Алматы облысында өткен тәулікте 191 (!) адамның коронавирус жұқтырғаны анықталды. Өңір "сары" аймақта.
Соның ішінде Талдықорған қаласында - 35, Жамбыл ауданында – 26, Еңбекшіқазақ ауданында – 22, Талғар және Панфилов аудандарында 18 жағдайдан, Көксу және Қаратал аудандарында 13 жағдайдан, Қарасайда – 10, Ұйғыр ауданында – 9, Іледе – 8, Кербұлақта – 6, Текелі қаласында – 5, Ескелді ауданында – 4, Қапшағайда – 3, Балқаш ауданында 1 жағдай тіркелді.
Ауруханаларда 1401 адам ем қабылдауда, соның 25-нің жағдайы ауыр. 1 тәуілікте ауруханаларға 249 адам ем қабылдауға жатқызылды. Жұқпалы аурулар стационарларындағы орындар 65 % - ке толған.
Соңғы 3 күнде 6327 адамның сынамалары ПЦР зертханаларда тексерілді.
Сондай-ақ өткен тәулікте облыс бойынша 50 адам коронавирус індетінен емделіп шықты.
Құрметті жетісулықтар!
Вирустың таралуын тоқтату үшін әрқайсыңыздан бұрынғыдай адамдар көп жиналатын орындарға барудан мүмкіндігінше бас тартып, үйде болып, сыртқа шыққанда бетпердеңізді дұрыстап тағып, әлеуметтік қашықтықты қатаң сақтауды сұраймыз.
Вакцина коронавирус жұқтырған жағдайда, дерттің асқынып кетуінен қорғайды. Нәтижесінде адамдарға ауруханаға жатудың қажеті шамалы болады. Және екпе алғанда, өлімге әкелетін қайғылы жағдайларды айтпағанның өзінде, коронавирустың ол адамдардың өкпесіне түсіп кетуінен сақтайды.
Екпе ағзаның қорғаныс қабілетін нығайтады!
Бұл өзіңіз бен жақындарыңызды қауіпті індеттен сақтау үшін өте маңызды!
