Ауған соғысы – Кеңес одағы тұсындағы тарихтың ең қайғылы  беттерінің бірі. «Интернационалдық борышын өтеу керек» деген жалған ұранның жетегінде енді ғана 18 жасқа толған бозбалалар  Ауған жерінің топырағында от пен оққа басын байлады. Бүгінде аудан бойынша 192 ардагер бар.

Кеңес әскерінің Ауғанстан жерінен  шығарылғанына 33 жыл толуына орай аудандық кітапхана мен Абылайхан атындағы орта мектеп ұжымының ұйымдастыруымен «Ауғанда азап шеккен арыстар» атты еске алу кеші өтті. Іс-шараға «Ауған соғысы ардагерлері мен мүгедектері» қоғамдық бірлестігінің төрағасы Алмас Тасанов, Абылайхан орта мектебінің алғашқы әскери дайындық пәнінің мұғалімі Арман Ахметбаев пен мектеп кітапханашысы Ажар Қартбаева, аудандық кітапхананың кітапханашылары Күлия Саурықова, Гүлдана Сәрсембаева, Гүлнара Дүйсембинова және  мектеп оқушылары белсене қатысты. Шарада сөз алған Алмас Сәкенұлы мектеп оқушыларына Ауған соғысы кезіңдегі басынан өткен оқиғаларымен бөлісіп, оқушыларға ақыл-кеңестерін берді. Ал Арман Ахметбаев мектепте оқытылып жатқан алғашқы әскери дайындық сабағында оқушылардың партиоттық сезімдерін ояту арқылы елін қорғайтын азаматтар тәрбилеу басты назарда екенін  айтып өтті. Ары қарай кеш мерекелік концертпен  жалғасты. Сонымен қатар окушыларға арналған кітап көрмесі таныстырылды. Кеш барысында Алмас Серікұлы, Заңғар Жұмақан, Іңкәр Доқтурбай, Маржан Балаханова, Лимара Дүйсенбай, Альфия Шаяхметова, Арман Калимжан, Даяна Мусахан, Алихан Дүйсебек сынды оқушыларды мақтау қағаздарымен марапаттады. Кеш соныңда арнайы  келген қонақтарға сыйлықтар табысталды.

   А.Сұлтанова.