ҚР Парламенті Мәжілісінің депутаты Жанна Тлеубекқызының іс сапарының соңғы жұмысын 24 ақпан күні, сағат 16.00-де, Саймасай ауылдық округі әкімі аппаратының ғимаратында қоғамдық қабылдау өткізіп аяқтады. Қоғамдық қабылдауға ауданымыздың Саймасай, Бәйтерек ауылдарының азаматтары барлығы алдын ала 7 азамат жазылған.

Әр түрлі мәселелерді қозғап келген тұрғындарға халық қалаулысы ҚР Конституциясына сүйене отырып кеңестер берді.
Азаматтарды қабылдауға мәжіліс депутаты Жанна Тлеубекқызынан бөлек, "Nur Otan" партиясының аудандық филиалы төрағасының бірінші орынбасары, аудандық мәслихат депутаты Қуат Сұлтанұлы және мәслихат депутаттары Айжан Советбекқызы, Мира Асылбекқызы, Бағдат Болатұлы және Ерболат Аламшаұлы атсалысып, тұрғындардың көкейіндегі сауалдарын жан-жақты зерделеп жауап қайтарды.

Қ.Дарбаева,

аудандық партия филиалының консультанты