Алматы облысында 12 жастан бастап тұрғындарды коронавирустық инфекциядан вакцинациялау жұмыстары жалғасуда. Бүгінгі күні өңір бойынша 318 вакцинация пункті, 76 мобильді және 17 жылжымалы пункт жұмыс істейді.
2022 жылдың 18 ақпанындағы жағдай бойынша облыста вакцинаның бірінші компонентін 982 544 адам, немесе тиісті контингеттің 81,9% – ы, екінші компонентті – 888 999 азамат немесе иммундауға жататын ересек тұрғындардың 74,1% - ы алды.
Қазіргі уақытта облыс тұрғындары төрт вирусқа қарсы препараттан вакцина таңдай алады, олар: Гам-КОВИД-ВАК (Спутник V), "QazCovid-in", "SinopharmVeroCell" және жасөспірімдерге, жүкті, бала емізетін әйелдерге, сондай-ақ 60 жастан асқан адамдарға және медицина қызметкерлеріне арналған Comirnaty (Pfizer).
Сонымен қатар, облыста жасөспірімдер, жүкті және бала емізетін әйелдер арасында вакцинация жұмыстары жүргізілуде. Облысқа барлығы 451 620 доза Комирнати вакцинасы келіп түсті. 18 ақпандағы жағдай бойынша вакцинацияланған халық саны 96 434 адамды құрайды, оның ішінде 79 136 жасөспірім, 3778 жүкті әйел және лактация кезеңінде 13 520 әйел.
Одан бөлек, 199 082 адам иммундаудың толық курсынан өтті. Оның ішінде 191 216 адам "QazCovid-in" және "SinopharmVeroCell" вакциналарын алса, 7866 адам Comirnaty (Pfizer) вакцинасын алды.
«JETISÝ MEDIA».
