ҚР Парламенті Мәжілісінің депутаты Жанна Тлеубекқызының ауданымыздағы іс-сапары бүгінде жалғасуда.
Есік қаласындағы Есік гуманитарлық-экономикалық колледжінің ұстаздары және студенттерімен кездесу өткізген депутат жастарға елімізде жүзеге асырылып жатқан мемлекеттік бағдарламалар туралы ақпарат беріп, Президентіміз Қ.К.Тоқаевтың тарапынан жастарға көрсетілетін қолдауларға да тоқталды. Кездесу барысында тек қана жастар мәселесі ғана емес, сонымен қатар, қоғамдағы ұстаздардың мәртебесі мен еңбекақылары туралы да сөз қозғалды. Сондай-ақ, қазіргі кездегі ауданымызда ашылып жатқан жастарға арналған спорттық және өнер үйірмелерінің жұмыстары туралы әңгіме айтылып, аудан орталығы Есік қаласында мүмкіндігі шектеулі жастарға арналған арнайы орталықтардың жоқтығы да тілге тиек етілді.
Еркін форматта жастармен сұхбаттасқан халық қалаулысы жастар мен ұстаздар тарапынан қойылған сұрақтарға мардымды жауап беріп, айтылған ұсыныстарына қолдау көрсететінін білдірді.
