейін қайта басталады.
Әкімшілік жауапкершілік мәселелері төтенше жағдай мерзімі аяқталғаннан кейін қаралатын болады.
Мемлекет басшысының 2020 жылдың 31 наурызындағы жылғы тапсырмасын орындау үшін қосымша қолдау шаралары туралы мәселелер қарастырылуда:
Сонымен, 1 сәуірден 1 қазанға дейін қызметкерлердің табысын еңбекақы қорынан есептелетін салықтар мен төлемдерден босату жоспарлануда. Бұл қоғамдық тамақтану саласына, сауданың жекелеген секторларына, көлік
қызметтеріне, консультациялық қызметтерге, IT-секторларға, қонақ үй бизнесіне қатысты.
1 сәуірден 1 қазанға дейін әуежайлар мен ұшу-қону жолақтары бойынша мүлік салығы үшін "0" коэффициентін белгілеу ұсынылады.
2021 жылдың 1 қаңтарына дейін жеке тұлғаларға "Біз біргеміз" қорынан еңбек шарттарын өтейтін төлемдерді ЖТС, әлеуметтік салық және әлеуметтік төлемдерді төлеуден босату жоспарлануда.
Төтенше жағдай жөніндегі мемлекеттік комиссия түпкілікті тізбені бекітеді және қажеттілігіне қарай маңызыдылығын арттыратын болады.
Анар САБЫРОВА
Ақмола және Алматы өңірлік гарнизондары әскери полиция жасақтарының әскери қызметшілері Ұлттық Ұлан және полиция бөлімшелерімен бірлесіп, Нұр-Сұлтан және Алматы қалаларында патрульдеуге қатысады.
Бірлескен патрульдеу – бұл карантин кезінде қоғамдық тәртіп пен азаматтардың қауіпсіздігін қамтамасыз ету үшін қажетті шара болып саналады. Əскери полицияның жасағы карантиндік аймақтың периметрі бойынша ұйымдастырылған блок-бекеттерде тәулік бойы кезекшілік етеді, қоғамдық орындарды патрульдейді және әскери автокөлік лектерін сүйемелдейді.
Төтенше жағдай кезінде қоғамдық қауіпсіздікті қамтамасыз ету қажеттілігін ҚР Президенті Қасым-Жомарт Тоқаев төтенше жағдай жөніндегі мемлекеттік комиссияның отырысы барысында «құқық бұзушылықтың, ең алдымен ұрлық, тонау, биліктің заңды талаптарына бағынбау фактілерінің өсуіне жол бермеуге болмайды» деп тағы да атап өтті.
Дереккөз: www.gov.kz