Елімізде орын алған төтенше жағдайға байланысты кейбір жұмыс орындары бірнеше күнге жұмысын тоқтатты. Соның салдарынан Алматыға қатынап жұмыс істейтін, күнделікті нәпақасын күнделікті тауып отырған азаматтар арасында азық-түлік алуға жағдайы жоқ отбасылар анықталып отыр.
Ауданымызда көмекке мұқтаж мұндай отбасылары барын білген соң Nur Otan партиясының облыстық мәслихат депутаты Ерік Абитов, «Jas Otan» жастар қанаты және «Атамекен» кәсіпкерлер палатасының аудандық филиал басшысы Бақытгүл Дүйсебековамен бірлесе отырып, 40 отбасына азық-түлік себеттерін таратып, көмек көрсетті. «Осы орайда бізге қол ұшын созған Есік қаласындағы «Байқоңыр», сонымен қатар «Әсел», «Шынар» азық-түлік көтерме-бөлшек сауда дүкендеріне алғыс айтамыз. Жасаған жақсылықтарыңыз еселеп қайтсын!», – дейді Ерік Әзілжанұлы.
Қ.МҰРАТҚЫЗЫ