Еңбекшіқазақ ауданына іссапармен арнайы келген ҚР Парламенті Мәжілісінің депутаты Жанна Телпекбаева бүгін Жаңашар ауылы Т.Рысқұлов атындағы орта мектептің акт залында округ тұрғындарымен кездесті.
Кездесуге сондай-ақ ұстаздар мен медицина қызметкерлері және аудандық мәслихат депутаттары да қатысты.
Жиын барысында ауылдағы қазіргі кезде шешімін таппаған бірқатар мәселе көтерілді. Оның ішінде ауызсу мәселесі, сонымен қатар 50 жыл тарихы бар Т.Рысқұлов атындағы мектептің күрделі жөндеу жұмыстарын талап ететіндігі сөз болды. Жанна Тілеубекқызы мәслихат депутаттары мен округ тұрғындарының сұрақтарына жауап беріп, ұсыныстарын қағазға түсіріп алды.
Халықпен еркін форматта сұхбаттасуға келген халық қалаулысына тұрғындар алғысын білдіріп шығарып салды.
Қ. Дарбаева,
аудандық партия филиалының консультанты
