«Сыбайлас жемқорлыққа жол жоқ,

Жемқорлық – індет, аластау – міндет»

М.Әлімбаев

Қазіргі таңдағы мәселелердің бірі – қоғамдағы сыбайлас жемқорлық. Осы келеңсіз құбылыстың үдеп бара жатқаны ұрпақ тәрбиесіне зиян әкелетіні бәрімізді алаңдатады. Бұл мәселеге тереңірек үңілетін болсақ, сыбайлас жемқорлық ел болашағына, ұлттық қауіпсіздікке үлкен зиянын тигізеді. Яғни осы келеңсіз құбылыспен күресу барша халықтың алдында тұрған ортақ мәселе екені айқын.

Естеріңізге сала кетсек, былтыр ақпан айының басында Агенттік пен Мәдениет және спорт министрлігінің бірінші басшыларымен меморандумға қол қойылып, зиялы қауым өкілдерінің басын қосқан ҚР Ұлттық кітапханасынан бастау алған «Адалдық алаңы» жобасы аясында «Парасат жолы» орталығының тұсауы кесілген болатын. Аталған жоба қоғам арасында сыбайлас жемқорлыққа қарсы мәдениет қалыптастыруға, халықтың әдеби, мәдени және шығармашылық құндылықтарын пайдалана отырып парасаттылық пен адалдық қағидаттарын ілгерілетуге бағытталған.

Биыл 2021 жылдың ақпан айында Еңбекшіқазақ ауданы, Қаракемер ауылдық кітапханасында да «Адалдық алаңы» жобасы аясында «Парасат жолы» бұрышы ашылып, осы бағытта оқырмандармен көптеген жұмыстар атқарылып жатыр.

Қ.Орымбетов атындағы орта мектептің жас ұстаздарының қатысуымен  маусым айының тоғызы күні Қаракемер ауылдық кітапханасында кітапханашысы «Жемқорлыққа жол жоқ» атты ой-талқы өткіздім. Іс-шара барысында аталған мектеп мұғалімдері шәкірттерін келешекте адал жолмен жүруге, Отанын, елін, жерін сүюге, парасаттылыққа, қайырымдылыққа үйретіп, әділдікке тәрбиелеуде өз үлестерін қосатынын айтып, ой-пікірлерін ортаға салды.

Ж.Наширбекова,

Қаракемер ауылдық кітапханасының

кітапханашысы