ҚР Парламенті Мәжілісінің депутаты Жанна Тлеубекқызының іс-сапарының алғашқы күнін Шелек ауылдық округі әкімі аппаратының ғимаратында қоғамдық қабылдау өткізіп аяқтады.

Қоғамдық қабылдауға ауданымыздың Шелек өңірі бойынша барлығы алдын ала 18 азамат жазылған. Әр түрлі мәселелерді қозғап келген тұрғындарға халық қалаулысы ҚР Конституциясына сүйене отырып кеңес берді. Азаматтарды қабылдауға мәжіліс депутатынан бөлек облыстық мәслихат депутаттары Ерік Әзілжанұлы, Гульнара Съездбекқызы, Жанна Тастемірқызы және "Nur Otan" партиясының аудандық филиалы төрағасының бірінші орынбасары, аудандық мәслихат депутаты Қуат Сұлтанұлы және мәслихат депутаты Айжан Советбекқызы атсалысып, тұрғындардың көкейіндегі сауалдарына жан-жақты зерделеп жауап қайтарды.