Алматы облысында 661 мемлекеттік органда мемлекеттік қызметшілердің штат саны 7073 бірлікті құрайды. Жыл сайын жоғары кәсіби білімі бар мамандар саны артып келеді. 2016 жылы мансап үлгісінің енгізілуімен меритократия қағидаты бойынша жоғарылатылған қызметкерлер санының өсуінің тұрақты үрдісі байқалады. Мәселен, 2021 жылдың 12 айында облыстық жергілікті атқарушы органдардың жоғары лауазымдарға тағайындалған 211 мемлекеттік қызметшісінің – 151-ы немесе 71,6% жоғарылатылған. Бұл туралы Jetysu media» ақпараттық алаңында Қазақстан Республикасының Мемлекеттік қызмет істері агенттігінің Алматы облысы бойынша департаментінің басшысы Ләззат Бейсеқұлова мәлімдеді.
Спикер мемлекеттік тәртіпті нығайту және әдеп бұзушылықтарға жол бермеу жөніндегі жұмыстың қорытындыларына тоқталып өтті. 2021 жылы Әдеп жөніндегі кеңестің 9 отырысы өтіп, онда 112 мәселе қаралды. Кеңесте қаралған 112 мәселенің тек 74%-ы тәртіптік істер. Өткен жылдың сәйкес кезеңімен салыстырғанда тәртіптік істер саны 12%-ға азайды.
«Департаменттің белсенді профилактикалық жұмысының нәтижесінде оң динамикаға қол жеткізілді деп есептейміз. Тәртіптік істерді қарау нәтижелері бойынша 63 лауазымды тұлға жауапкершілікке тартылды»,-деді Ләззат Мұқатайқызы.
Баспасөз мәслихатында Департамент басшысы мемлекеттік органдардың электронды форматта көрсететін қызметтері үлесінің артқанын мәлімдеді.
Бүгінде Алматы облысында қызмет берушілермен 392 мемлекеттік қызмет түрі көрсетіледі, оның 224 түрі орталық мемлекеттік органдармен, 173 түрі жергілікті атқарушы органдар есебіне жатады. Жергілікті атқарушы органдардың көрсететін электрондық қызметтердің үлесі шамамен 93% - ды құрайды. 2021 жылдың 12 айында Алматы облысы бойынша 14,9 млн.астам мемлекеттік қызмет көрсетілді, 91% - ы электрондық түрде алынған.
Айталық, Департамент мүдделі мемлекеттік органдармен бірлесіп Алматы облысында азаматтардың мемлекеттік көрсетілетін қызметтерден қанағаттану деңгейін арттыру бойынша жүйелі жұмыс жүргізуде. 2021 жылы жалпы саны 1 540 471-ге жуық адамды қамтыған 4,5 мыңнан астам түсіндіру іс-шаралары ұйымдастырылып өткізілді.
JETISÝ MEDIA
